SUN குழுமத்திலிருந்து வெளிவரும் காலை நாளிதழ்

விவசாயிகள் செப்.15க்குள் பயிர் காப்பீடு செய்ய வேண்டும்

8/22/2020 4:48:03 AM

ஈரோடு, ஆக.22: ஈரோடு மாவட்டத்தில் பயிர் காப்பீடு திட்டத்தில் சேர அடுத்த மாதம் 15ம் தேதி கடைசிநாள் என வேளாண் அதிகாரிகள் தெரிவித்துள்ளனர். இதுகுறித்து வேளாண்துறை இணை இயக்குநர் சின்னசாமி வெளியிட்ட செய்திக்குறிப்பில் கூறியிருப்பதாவது:  விவசாயிகளுக்கு எதிர்பாராமல் ஏற்படும் இழப்புக்கு நிதியுதவி வழங்கி பாதுகாக்கவும், பண்ணை வருவாயை நிலைப்படுத்தவும், அதிநவீன தொழில் நுட்பங்களை கடைபிடிப்பதை ஊக்குவிக்கவும், பயிர் காப்பீடு திட்டம் மத்திய, மாநில அரசு பங்களிப்புடன் செயல்படுத்தப்படுகிறது.

ஈரோடு மாவட்டத்தில் ஓரியண்டல் இன்சூரன்ஸ் கம்பெனி லிமிடெட் நிறுவனம் மூலம், பயிர் காப்பீடு செய்யப்படுகிறது. நடப்பு காரீப் பருவத்துக்கு வேளாண் பயிர்களில், மக்காச்சோளம், துவரை, உளுந்து, நிலக்கடலை, வருவாய் கிராம அளவில் ராகி, எள் பயிர்கள் பிர்கா அளவில் அறிவிக்கை செய்யப்பட்டுள்ளது. பிர்கா விபரங்களை, வேளாண் துறையில் விவசாயிகள் நேரடியாக அறிந்து கொள்ளலாம். கடன் பெறாத விவசாயிகள், நடப்பாண்டுக்கான அடங்கல், விதைப்பு சான்றை வி.ஏ.ஓ.,விடம் பெற்று, அதனுடன் வங்கி கணக்கு புத்தகத்தின் முதல் பக்க நகல், ஆதார் அட்டை நகல் இணைத்து, தொடக்க வேளாண் கூட்டுறவு வங்கி அல்லது தேசியமயமாக்கப்பட்ட வங்கி, பொது சேவை மையங்களில் பதிவு செய்யலாம்.

வேளாண் பயிர்களில், மக்காச்சோளம் ஏக்கருக்கு, ரூ.586, துவரை, உளுந்து பயிர் ஏக்கருக்கு, ரூ.331, நிலக்கடலை பயிர் ஏக்கருக்கு, ரூ.591, ராகி மற்றும் எள் பயிர் ஏக்கருக்கு, ரூ.262 காப்பீடு கட்டணமாகும். அடுத்த மாதம் 15ம் தேதிக்குள் பயிற்சி காப்பீடு செய்ய வேண்டும். இத்திட்டத்தில் குத்தகை விவசாயிகள் உட்பட அனைத்து விவசாயிகளும் பயன்பெறலாம்.

மேலும் செய்திகள்

Like Us on Facebook Dinkaran Daily News
  • twins22

    தலை ஒட்டிப் பிறந்த இரட்டை சகோதரிகள் இனி தனித்தனியே!: அறுவை சிகிச்சைக்கு பின் சந்தோஷமாக நாடு திரும்பினர்..!!

  • mumbaitrain22

    7 மாதத்திற்கு பிறகு மும்பை மின்சார ரயிலில் பெண்கள் உற்சாக பயணம்!: 4 மகளிர் சிறப்பு ரயில்களும் இயக்கம்..!!

  • dinosauregg22

    பெரம்பலூரில் தோண்ட தோண்ட கிடைத்த ‘டைனோசர்’ முட்டைகள்!: ஒன்னு இல்ல ரெண்டு இல்ல.. ‘மிரள’ வைத்த எண்ணிக்கை..வியப்பில் பொதுமக்கள்..!!

  • locusts22

    எத்தியோப்பியாவில் வெட்டுக்கிளிகள் அட்டகாசம்!: 25 ஆண்டுகளில் இல்லாத அளவிற்கு உணவு பயிர்கள் நாசம்..விவசாயிகள் வேதனை..!!

  • rainbowtree22

    உலக பொறியாளர்களின் கவனத்தை ஈர்த்த பிலிப்பைன்ஸ் ரெயின்போ ட்ரீ டவர்!: கண்கவரும் புகைப்படங்கள்

படங்கள் வீடியோ கல்வி சினிமா ஜோ‌திட‌ம்