SUN குழுமத்திலிருந்து வெளிவரும் காலை நாளிதழ்

விழுப்புரம் மாவட்டத்தில் அதிரடி சோதனை 15 லட்சம் மதுபாட்டில், கார்கள் பறிமுதல்

3/18/2020 1:34:49 AM

விழுப்புரம், மார்ச் 18: விழுப்புரம் மாவட்டத்தில் சாராயம் விற்பனை செய்பவர்கள் மீதும், புதுச்சேரி மாநில மதுபாட்டில்களை கடத்துபவர்கள் மீதும் எஸ்பி ஜெயக்குமார் உத்தரவின்பேரில் கடுமையான நடவடிக்கை எடுக்கப்பட்டு வருகிறது. இந்நிலையில் நேற்று விழுப்புரம் கூடுதல் எஸ்பி சரவணக்குமார், மதுவிலக்கு டிஎஸ்பி இளங்கோவன் ஆகியோரின் மேற்பார்வையில் விழுப்புரம் மதுவிலக்கு அமல்பிரிவு போலீசார் பனையபுரம், கெங்கராம்பாளையம், வ.பகண்டை கூட்டுசாலை ஆகிய இடங்களில் உள்ள மதுவிலக்கு சோதனைச்சாவடிகளில் தீவிர வாகன சோதனையில் ஈடுபட்டனர்.

அப்போது பனையபுரம் சோதனைச்சாவடி வழியாக வந்த ஒரு சரக்கு வாகனத்தை போலீசார் வழிமறித்து சோதனை செய்ததில் அந்த வாகனத்தில் 250 மதுபாட்டில்களும், 70 லிட்டர் சாராயமும் இருந்தது கண்டுபிடிக்கப்பட்டது. உடனே அந்த வாகனத்தையும், மதுபாட்டில்கள், சாராயத்தையும் போலீசார் பறிமுதல் செய்தனர்.

இதேபோல் கெங்கராம்பாளையம் சோதனைச்சாவடி வழியாக வந்த 2 கார்களை போலீசார் நிறுத்தி சோதனை செய்ததில், ஒரு காரில் 500 மதுபாட்டில்களும், மற்றொரு காரில் 520 மதுபாட்டில்களும் மற்றும் பகண்டை கூட்டுசாலையில் வந்த ஒரு காரில் 730 மதுபாட்டில்களும், 110 லிட்டர் சாராயமும் இருந்தது கண்டுபிடிக்கப்பட்டது. இதையடுத்து அந்த 3 கார்களையும், மதுபாட்டில்கள், சாராயத்தையும் போலீசார் பறிமுதல் செய்தனர். ஆக மொத்தம் நேற்று ஒரே நாளில் 2 ஆயிரம் மதுபாட்டில்கள், 180 லிட்டர் சாராய பாக்கெட்டுகள் மற்றும் கடத்தலுக்கு பயன்படுத்தப்பட்ட ஒரு சரக்கு வாகனம், 3 கார்கள் ஆகியவை பறிமுதல் செய்யப்பட்டது.

இவற்றின் மொத்த மதிப்பு சுமார் ரூ.15 லட்சமாகும். இதனை கடத்தியதாக தர்மபுரி மாவட்டம் பாலக்கோடு தாலுகா வளத்தப்பள்ளத்தை சேர்ந்த சிவராஜ் ( 36), விழுப்புரம் அருகே கரடிப்பாக்கத்தை சேர்ந்த சரவணன் (45) ஆகியோரை போலீசார் கைது செய்தனர். பறிமுதல் செய்யப்பட்ட வாகனங்கள், மதுபாட்டில்களை எஸ்பி ஜெயக்குமார் பார்வையிட்டு, பறிமுதல் செய்த போலீசாரை பாராட்டினார்.

மேலும் செய்திகள்

Like Us on Facebook Dinkaran Daily News
  • twins22

    தலை ஒட்டிப் பிறந்த இரட்டை சகோதரிகள் இனி தனித்தனியே!: அறுவை சிகிச்சைக்கு பின் சந்தோஷமாக நாடு திரும்பினர்..!!

  • mumbaitrain22

    7 மாதத்திற்கு பிறகு மும்பை மின்சார ரயிலில் பெண்கள் உற்சாக பயணம்!: 4 மகளிர் சிறப்பு ரயில்களும் இயக்கம்..!!

  • dinosauregg22

    பெரம்பலூரில் தோண்ட தோண்ட கிடைத்த ‘டைனோசர்’ முட்டைகள்!: ஒன்னு இல்ல ரெண்டு இல்ல.. ‘மிரள’ வைத்த எண்ணிக்கை..வியப்பில் பொதுமக்கள்..!!

  • locusts22

    எத்தியோப்பியாவில் வெட்டுக்கிளிகள் அட்டகாசம்!: 25 ஆண்டுகளில் இல்லாத அளவிற்கு உணவு பயிர்கள் நாசம்..விவசாயிகள் வேதனை..!!

  • rainbowtree22

    உலக பொறியாளர்களின் கவனத்தை ஈர்த்த பிலிப்பைன்ஸ் ரெயின்போ ட்ரீ டவர்!: கண்கவரும் புகைப்படங்கள்

படங்கள் வீடியோ கல்வி சினிமா ஜோ‌திட‌ம்