SUN குழுமத்திலிருந்து வெளிவரும் காலை நாளிதழ்

செல்போனில் நூதனமாக பேசி முதியவரின் வங்கி கணக்கில் ரூ.5.75 லட்சம் அபேஸ் காரைக்குடியில் பரபரப்பு

2/19/2020 6:26:12 AM

காரைக்குடி, பிப். 19:  காரைக்குடியில் செல்போனில் நூதனமாக பேசி முதியவரின் வங்கி கணக்கிலிருந்து ரூ.5.75 லட்சத்தை அபேஸ் செய்தவரை போலீசார் தேடி வருகின்றனர். காரைக்குடி அருகே அரியக்குடியை சேர்ந்தவர் சவரிமுத்து (60). இவர், காரைக்குடி ஸ்டேட் வங்கியில் கணக்கு வைத்துள்ளார். கடந்த வாரம் சவரிமுத்துவின் செல்போன் எண்ணுக்கு அழைப்பு வந்துள்ளது. அதில் பேசிய நபர், ஸ்டேட் வங்கியில் இருந்து பேசுவதாக தெரிவித்து ரகசிய எண்ணை கேட்டுள்ளார்.சவரிமுத்துவும் வங்கி அதிகாரிகள் பேசுவதாக நினைத்து ரகசிய எண்ணை கொடுத்துள்ளார். இந்நிலையில் சவரிமுத்து நேற்று வங்கிக்கு சென்று கணக்கை சரிபார்த்துள்ளார். அப்போது அவரது வங்கி கணக்கில் இருந்து ரூ.5 லட்சத்து 74 ஆயிரத்து 996 எடுக்கப்பட்டிருந்தது.

இதை கண்டு அதிர்ச்சியடைந்த அவர், கடந்த சில நாட்களுக்கு முன் வங்கி அதிகாரி போல் ஒருவர் தன்னிடம் பேசி ரகசிய எண்ணை கேட்டு வாங்கியதாக வங்கி பணியாளர்களிடம் தெரிவித்தார். அப்போதுதான், போனில் பேசியவர் ரகசிய எண்ணை வாங்கி பணத்தை எடுத்து மோசடி செய்து தெரியவந்தது. இதுகுறித்து சவரிமுத்து காரைக்குடி போலீசில் புகார் அளித்தார். அதன்பேரில் தெற்கு எஸ்ஐ தவமுனி வழக்குப்பதிவு செய்து விசாரித்து வருகிறார். செல்போனில் ரகசிய எண்ணை பெற்று முதியவரின் வங்கி கணக்கிலிருந்து பணம் எடுத்து மோசடி செய்த சம்பவம் காரைக்குடியில் பரபரப்பை ஏற்படுத்தியுள்ளது.

மேலும் செய்திகள்

Like Us on Facebook Dinkaran Daily News
  • twins22

    தலை ஒட்டிப் பிறந்த இரட்டை சகோதரிகள் இனி தனித்தனியே!: அறுவை சிகிச்சைக்கு பின் சந்தோஷமாக நாடு திரும்பினர்..!!

  • mumbaitrain22

    7 மாதத்திற்கு பிறகு மும்பை மின்சார ரயிலில் பெண்கள் உற்சாக பயணம்!: 4 மகளிர் சிறப்பு ரயில்களும் இயக்கம்..!!

  • dinosauregg22

    பெரம்பலூரில் தோண்ட தோண்ட கிடைத்த ‘டைனோசர்’ முட்டைகள்!: ஒன்னு இல்ல ரெண்டு இல்ல.. ‘மிரள’ வைத்த எண்ணிக்கை..வியப்பில் பொதுமக்கள்..!!

  • locusts22

    எத்தியோப்பியாவில் வெட்டுக்கிளிகள் அட்டகாசம்!: 25 ஆண்டுகளில் இல்லாத அளவிற்கு உணவு பயிர்கள் நாசம்..விவசாயிகள் வேதனை..!!

  • rainbowtree22

    உலக பொறியாளர்களின் கவனத்தை ஈர்த்த பிலிப்பைன்ஸ் ரெயின்போ ட்ரீ டவர்!: கண்கவரும் புகைப்படங்கள்

படங்கள் வீடியோ கல்வி சினிமா ஜோ‌திட‌ம்