SUN குழுமத்திலிருந்து வெளிவரும் காலை நாளிதழ்

கொரோனா அச்சுறுத்தல் எதிரொலி குன்னூரில் 20 லட்சம் கிலோ தேயிலைத்தூள் தேக்கம்

3/20/2020 12:57:40 AM

குன்னூர், மார்ச் 20:  கொரோனா வைரஸ் அச்சுறுத்தல் எதிரொலியாக குன்னூரில் ரூ.14 கோடி மதிப்பிலான 20 லட்சம் கிலோ தேயிலைத்தூள் தேக்கமடைந்துள்ளது. நீலகிரி மாவட்டத்தில் உற்பத்தி செய்யப்படும் தேயிலைத்தூள் குன்னூர், கோவை, கொச்சின் போன்ற பகுதிகளில் உள்ள ஏல மையங்கள் மூலம் வெளி மாநிலங்கள் மற்றும் வெளி நாடுகளுக்கும் ஏற்றுமதியாகிறது. இந்த நிலையில் கொரோனா வைரஸ் எதிரொலியாக தேயிலை தூளை கொண்டு செல்ல முடியாது என்பதால் வெளி நாடுகளில் இருந்தும் வெளி மாநிலங்களில் இருந்தும் இம்மாதத்திற்கான ஏலத்தில் வர்த்தகர்கள் கலந்துக்கொள்ளவில்லை. இதன் காரணமாக குன்னூரில் ரூ.20 லட்சம் கிலோ தேயிலைத்தூள் தேக்கமடைந்துள்ளதாக தேயிலை வர்த்தகர்கள் தெரிவித்துள்ளனர். இது குறித்து தேயிலை வர்த்தகர் ஒருவர் கூறுகையில், தேயிலை விவசாயத்தை நம்பி மாவட்டத்தில் பெரும்பாலான தொழிலாளர்கள் உள்ளனர்.இங்கு தயாரிக்கப்படும் தேயிலைத்தூள் குன்னூரில் உள்ள ஏல மையம் மூலம் மாதந்தோறும்  ஏலம் விடப்பட்டு வெளி மாநிலங்கள் மற்றும் வெளிநாடுகளுக்கு ஏற்றுமதியாகிறது.  தற்போது கொரோனா வைரஸ் அச்சுறுத்தல் காரணமாக இம்மாதத்திற்கான ஏலம் குன்னூரில் நிறுத்தப்பட்டுள்ளது.
இதனால் தேயிலைத் தூள் ஏலம் போகாமல் 14 கோடி ரூபாய் மதிப்பிலான 20 லட்சம் கிலோ தேயிலைத்தூள் குன்னூர் குடோன்களில் தேக்கமடைந்துள்ளது. நீலகிரி தேயிலை ஆலை தொழிலாளர்கள் மற்றும் விவசாயிகள் பாதிக்கப்பட்டுள்ளனர், என்றார்.

மேலும் செய்திகள்

Like Us on Facebook Dinkaran Daily News
  • 04-12-2020

    04-12-2020 இன்றைய சிறப்பு படங்கள்

  • rainpurevi111

    தமிழகத்தை மிரட்டும் புரெவி புயல்... கொட்டும் மழை; கொந்தளிக்கும் கடல் : சாலைகளில் சூழ்ந்த வெள்ளம்!!

  • radish3

    புவியீர்ப்பு சக்தியில்லாத சர்வதேச விண்வெளி நிலையத்தில் முள்ளங்கியை வெற்றிகரமாக வளர்த்த நாசா விஞ்ஞானிகள்!: புகைப்படங்கள்

  • farmers_proteeee11

    மத்திய அரசின் சட்டங்களை எதிர்த்து வீறுகொண்டெழுந்த விவசாயிகள்... டெல்லியில் 8வது நாளாக ஆவேச கோஷங்களை எழுப்பி போராட்டம்!!

  • 03-12-2020

    03-12-2020 இன்றைய சிறப்பு படங்கள்

படங்கள் வீடியோ கல்வி சினிமா ஜோ‌திட‌ம்