SUN குழுமத்திலிருந்து வெளிவரும் காலை நாளிதழ்

திருவண்ணாமலை மாவட்டத்தில் போக்குவரத்து விதிமீறல் தொடர்பாக 22 ஆயிரம் வழக்குகள் பதிவு செய்ய இலக்கு

3/20/2020 12:43:12 AM

திருவண்ணாமலை, மார்ச் 20: வாகன விபத்துகளை தவிர்க்க, போக்குவரத்து விதிமீறல் தொடர்பாக வழக்குகள் பதிவு செய்ய இலக்கு நிர்ணயிக்கப்பட்டுள்ளதாக வட்டார போக்குவரத்து அலுவலர் தெரிவித்தார். கொரோனா வைரஸ் தொற்று தடுப்பு நடவடிக்கையாக, வட்டார போக்குவரத்து அலுவலகங்களில் ஓட்டுநர் உரிமம் வழங்குதல், ஓட்டுநர் பழகுநர் உரிமம் வழங்குதல் போன்ற பணிகள் ேநற்று முதல் நிறுத்தி வைக்கப்பட்டுள்ளது. அதனால், திருவண்ணாமலை வட்டார போக்குவரத்து அலுவலகத்தில் நேற்று ஓட்டுநர் உரிமம் பெற வந்தவர்கள் ஏமாற்றத்துடன் திரும்பினர். ஆனால், புதிய வாகனங்களை பதிவு செய்யும் பணி வழக்கம் போல நடந்தது. நேற்று ஒரே நாளில் மட்டும் 137 புதிய வாகனங்கள் பதிவு செய்யப்பட்டன. இந்த எண்ணிக்கையும் இனி வரும் நாட்களில் குறையும் என தெரிகிறது. இது தொடர்பாக, வட்டார போக்குவரத்து அலுவலர் அருணாச்சலம் தெரிவித்ததாவது: தமிழக அரசின் உத்தரவுபடி, கொரோனா வைரஸ் தடுப்பு முன்னெச்சரிக்கையாக ஓட்டுநர் உரிமம் வழங்கும் பணி வரும் 31ம் தேதி வரை நிறுத்தி வைக்கப்பட்டுள்ளது. அலுவலகத்துக்கு வரும் நபர்களுக்கு, கொரோனா தடுப்பு விழிப்புணர்வு ஏற்படுத்துகிறோம்.

ேமலும், திருவண்ணாமலை மாவட்டத்தில் ஆண்டுக்கு சராசரியாக 500 சாலை விபத்துகள் ஏற்படுகின்றன. இதுபோன்ற விபத்துகளுக்கு போக்குவரத்து விதிமீறல்கள் முக்கிய காரணமாகும். எனவே, போக்குவரத்து விதிமீறல்களை தடுத்து, விபத்துகளை தவிர்க்க தீவிர நடவடிக்கை எடுத்துள்ளோம். அதன்படி, போலீசார் மற்றும் வட்டார போக்குவரத்து அலுவலர்கள் இணைந்து, தீவிர வாகன சோதனை நடத்த இருக்கிறோம். ஹெல்மெட் அணியாதது தொடர்பாக 13 ஆயிரம் வழக்குகள், ஷீட் பெல்ட் அணியாமல் வாகனம் ஓட்டுதல் தொடர்பாக 6,600 வழக்குகள், செல்போன் பேசியபடி வாகனம் ஓட்டுதல் தொடர்பாக 2,750 வழக்குகளை இந்த மாத இறுதிக்குள் பதிவு செய்ய இலக்கு நிர்ணயித்திருக்கிறோம். இவ்வாறு அவர் தெரிவித்தார். கொரோனா வைரஸ் நோய் தடுப்பு முன்னெச்சரிக்கை நடவடிக்கையையொட்டி மக்கள் அதிகம் கூடும் வட்டார போக்குவரத்து அலுவலகங்களில் ஓட்டுனர் உரிமம் வழங்கும் பணி நிறுத்திவைக்கப்பட்டுள்ளதால் வெறிச்சோடி காணப்பட்ட திருவண்ணாமலை வட்டார போக்குவரத்து அலுவலகம்.

மேலும் செய்திகள்

Like Us on Facebook Dinkaran Daily News
  • twins22

    தலை ஒட்டிப் பிறந்த இரட்டை சகோதரிகள் இனி தனித்தனியே!: அறுவை சிகிச்சைக்கு பின் சந்தோஷமாக நாடு திரும்பினர்..!!

  • mumbaitrain22

    7 மாதத்திற்கு பிறகு மும்பை மின்சார ரயிலில் பெண்கள் உற்சாக பயணம்!: 4 மகளிர் சிறப்பு ரயில்களும் இயக்கம்..!!

  • dinosauregg22

    பெரம்பலூரில் தோண்ட தோண்ட கிடைத்த ‘டைனோசர்’ முட்டைகள்!: ஒன்னு இல்ல ரெண்டு இல்ல.. ‘மிரள’ வைத்த எண்ணிக்கை..வியப்பில் பொதுமக்கள்..!!

  • locusts22

    எத்தியோப்பியாவில் வெட்டுக்கிளிகள் அட்டகாசம்!: 25 ஆண்டுகளில் இல்லாத அளவிற்கு உணவு பயிர்கள் நாசம்..விவசாயிகள் வேதனை..!!

  • rainbowtree22

    உலக பொறியாளர்களின் கவனத்தை ஈர்த்த பிலிப்பைன்ஸ் ரெயின்போ ட்ரீ டவர்!: கண்கவரும் புகைப்படங்கள்

படங்கள் வீடியோ கல்வி சினிமா ஜோ‌திட‌ம்