SUN குழுமத்திலிருந்து வெளிவரும் காலை நாளிதழ்

வட்டார போக்குவரத்து துறை சார்பில் ஆட்டோ டிரைவர்களுக்கு கொரோனா விழிப்புணர்வு

3/20/2020 2:08:40 AM

மதுரை, மார்ச் 20: மதுரையில் ஆட்டோ டிரைவர்களுக்கு கொரோனா வைரஸ் தடுப்பு விழிப்புணர்வை வட்டார போக்குவரத்து துறை சார்பில் நடைபெற்றது. மதுரை பழங்காநத்தம் ஆட்டோ ஸ்டாண்டில் டிரைவர்களுக்கு கொரோனா வைரஸ் தடுப்பு விழிப்புணர்வு பிரசாரம் நடத்தப்பட்டது. மதுரை வட்டார போக்குவரத்து துறை மதுரை மண்டல இணை கமிஷனர் ரவிச்சந்திரன், தெற்கு வட்டார போக்குவரத்து அலுவலர் கருப்பசாமி ஆகியோர் ஆலோசனைப்படி பிரேக் இன்ஸ்பெக்டர் செந்தில்குமார், போக்குவரத்து போலீஸ் இன்ஸ்பெக்டர் கணேஷ்ராம் மற்றும் ஆர்டிஓ அலுவலக ஊழியர்கள் இதற்கான ஏற்பாடுகளை செய்திருந்தனர்.

ஆட்டோவை வீட்டில் இருந்து காலையில் எடுக்கும் முன்பாக சுத்தமாக கழுவி கிருமி நாசினி தெளிக்கவேண்டும். டிரைவர்கள் முக கவசம் அணிய வேண்டும். அது கிடைக்காவிட்டால் கர்சீப்பை கட்டிக்கொள்ளவேண்டும். பயணிகளிடம் செல்லும் இடங்களை கேட்டறிந்த பின்னர் அவர்களுக்கு சானிடைசர் கொடுத்து கைகளை கழுவிய பின்பு ஆட்டோவில் ஏற்றவேண்டும். அதே போல் ஆட்டோவை இரவில் நிறுத்தும் போதும் சுத்தப்படுத்தவேண்டும் என்று ஆலோசனை வழங்கினர். பின்னர் அனைத்து ஆட்டோக்களுக்கும் கிருமி நாசினி தெளிக்கப்பட்டது.

இதுகுறித்து பிரேக் இன்ஸ்பெக்டர் செந்தில்குமார் கூறுகையில், ‘‘போக்குவரத்து துறை பொதுமக்களோடு அதிக இணைப்பை கொண்ட துறையாகும். எனவே, கொரோனா குறித்து விழிப்புணர்வு மற்றும் ஆலோசனைகளை வழங்கி வருகிறோம். தினமும் ஒவ்வொரு டாக்சி, வேன், பஸ் போன்ற பயணிகளை ஏற்றிச் செல்லும் வாகன உரிமையாளர்கள், ஓட்டுநர்களுக்கு விழிப்புணர்வு ஏற்படுத்தி வருகிறோம்’’ என்றார்.

மேலும் செய்திகள்

Like Us on Facebook Dinkaran Daily News
  • twins22

    தலை ஒட்டிப் பிறந்த இரட்டை சகோதரிகள் இனி தனித்தனியே!: அறுவை சிகிச்சைக்கு பின் சந்தோஷமாக நாடு திரும்பினர்..!!

  • mumbaitrain22

    7 மாதத்திற்கு பிறகு மும்பை மின்சார ரயிலில் பெண்கள் உற்சாக பயணம்!: 4 மகளிர் சிறப்பு ரயில்களும் இயக்கம்..!!

  • dinosauregg22

    பெரம்பலூரில் தோண்ட தோண்ட கிடைத்த ‘டைனோசர்’ முட்டைகள்!: ஒன்னு இல்ல ரெண்டு இல்ல.. ‘மிரள’ வைத்த எண்ணிக்கை..வியப்பில் பொதுமக்கள்..!!

  • locusts22

    எத்தியோப்பியாவில் வெட்டுக்கிளிகள் அட்டகாசம்!: 25 ஆண்டுகளில் இல்லாத அளவிற்கு உணவு பயிர்கள் நாசம்..விவசாயிகள் வேதனை..!!

  • rainbowtree22

    உலக பொறியாளர்களின் கவனத்தை ஈர்த்த பிலிப்பைன்ஸ் ரெயின்போ ட்ரீ டவர்!: கண்கவரும் புகைப்படங்கள்

படங்கள் வீடியோ கல்வி சினிமா ஜோ‌திட‌ம்