SUN குழுமத்திலிருந்து வெளிவரும் காலை நாளிதழ்

கோயில் ஆக்கிரமிப்பை அகற்றக்கோரி சலவைத் தொழிலாளர்கள் ஆர்ப்பாட்டம்

2/25/2020 2:10:03 AM

தேனி, பிப். 25: கம்பத்தில் சலவைத் தொழிலாளர்களுக்கு சொந்தமான கோயில் இடத்தை ஆக்கிரமித்து கோயில் கட்டுவதாக, அந்த சமூகத்தை சேர்ந்தவர்கள் ஆர்ப்பாட்டம் நடத்தி, தேனி மாவட்ட கலெக்டரிடம் நேற்று மனு அளித்தனர்.
கம்பத்தில் உள்ள ஓடைக்கரைத் தெருவைச் சேர்ந்த பென்னிகுக் சலவைத் தொழிலாளர் சங்க தலைவர் சிவக்குமார் தலைமையில், 50க்கும் மேற்பட்ட சலவைத் தொழிலாளர்கள், தேனியில் கலெக்டர் அலுவலகம் முன்பாக நேற்று ஆர்ப்பாட்டம் நடத்தினர். பின்னர் கலெக்டரிடம் அளித்த மனுவில் கூறியிருப்பதாவது:கம்பம் நகரில் உள்ள சுருளிபடடி சாலையில் தொட்டமன்துறை அருகே சலவைத் தொழிலாளர்களுக்கு பாத்தியப்பட்ட கருப்பசாமி, பெத்தனசாமி, நாகம்மாள், காளியம்மன் கோயில் உள்ளது. இக்கோயில்களில் கடந்த 100 ஆண்டுகளுக்கும் மேலாக பராமரித்து திருவிழாக்களை நடத்தி வருகிறோம்.

இந்நிலையில், கடந்த 2 ஆண்டுகளுக்கு முன், கோயிலின் பின்புறமுள்ள இடத்தை செந்தில், அய்யப்பன் ஆகியோர் ஆக்கிரமித்து மாசாணியம்மன் கோயில் கட்டி வருகின்றனர். மேலும், சலவைத் தொழிலாளர்களின் கோயில் பீடத்தையும் இடித்து விட்டனர். இது குறித்து உத்தமபாளையம் தாசில்தாரிடம் புகார் தெரிவித்தோம். அவர் கோயில் இடத்தை ஆக்கிரமித்துள்ள தனியாருக்கு சொந்தம் என தெரிவித்துள்ளார். எனவே, கலெக்டர் தலையிட்டு, கோயிலை மீண்டும் சர்வே செய்து, சலவைத் தொழிலாளர்களிடம் கோயில் இடத்தை ஒப்படைக்க வேண்டும்’ என தெரிவித்துள்ளனர்.

மேலும் செய்திகள்

Like Us on Facebook Dinkaran Daily News
  • RamMandirBhoomiPoojan05

    ஜெய் ஸ்ரீராம் கோஷம் முழங்க அயோத்தியில் 161 அடி பிரம்மாண்ட ஆலயத்திற்கு அடிக்கல் நாட்டினார் பிரதமர் மோடி..: புகைப்படத்தொகுப்பு

  • ayothikkk1

    மின் விளக்குகளால் ஜொலிக்கும் அயோத்தி: ராமர் கோயில் பூமி பூஜைக்காக ஏற்பாடு தீவிரம்

  • italy_96611

    வயது என்பது மனதிற்கே... சாதிக்க தடையில்லை...96 வயதில் பட்டம் பெற்று அசத்திய முதியவர்!!

  • umilneer11

    உமிழ்நீரை வைத்து கொரோனா வைரஸை கண்டறிய , ராணுவ நாய்களுக்கு ஜெர்மன் ராணுவம் பயிற்சி!!

  • 25-07-2020

    25-07-2020 இன்றைய சிறப்பு படங்கள்

படங்கள் வீடியோ கல்வி சினிமா ஜோ‌திட‌ம்