SUN குழுமத்திலிருந்து வெளிவரும் காலை நாளிதழ்

வைக்கோல் விலை கடும் உயர்வு

3/20/2020 1:06:39 AM

சின்னசேலம், மார்ச் 20: கள்ளக்குறிச்சி மாவட்டம் மற்றும் அதன் சுற்றுவட்டார பகுதிகளில் நெல் சாகுபடி செய்து அதனை அறுவடை செய்து வருகின்றனர். அறுவடை செய்த நெல் தவிர வைக்கோலை அதிக விலைக்கு வெளியூர் வியாபாரிகள் விலை கொடுத்து வாங்கி செல்கின்றனர். இதனால் இப்பகுதி கால்நடை விவசாயிகளுக்கு போதிய வைக்கோல் கிடைப்பதில்லை என வேதனையுடன் தெரிவிக்கின்றனர்.கள்ளக்குறிச்சி மற்றும் அதன் சுற்றுவட்டார பகுதிகளில் கடந்த சில மாதங்களுக்கு முன்பு பருவமழை பெய்ததில் அணை, ஏரி, குளம் என அனைத்து நீர்நிலைகளும் நிரம்பி வழிந்தன. இதனால் விவசாயிகள் அதிகளவில் சம்பா நெல் சாகுபடி செய்து வந்தனர். கல்வராயன்மலை மற்றும் அதன் சுற்றுவட்டார பகுதிகளில் சுமார் 5 ஆயிரம் ஏக்கருக்கு மேல் சம்பா நெல் சாகுபடி செய்து வருகின்றனர். தற்போது அறுவடை காலம் என்பதால் நெல் அறுவடை செய்து வருகின்றனர். அறுவடை செய்த நெல் போக வைக்கோலை வெளியூர் வியாபாரிகள் வாங்கிச் சென்று வெளி மாவட்டங்களில் அதிக விலைக்கு விற்பனை செய்வதாக விவசாயிகள் தெரிவித்தனர்.

மேலும் அவர்கள் கூறுகையில், ஒரு ஏக்கருக்கு 2,500 முதல் 3,000 வரை விலை நிர்ணயம் செய்து விவசாயிகள் வாங்கி வந்த நிலையில் வியாபாரிகள் ரூ.4,000 முதல் 5,000 வரை அதிக விலை கொடுத்து வாங்கி செல்கின்றனர். கூலி ஆட்கள் பற்றாக்குறை காரணமாக, வெளி மாவட்டங்களில் இருந்து இயந்திரங்கள் வரவழைக்கப்பட்டு நெல் அறுவடை செய்யப்படுகிறது. மேலும் வைக்கோல்களும் அதே இயந்திரங்கள் மூலம் உருளையாக கட்டப்படுகிறது. இந்த இயந்திரங்
களுக்கு 1 மணி நேரத்துக்கு 2,500 ரூபாய் அல்லது ஒரு உருளை கட்டுவதற்கு ரூ.40 வீதம் வரை விவசாயிகள் வாடகை செலுத்தி வருகின்றனர். இதன் காரணமாகவும், வைக்கோல் கட்டு ஒன்று சுமார் 300 ரூபாய்க்கு விற்பனை செய்யப்படுகிறது. இதனால் கால்நடை விவசாயிகள் மாடுகளுக்கு வைக்கோல் வாங்க முடியாத நிலையில் உள்ளனர். மழை இல்லாததால் கால்நடைகளுக்கு தேவையான தீவனங்களை மானாவாரி நிலங்களில் சாகுபடி செய்ய முடியவில்லை.
வைக்கோல் கிடைப்பது மிக கஷ்டமாக உள்ளது. விலை அதிகமாக உள்ளதால் வாங்க வழியில்லாமல் உள்ளோம். விவசாயம் ஒன்றும் இல்லாமல் போய் விட்டது. கால்நடைகளை வைத்து பிழைப்பு நடத்தலாம் என நினைத்தோம். அதுக்கும் தீவனம் கிடைக்கவில்லை என வேதனையுடன் தெரிவித்தனர். த்தப்பட்டுள்ளது.

மேலும் செய்திகள்

Like Us on Facebook Dinkaran Daily News
  • twins22

    தலை ஒட்டிப் பிறந்த இரட்டை சகோதரிகள் இனி தனித்தனியே!: அறுவை சிகிச்சைக்கு பின் சந்தோஷமாக நாடு திரும்பினர்..!!

  • mumbaitrain22

    7 மாதத்திற்கு பிறகு மும்பை மின்சார ரயிலில் பெண்கள் உற்சாக பயணம்!: 4 மகளிர் சிறப்பு ரயில்களும் இயக்கம்..!!

  • dinosauregg22

    பெரம்பலூரில் தோண்ட தோண்ட கிடைத்த ‘டைனோசர்’ முட்டைகள்!: ஒன்னு இல்ல ரெண்டு இல்ல.. ‘மிரள’ வைத்த எண்ணிக்கை..வியப்பில் பொதுமக்கள்..!!

  • locusts22

    எத்தியோப்பியாவில் வெட்டுக்கிளிகள் அட்டகாசம்!: 25 ஆண்டுகளில் இல்லாத அளவிற்கு உணவு பயிர்கள் நாசம்..விவசாயிகள் வேதனை..!!

  • rainbowtree22

    உலக பொறியாளர்களின் கவனத்தை ஈர்த்த பிலிப்பைன்ஸ் ரெயின்போ ட்ரீ டவர்!: கண்கவரும் புகைப்படங்கள்

படங்கள் வீடியோ கல்வி சினிமா ஜோ‌திட‌ம்