SUN குழுமத்திலிருந்து வெளிவரும் காலை நாளிதழ்

வத்திராயிருப்பு தாலுகா அலுவலகம்முன் கழிவுநீர் தேக்கம் சுகாதாரக் கேடு அபாயம்

3/20/2020 2:33:54 AM

வத்திராயிருப்பு மார்ச் 20: வத்திராயிருப்பு தாலுகா அலுவலகம் முன்பு கழிவுநீர் தேங்கி கிடப்பதால் மக்கள் சிரமமடைந்து வருகின்றனர்.
வத்திராயிருப்பு தாலுகா அலுவலகம் முன்புறம் மற்றும் ஊராட்சி ஒன்றிய அலுவலகம் பின்புறம் உள்ள பள்ளத்தில் கழிவுநீர் தேங்கி கொசுக்கள் உற்பத்தி செய்யும் இடமாக இருந்து வருகிறது. மாதக்கணக்காக கழிவுநீர் கிடைக்கின்றது. அதோடு செடிகள் மற்றும் புற்கள் முளைத்து போய் உள்ளன. இந்த பகுதியில் இசேவை மையம் உள்ளது. இந்த கழிவுநீர் தேங்கி சுகாதாரக் கேட்டை ஏற்படுத்துவதோடு இசேவை மையத்திற்குள் பாம்புகள் படையெடுக்கின்றன. எனவே கழிவுநீரை அகற்ற வேண்டும். புதர்களை தூர்வார வேண்டும் என மக்கள் வலியுறுத்தி உள்ளனர்.

மக்கள் கூறுகையில், ‘‘வேலை நாட்களில் தினந்தோறும் நூற்றுக்கணக்கானோர் வத்திராயிருப்பு தாலுகா அலுவலகம் மற்றும் இசேவை மையத்திற்கும் வந்து செல்கிறார்கள். தற்போதைய நிலையில் கொரோனா வைரஸ் பரவி வருகின்றது. கைகளை சுத்தமாக கழுவ வேண்டும் உள்ளிட்ட பல்வேறு விழிப்புணர்வு ஏற்படுத்தப்பட்டு வரும் வேளையில் கழிவுநீர் தேங்கி சுகாதாரக் கேட்டை ஏற்படுத்தி வருகிறது. அதோடு நிலஅளவைக்கு செல்லும் வழியில் உள்ள கட்டிடத்தை சுற்றி முட்செடிகள் முளைத்துள்ளது.

தாலுகா அலுவலகம் பின்புறம் குப்பைகளாக இருக்கிறது. தாலுகா அலுவலக வளாக பகுதியை சுத்தம் செய்ய உடனடியாக நடவடிக்கை எடுக்க வேண்டும். கழிவுநீர் தேங்கவிடாமல் சுகாதார முறையில் தொட்டி போன்று கட்ட வேண்டும். அதில் தண்ணீர் செல்வதற்கு வழிவகை செய்ய வேண்டும். இசேவை மைய பகுதியில் உள்ள செடிகளையும் அகற்ற வேண்டும். ஏனென்றால் தற்போது காய்ச்சல் உள்ளிட்ட நோய்கள் பரவி வருவதால் சுகாதாரமான முறையில் இருப்பதற்கான நடவடிக்கையை எடுக்க வேண்டும்’’ என கோரிக்கை விடுத்துள்ளனர்.

மேலும் செய்திகள்

Like Us on Facebook Dinkaran Daily News
  • twins22

    தலை ஒட்டிப் பிறந்த இரட்டை சகோதரிகள் இனி தனித்தனியே!: அறுவை சிகிச்சைக்கு பின் சந்தோஷமாக நாடு திரும்பினர்..!!

  • mumbaitrain22

    7 மாதத்திற்கு பிறகு மும்பை மின்சார ரயிலில் பெண்கள் உற்சாக பயணம்!: 4 மகளிர் சிறப்பு ரயில்களும் இயக்கம்..!!

  • dinosauregg22

    பெரம்பலூரில் தோண்ட தோண்ட கிடைத்த ‘டைனோசர்’ முட்டைகள்!: ஒன்னு இல்ல ரெண்டு இல்ல.. ‘மிரள’ வைத்த எண்ணிக்கை..வியப்பில் பொதுமக்கள்..!!

  • locusts22

    எத்தியோப்பியாவில் வெட்டுக்கிளிகள் அட்டகாசம்!: 25 ஆண்டுகளில் இல்லாத அளவிற்கு உணவு பயிர்கள் நாசம்..விவசாயிகள் வேதனை..!!

  • rainbowtree22

    உலக பொறியாளர்களின் கவனத்தை ஈர்த்த பிலிப்பைன்ஸ் ரெயின்போ ட்ரீ டவர்!: கண்கவரும் புகைப்படங்கள்

படங்கள் வீடியோ கல்வி சினிமா ஜோ‌திட‌ம்