SUN குழுமத்திலிருந்து வெளிவரும் காலை நாளிதழ்

திருப்பூர் 2வது மண்டலத்தில் 15 கடைகளை உடனடியாக மூட மாநகராட்சி அதிகாரிகள் உத்தரவு

3/20/2020 12:53:52 AM

திருப்பூர், மார்ச் 20: நாடு முழுவதும் கொரோனா வைரஸ் பரவாமல் தடுக்கும் வகையில் மத்திய, மாநில அரசுகள் பல்வேறு முன்னெச்சரிக்கை நடவடிக்கைகளை மேற்கொண்டு வருகின்றன. இதன்படி, திருப்பூர் மாவட்டத்தில் உள்ள சினிமா தியேட்டர்கள், டிபார்ட்மென்டல் ஸ்டோர் உள்பட பொதுமக்கள் அதிகம் கூடும் வணிக நிறுவனங்களை வருகிற 31ம் தேதி வரை மூடுமாறு மாவட்ட கலெக்டர் விஜயகார்த்திகேயன் உத்தரவிட்டுள்ளார். ஆனாலும், பல இடங்களில் மக்கள் அதிக அளவில் கூடும் டிபார்ட்மென்டல் ஸ்டோர்கள் செயல்பட்டு வருவதாக புகார் எழுந்தது. இதையடுத்து, மாநகராட்சி கமிஷனர் சிவக்குமார் உத்தரவின் பேரில் பொதுமக்கள் அதிகமாக கூடும் கடைகள் மற்றும் வணிக நிறுவனங்களை நேற்று 2வது மண்டல உதவி கமிஷனர் செல்வநாயகம் தலைமையில் சுகாதார அலுவலர் ராமச்சந்திரன், சுகாதார ஆய்வாளர் ராமகிருஷ்ணன் உள்ளிட்ட அதிகாரிகள் ஆய்வு செய்தனர். அப்போது திருப்பூர் பி.என்.ரோட்டில் போயம்பாளையம் முதல் புஷ்பா சந்திப்பு வரை பொதுமக்கள் அதிகமாக கூடும் வகையிலும், ஊழியர்கள் மற்றும் வாடிக்கையாளர்களுக்கு தடுப்பு முன்னெச்சரிக்கை நடவடிக்கைகளை மேற்கொள்ளாமல் இருந்த பல்பொருள் அங்காடி, ஜவுளி நிறுவனங்கள், செல்போன் கடைகள் உள்பட 15 கடைகளை உடனடியாக மூடுவதற்கு அதிகாரிகள் உத்தரவிட்டனர். மேலும் பொதுமக்கள் அறிந்து கொள்ளும் வகையில் அந்த கடைகளின் முன்பகுதியில் அறிவிப்பும் ஒட்டப்பட்டது. அதில், கொரோனா வைரஸ் தடுப்பு நடவடிக்கையாக வருகிற 31ம் தேதி வரை தற்காலிகமாக மூடப்படுவதாக தெரிவிக்கப்பட்டிருந்தது. இதையடுத்து சம்பந்தப்பட்ட கடைகளில் பணியில் இருந்த ஊழியர்கள் அனைவருக்கும் விடுமுறை அளிக்கப்பட்டு, வீடுகளுக்கு அனுப்பப்பட்டனர்.

மேலும் செய்திகள்

Like Us on Facebook Dinkaran Daily News
  • twins22

    தலை ஒட்டிப் பிறந்த இரட்டை சகோதரிகள் இனி தனித்தனியே!: அறுவை சிகிச்சைக்கு பின் சந்தோஷமாக நாடு திரும்பினர்..!!

  • mumbaitrain22

    7 மாதத்திற்கு பிறகு மும்பை மின்சார ரயிலில் பெண்கள் உற்சாக பயணம்!: 4 மகளிர் சிறப்பு ரயில்களும் இயக்கம்..!!

  • dinosauregg22

    பெரம்பலூரில் தோண்ட தோண்ட கிடைத்த ‘டைனோசர்’ முட்டைகள்!: ஒன்னு இல்ல ரெண்டு இல்ல.. ‘மிரள’ வைத்த எண்ணிக்கை..வியப்பில் பொதுமக்கள்..!!

  • locusts22

    எத்தியோப்பியாவில் வெட்டுக்கிளிகள் அட்டகாசம்!: 25 ஆண்டுகளில் இல்லாத அளவிற்கு உணவு பயிர்கள் நாசம்..விவசாயிகள் வேதனை..!!

  • rainbowtree22

    உலக பொறியாளர்களின் கவனத்தை ஈர்த்த பிலிப்பைன்ஸ் ரெயின்போ ட்ரீ டவர்!: கண்கவரும் புகைப்படங்கள்

படங்கள் வீடியோ கல்வி சினிமா ஜோ‌திட‌ம்