SUN குழுமத்திலிருந்து வெளிவரும் காலை நாளிதழ்

குஜிலியம்பாறை அருகே வைக்கோல் ஏற்றி வந்த லாரி மின்கம்பியில் உரசி தீவிபத்து

3/18/2020 1:57:24 AM

குஜிலியம்பாறை, மார்ச் 18: குஜிலியம்பாறை அருகே வைக்கோல் ஏற்றி வந்த லாரி மின்கம்பியில் உரசி தீப்பற்றியதில் வைக்கோல் எரிந்து நாசமானது.
திருவாரூரைச் சேர்ந்தவர் ராமமூர்த்தி(45). இவர் சொந்தமாக லாரி வைத்து, வைக்கோல் வியாபாரம் செய்து வருகிறார். திருவாரூரில் இருந்து லாரியில் வைக்கோல் ஏற்றிக்கொண்டு நேற்று குஜிலியம்பாறை அருகே ஆலம்பாடி கட்டமநாயக்கனூரில் வைக்கோல் விற்க சென்றார். கட்டமநாயக்கனூர் சாலையை கடக்க முயன்றபோது, மின்கம்பியில் வைக்கோல் உரசியதில் தீ பற்றியது. உடனடியாக லாரியை ஓரம் கட்டி நிறுத்தினர்.

பின்னர் அங்கிருந்த மக்கள் ஒன்று சேர்ந்து வைக்கோலை கீழே தள்ளிவிட்டனர். இருந்தபோதும் வைக்கோல் தீப்பற்றி எரிந்தது.
இச்சம்பவம் குறித்து குஜிலியம்பாறை தீயணைப்பு நிலையத்திற்கு தகவல் கொடுத்தார். நிலைய அலுவலர் பிரகாஷ்(பொ) தலைமையில் தீயணைப்பு வீரர்கள் சம்பவ இடத்திற்கு விரைந்து சென்று தீயை அணைத்தனர். இதில் லாரியில் இருந்த பாதி வைக்கோல் எரிந்து நாசமானது. சம்பவ இடத்திற்கு தீயணைப்பு துறையினர் விரைந்து சென்றதால், தீ பிடிக்காமல் லாரி தப்பியது.

மேலும் செய்திகள்

Like Us on Facebook Dinkaran Daily News
  • 04-12-2020

    04-12-2020 இன்றைய சிறப்பு படங்கள்

  • rainpurevi111

    தமிழகத்தை மிரட்டும் புரெவி புயல்... கொட்டும் மழை; கொந்தளிக்கும் கடல் : சாலைகளில் சூழ்ந்த வெள்ளம்!!

  • radish3

    புவியீர்ப்பு சக்தியில்லாத சர்வதேச விண்வெளி நிலையத்தில் முள்ளங்கியை வெற்றிகரமாக வளர்த்த நாசா விஞ்ஞானிகள்!: புகைப்படங்கள்

  • farmers_proteeee11

    மத்திய அரசின் சட்டங்களை எதிர்த்து வீறுகொண்டெழுந்த விவசாயிகள்... டெல்லியில் 8வது நாளாக ஆவேச கோஷங்களை எழுப்பி போராட்டம்!!

  • 03-12-2020

    03-12-2020 இன்றைய சிறப்பு படங்கள்

படங்கள் வீடியோ கல்வி சினிமா ஜோ‌திட‌ம்