SUN குழுமத்திலிருந்து வெளிவரும் காலை நாளிதழ்

கொரோனா வைரஸ் அச்சுறுத்தலால் ஜவுளி, நகைக்கடைகள் அடைப்பு

3/20/2020 12:52:15 AM

ஈரோடு, மார்ச் 20:  கொரோனா வைரஸ் தொற்று காரணமாக ஈரோட்டில் ஜவுளி, நகைக்கடைகள் நேற்று முதல் அடைக்கப்பட்டது. இதனால் கடைவீதிகள் வெறிச்சோடி காணப்பட்டது. கொரோனா வைரஸ் தொற்றை மத்திய அரசு தேசிய பேரிடராக அறிவித்துள்ளது. இதைத்தொடர்ந்து, தமிழகம் முழுவதும் முன்னெச்சரிக்கை நடவடிக்கை மேற்கொள்ளப்பட்டு வருகிறது. கொரோனா வைரஸ் தாக்கம் அதிகமாக இருப்பதால் பொதுமக்கள் அதிக விழிப்புணர்வுடன் இருக்க வேண்டும் என அறிவுறுத்தப்பட்டுள்ளது. ஈரோடு மாநகர பகுதிகளில் உள்ள பெரிய வர்த்தக நிறுவனங்களை மூட வேண்டும் என மாவட்ட நிர்வாகம் அறிவித்துள்ளது. அதன்படி, நேற்று ஈரோடு கடைவீதியில் மணிக்கூண்டு, ஆர்.கே.வி.ரோடு, மேட்டூர்ரோடு, கிருஷ்ணா தியேட்டர் ரோடு, காவிரி ரோடு ஆகிய பகுதிகளில் உள்ள ஜவுளிக்கடைகள், நகைக்கடைகள் என 100க்கும் மேற்பட்ட வணிக நிறுவனங்கள் அடைக்கப்பட்டது. இதனால், பொதுமக்கள் நடமாட்டமின்றி வெறிச்சோடி காணப்படுகிறது. ஈரோட்டில் உள்ள ஜவுளிகடைகள், நகைக்கடைகள் மூலம் தினமும் 25 கோடி ரூபாய் அளவிற்கு வர்த்தகம் இருக்கும். தற்போது கடைகள் மூடப்பட்டுள்ள நிலையில் வர்த்தக இழப்புடன் தொழிலாளர்களும் வேலையிழந்து வருகின்றனர். வரும் 31ம் தேதி வரை விடுமுறை விட அறிவுறுத்தப்பட்டுள்ளதால் தங்களுக்கு ஊதியம் கிடைக்குமா? என ஊழியர்கள் அச்சத்துடன் உள்ளன. இதுகுறித்து ஊழியர்கள் கூறுகையில், கொரோனா வைரஸ் தொடர்பாக திடீரென கடைகளை மூடக்கூறியுள்ளதால் வேலை இல்லாத நிலை ஏற்பட்டுள்ளது. வியாபாரமும் இல்லாததால் எங்களுக்கு ஊதியம் வழங்குவார்களா? என தெரியவில்லை’ என்றனர்.

மேலும் செய்திகள்

Like Us on Facebook Dinkaran Daily News
  • twins22

    தலை ஒட்டிப் பிறந்த இரட்டை சகோதரிகள் இனி தனித்தனியே!: அறுவை சிகிச்சைக்கு பின் சந்தோஷமாக நாடு திரும்பினர்..!!

  • mumbaitrain22

    7 மாதத்திற்கு பிறகு மும்பை மின்சார ரயிலில் பெண்கள் உற்சாக பயணம்!: 4 மகளிர் சிறப்பு ரயில்களும் இயக்கம்..!!

  • dinosauregg22

    பெரம்பலூரில் தோண்ட தோண்ட கிடைத்த ‘டைனோசர்’ முட்டைகள்!: ஒன்னு இல்ல ரெண்டு இல்ல.. ‘மிரள’ வைத்த எண்ணிக்கை..வியப்பில் பொதுமக்கள்..!!

  • locusts22

    எத்தியோப்பியாவில் வெட்டுக்கிளிகள் அட்டகாசம்!: 25 ஆண்டுகளில் இல்லாத அளவிற்கு உணவு பயிர்கள் நாசம்..விவசாயிகள் வேதனை..!!

  • rainbowtree22

    உலக பொறியாளர்களின் கவனத்தை ஈர்த்த பிலிப்பைன்ஸ் ரெயின்போ ட்ரீ டவர்!: கண்கவரும் புகைப்படங்கள்

படங்கள் வீடியோ கல்வி சினிமா ஜோ‌திட‌ம்