SUN குழுமத்திலிருந்து வெளிவரும் காலை நாளிதழ்

காற்றில் மின்வயர் அறுந்து விழுந்து பள்ளி மாணவன் சாவு

3/20/2020 1:05:33 AM

திருக்கனூர், மார்ச் 20: திருக்கனூரில் மின்சாரம் தாக்கி பள்ளி மாணவன் இறந்த சம்பவம் சோகத்தை ஏற்படுத்தி உள்ளது.திருக்கனூர் ராஜா நகரை சேர்ந்தவர் தெய்வசிகாமணி. இவர் கே.ஆர்.பாளையம் மெயின் ரோட்டில் டீக்கடை நடத்தி வருகிறார். இவருக்கு ரவி வர்மன் (17), இளஞ்செழியன் (16) என 2 மகன்கள் உள்ளனர். 2வது மகன் இளஞ்செழியன், திருக்கனூரில் உள்ள தனியார் பள்ளியில் பிளஸ் 1 படித்து வந்தார்.நேற்று காலை இவரது வீட்டிற்கு மின்சாரம் வராததால் மின்கம்பத்தின் அருகே சென்றிருக்கிறார். அப்போது, வீட்டிற்கு மின்இணைப்பு கொடுத்துள்ள வயர் காற்றின் காரணமாக அறுந்து இளஞ்செழியன் மீது விழுந்துள்ளது. இதில் மின்சாரம் தாக்கி சம்பவ இடத்திலேயே அவர் சுருண்டு விழுந்தார். அக்கம் பக்கத்தினர் அவரை மீட்டு மண்ணாடிப்பட்டு சமுதாய நலவழி மையத்துக்கு கொண்டு சென்றனர். அங்கு பரிசோதனை செய்த டாக்டர், வரும் வழியிலேயே இளஞ்செழியன் இறந்து விட்டதாக தெரிவித்தார்.தகவலறிந்த திருக்கனூர் போலீசார் விரைந்து சென்று சடலத்தை கைப்பற்றி பிரேத பரிசோதனைக்காக கதிர்காமம் அரசு மருத்துவமனைக்கு கொண்டு சென்றனர். இது தொடர்பாக அவரது தந்தை தெய்வசிகாமணி அளித்த புகாரின் பேரில் சப்-இன்ஸ்பெக்டர் குமார், உதவி சப்-இன்ஸ்பெக்டர் அமிர்தலிங்கம் ஆகியோர் வழக்கு பதிந்து விசாரணை நடத்தி வருகின்றனர். இச்சம்பவம் அப்பகுதியில் சோகத்தை ஏற்படுத்தியுள்ளது.

மேலும் செய்திகள்

Like Us on Facebook Dinkaran Daily News
  • RamMandirBhoomiPoojan05

    ஜெய் ஸ்ரீராம் கோஷம் முழங்க அயோத்தியில் 161 அடி பிரம்மாண்ட ஆலயத்திற்கு அடிக்கல் நாட்டினார் பிரதமர் மோடி..: புகைப்படத்தொகுப்பு

  • ayothikkk1

    மின் விளக்குகளால் ஜொலிக்கும் அயோத்தி: ராமர் கோயில் பூமி பூஜைக்காக ஏற்பாடு தீவிரம்

  • italy_96611

    வயது என்பது மனதிற்கே... சாதிக்க தடையில்லை...96 வயதில் பட்டம் பெற்று அசத்திய முதியவர்!!

  • umilneer11

    உமிழ்நீரை வைத்து கொரோனா வைரஸை கண்டறிய , ராணுவ நாய்களுக்கு ஜெர்மன் ராணுவம் பயிற்சி!!

  • 25-07-2020

    25-07-2020 இன்றைய சிறப்பு படங்கள்

படங்கள் வீடியோ கல்வி சினிமா ஜோ‌திட‌ம்