SUN குழுமத்திலிருந்து வெளிவரும் காலை நாளிதழ்

மாவட்டத்தில் முகத்திற்கு அணியும் மாஸ்க் விலை உயர்வு

3/20/2020 1:12:00 AM

தர்மபுரி, மார்ச் 20: தர்மபுரியில் முகத்திற்கு அணியும் மாஸ்க் விலை உயர்ந்துள்ளதோடு, கிருமிநாசினி திரவத்திற்கு தட்டுப்பாடு ஏற்பட்டுள்ளது. கொரோனா வைரஸ், தற்போது தமிழகம் உள்பட அனைத்து மாநிலங்களிலும் பரவி வருகிறது. கொரோனா வைரஸ் மனிதர்களின் கைவிரல்கள் மூலம் வெகு விரைவாக பரவுவதால், அடிக்கடி கையை சோப்பு மற்றும் கிருமிநாசினி திரவம் மூலம் 30 வினாடிகள் வரை கைகழுவ வேண்டும் என உலக சுகாதார நிறுவனம் அறிவுறுத்தியுள்ளது. இதனால் பிறரது இருமல், தும்மல் போன்றவற்றின் மூலம், கொரோனா பரவாமல் தடுக்க முகத்திற்கு மாஸ்க் அணிந்து மக்கள் தற்காத்துக்கொள்கின்றனர். இதையொட்டி தர்மபுரியில் பெரும்பாலானவர்கள் முகத்திற்கு மாஸ்க் அணிந்த படி செல்கின்றனர். மேலும் அனைத்து சூப்பர் மார்க்கெட், போலீஸ் ஸ்டேஷன், அரசு அலுவலகங்களில் வாயில் முன்பு கிருமிநாசினி, தண்ணீர் பக்கெட் ஆகியவை வைத்து அலுவலகம், கடைகளுக்கு உள்ளே செல்பவர்களை கைகழுவ செய்கின்றனர்.

இதன் மூலம் நோய் தொற்று பரவாமல் தடுக்கப்படும் என்ற நிலையில், முகத்திற்கு அணியும் மாஸ்க், சானிடைசர் எனப்படும் கிருமிநாசினி திரவம் ஆகியவை அதிகம் வாங்கப்படும் பொருட்களாக மாறியுள்ளன. இதனால் ₹3க்கு விற்பனையான முக மாஸ்க், தற்போது ₹27க்கு விற்பனை செய்யப்படுகிறது. பல மருந்தகங்கள், கடைகளில் முக மாஸ்க் ஸ்டாக் இல்லை. இதே போல் சானிடைசரும் ₹75க்கு குறையாமல் விற்பனை செய்யப்படுகிறது. இந்த திரவத்தில் எம்ஆர்பி இருப்பதால், கூடுதல் விலைக்கு விற்க முடியாவிட்டாலும் பற்றாக்குறை ஏற்பட்டுள்ளது. எனவே, பொதுமக்கள் அச்சத்தை தவிர்க்கும் வகையில், மாவட்ட நிர்வாகம் உள்ளூரிலேயே முக மாஸ்க்குகளையும், சானிடைசர்களையும் மகளிர் சுயஉதவி குழுக்கள் மூலம் தயாரித்து, குறைந்த விலையில் விற்பனை செய்ய நடவடிக்கை எடுக்க வேண்டும் என பொதுமக்கள் கோரிக்கை விடுத்துள்ளனர்.

மேலும் செய்திகள்

Like Us on Facebook Dinkaran Daily News
  • twins22

    தலை ஒட்டிப் பிறந்த இரட்டை சகோதரிகள் இனி தனித்தனியே!: அறுவை சிகிச்சைக்கு பின் சந்தோஷமாக நாடு திரும்பினர்..!!

  • mumbaitrain22

    7 மாதத்திற்கு பிறகு மும்பை மின்சார ரயிலில் பெண்கள் உற்சாக பயணம்!: 4 மகளிர் சிறப்பு ரயில்களும் இயக்கம்..!!

  • dinosauregg22

    பெரம்பலூரில் தோண்ட தோண்ட கிடைத்த ‘டைனோசர்’ முட்டைகள்!: ஒன்னு இல்ல ரெண்டு இல்ல.. ‘மிரள’ வைத்த எண்ணிக்கை..வியப்பில் பொதுமக்கள்..!!

  • locusts22

    எத்தியோப்பியாவில் வெட்டுக்கிளிகள் அட்டகாசம்!: 25 ஆண்டுகளில் இல்லாத அளவிற்கு உணவு பயிர்கள் நாசம்..விவசாயிகள் வேதனை..!!

  • rainbowtree22

    உலக பொறியாளர்களின் கவனத்தை ஈர்த்த பிலிப்பைன்ஸ் ரெயின்போ ட்ரீ டவர்!: கண்கவரும் புகைப்படங்கள்

படங்கள் வீடியோ கல்வி சினிமா ஜோ‌திட‌ம்