SUN குழுமத்திலிருந்து வெளிவரும் காலை நாளிதழ்

மாசிமக திருவிழாவையொட்டி பிரம்மபுரீஸ்வரர் கோயிலில் சுவாமி வீதியுலா

3/11/2020 5:49:42 AM

பெரம்பலூர், மார்ச் 11: பெரம்பலூர் பிரம்மபுரீஸ்வரர் கோயில் மாசிமக திருவிழாவையொட்டி நேற்று வெள்ளி ரிஷப வாகனத்தில் சுவாமி வீதியுலா நடந்தது.பெரம்பலூர்- துறையூர் சாலையில் உள்ள பிரம்மபுரிஸ்வரர் கோயில் மாசிமக பெருந்திருவிழாவையொட்டி கோயில் வளாகத்தில் கடந்த 26ம் தேதி முகூர்த்தக்கால் ஊன்றி 29ம் தேதி கொடியேற்றம் நடைபெற்றது. இதைதொடர்ந்து ஹம்ச வாகனம், சிம்ம வாகனம், சேஷ வாகனம், சூரிய பிரபை, சந்திர பிரபை வாகனம், யானை வாகனம், கைலாச வாகனம் ஆகியவற்றில் சுவாமி வீதியுலா, பஞ்சமூர்த்திகள் புறப்பாடு நடந்தது. 6ம் தேதி தேர் முகூர்த்தக்கால் நடும் விழா மற்றும் பிரம்மபுரீஸ்வரருக்கும், அகிலாண்டேஸ்வரிக்கும் திருக்கல்யாண உற்சவம் நடந்தது.

விழாவின் முக்கிய நிகழ்வாக 8ம் தேதி தேரோட்டம், 9ம் தேதி திருவிழா கொடியிறக்கம், தீர்த்தவாரி நடந்தது.இதைதொடர்ந்து நேற்று பிரம்மபுரீஸ்வரர் கோயிலுக்கென 2019 இறுதியில் ரூ.25 லட்சத்திற்கு மேலான மதிப்பில் தயாரிக்கப்பட்ட 50 கிலோ எடை கொண்ட வெள்ளி ரிஷப வாகனத்தில் சுவாமி வீதியுலா நடந்தது. இந்து சமய அறநிலையத்துறை செயல் அலுவலர் மணி முன்னிலையில் சுவாமி வீதியுலா நடந்தது. இதில் சுற்றுவட்டார பகுதியை சேர்ந்த பக்தர்கள் பங்கேற்று சுவாமி தரிசனம் செய்தனர். நாளை (12ம் தேதி) மஞ்சள் நீர் விடையாற்றியுடன் விழா முடிவடைகிறது.

மேலும் செய்திகள்

Like Us on Facebook Dinkaran Daily News
  • twins22

    தலை ஒட்டிப் பிறந்த இரட்டை சகோதரிகள் இனி தனித்தனியே!: அறுவை சிகிச்சைக்கு பின் சந்தோஷமாக நாடு திரும்பினர்..!!

  • mumbaitrain22

    7 மாதத்திற்கு பிறகு மும்பை மின்சார ரயிலில் பெண்கள் உற்சாக பயணம்!: 4 மகளிர் சிறப்பு ரயில்களும் இயக்கம்..!!

  • dinosauregg22

    பெரம்பலூரில் தோண்ட தோண்ட கிடைத்த ‘டைனோசர்’ முட்டைகள்!: ஒன்னு இல்ல ரெண்டு இல்ல.. ‘மிரள’ வைத்த எண்ணிக்கை..வியப்பில் பொதுமக்கள்..!!

  • locusts22

    எத்தியோப்பியாவில் வெட்டுக்கிளிகள் அட்டகாசம்!: 25 ஆண்டுகளில் இல்லாத அளவிற்கு உணவு பயிர்கள் நாசம்..விவசாயிகள் வேதனை..!!

  • rainbowtree22

    உலக பொறியாளர்களின் கவனத்தை ஈர்த்த பிலிப்பைன்ஸ் ரெயின்போ ட்ரீ டவர்!: கண்கவரும் புகைப்படங்கள்

படங்கள் வீடியோ கல்வி சினிமா ஜோ‌திட‌ம்