SUN குழுமத்திலிருந்து வெளிவரும் காலை நாளிதழ்

6 ஆண்டுகளுக்கு பின் அபயாரண்யம் முகாமில் வளர்ப்பு யானைகள் பராமரிப்பு

8/22/2020 5:01:59 AM

கூடலூர்,ஆக.22: நீலகிரி மாவட்டம் முதுமலை புலிகள் காப்பகத்தில் 27 வளர்ப்பு யானைகள் பராமரிக்கப்பட்டு வருகின்றன. தெப்பக்காடு, பாம்பேக்ஸ், ஈட்டி மரம் ஆகிய 3 முகாம்களில் இந்த யானைகள் பராமரிக்கப்பட்டு வந்தன. கடந்த 6 வருடங்களுக்கு முன் தெப்பக்காடு மற்றும் அபயாரண்யம் ஆகிய 2 இடங்களில் மட்டுமே முகாம்கள் செயல்பட்டன.  இங்குள்ள முகாம்களில் தெப்பக்காடு பகுதியில் உள்ள முகாமில் மட்டுமே சுற்றுலா பயணிகள் உள்ளிட்ட பார்வையாளர்களுக்கு அனுமதி வழங்கப்பட்டு வந்தது. மற்ற இடங்களிலுள்ள முகாம்களுக்கு பார்வையாளர்களுக்கு அனுமதி கிடையாது.

ஆனால் அபயாரண்யம் முகாம் பிரதான சாலையோரத்தில் இருப்பதால் அந்த வழியாக வாகனங்களில் வரும் சுற்றுலா பயணிகள் வாகனங்களை நிறுத்தி எந்தவித அனுமதியும் இன்றி, முகாம்களுக்கு வருவதை தடுக்க முடியாத நிலை ஏற்பட்டது.  இதனால் பல்வேறு பிரச்னைகளும் ஏற்பட்டதால் இங்குள்ள யானைகளை  பாம்பேக்ஸ்  மற்றும் ஈட்டி மரம் ஆகிய 2 இடங்களில் முகாம்கள் உருவாக்கப்பட்டு கடந்த 6 வருடங்களுக்கு முன் அங்கு கொண்டு செல்லப்பட்டன. இந்நிலையில் ஏப்ரல் மாதம் பெய்த கன மழையில் பாம்பேக்ஸ் முகாமில் மரங்கள் விழுந்து முகாம் சேதமடைந்தது. ஈட்டி மரம் முகாம் தற்காலிக முகாம் என்பதால் அதுவும் மூடப்பட்டது. இதையடுத்து அனைத்து யானைகளும் தெப்பக்காடு முகாமிற்கு கொண்டு வரப்பட்டன. யானைகளை பராமரிப்பதற்கு வசதியாக மீண்டும் அபயாரண்யம் முகாமில் யானைகளை பராமரிக்க வனத்துறையினர் நடவடிக்கைகளை மேற்கொண்டனர்.  தற்போது மூர்த்தி, வசீம், ஜம்பு, விஜய், இந்திரா, கிருஷ்ணா, சீனிவாசன், சங்கர்,  இந்தர் ஆகிய 9 யானைகள் அபயாரண்யம் முகாமிற்கு  கடந்த இரு தினங்களுக்கு முன் கொண்டு வரப்பட்டு பராமரிக்கப்பட்டு வருகின்றன.

பாம்பேக்ஸ் பகுதியில் உள்ள முகாம் மழையால் சேதம் அடைந்ததால் தற்காலிகமாகவே இந்த  முகாமில் யானைகள் பராமரிக்கப்படுவதாகவும், தேவைப்படும் நேரத்தில் மீண்டும் அங்குள்ள முகாம் சீரமைக்கப்பட்டு யானைகள் எப்போது வேண்டுமானாலும் கொண்டு செல்லப்படலாம் எனவும், வனப்பகுதியில் பிடிபடும் காட்டு யானைகளை கூண்டில் அடைத்து பழக்குவதற்கு பாம்பேக்ஸ் முகாமில் கிரால்(மரக்கூண்டு) உள்ளிட்ட வசதிகளும் பாதுகாப்பும் உள்ளது என்றும்  வனத்துறையினர் தெரிவித்தனர்.

மேலும் செய்திகள்

Like Us on Facebook Dinkaran Daily News
  • twins22

    தலை ஒட்டிப் பிறந்த இரட்டை சகோதரிகள் இனி தனித்தனியே!: அறுவை சிகிச்சைக்கு பின் சந்தோஷமாக நாடு திரும்பினர்..!!

  • mumbaitrain22

    7 மாதத்திற்கு பிறகு மும்பை மின்சார ரயிலில் பெண்கள் உற்சாக பயணம்!: 4 மகளிர் சிறப்பு ரயில்களும் இயக்கம்..!!

  • dinosauregg22

    பெரம்பலூரில் தோண்ட தோண்ட கிடைத்த ‘டைனோசர்’ முட்டைகள்!: ஒன்னு இல்ல ரெண்டு இல்ல.. ‘மிரள’ வைத்த எண்ணிக்கை..வியப்பில் பொதுமக்கள்..!!

  • locusts22

    எத்தியோப்பியாவில் வெட்டுக்கிளிகள் அட்டகாசம்!: 25 ஆண்டுகளில் இல்லாத அளவிற்கு உணவு பயிர்கள் நாசம்..விவசாயிகள் வேதனை..!!

  • rainbowtree22

    உலக பொறியாளர்களின் கவனத்தை ஈர்த்த பிலிப்பைன்ஸ் ரெயின்போ ட்ரீ டவர்!: கண்கவரும் புகைப்படங்கள்

படங்கள் வீடியோ கல்வி சினிமா ஜோ‌திட‌ம்