SUN குழுமத்திலிருந்து வெளிவரும் காலை நாளிதழ்

திருமங்கலம் அருகே பழிக்குப் பழி வாங்க வீடு புகுந்து வாலிபருக்கு சரமாரி அரிவாள் வெட்டு

2/18/2020 6:18:02 AM

திருமங்கலம், பிப்.18: திருமங்கலம் அருகே எட்டு ஆண்டுகளுக்கு முன்பு உறவினரை வெட்டி கொலை செய்த வழக்கில் தொடர்புடைய வாலிபரை பழிக்குபழியாக சிலர் வெட்டிய சம்பவம் பரபரப்பை ஏற்படுத்தியுள்ளது. திருமங்கலம் அருகேயுள்ளது குராயூர் கிராமத்தை சேர்ந்தவர் கருப்பு. இவரது அண்ணன் போஸ். இவர்களுக்குள் இடபிரச்னை இருந்து வந்ததால் முன்விரோதம் இருந்துள்ளது. இந்தநிலையில் கடந்த எட்டு ஆண்டுகளுக்கு முன்பு போஸ் மனைவி சீதாலட்சுமியை கருப்பு மகன் முருகன் (30) வெட்டி கொலை செய்துள்ளார். இதில் முருகன் கைது செய்யப்பட்டு தற்போது ஜாமீனில் வந்துள்ளார். வழக்கு நிலுவையில் உள்ளது.இந்தநிலையில் முருகன் நேற்று காலை வழக்கம் போல் கோர்ட்டிற்கு சென்றுவிட்டு வீட்டிற்கு வந்துள்ளார். வீட்டில் உணவு அருந்திவிட்டு படுத்து உறங்கி கொண்டிருந்தவரை கொலை செய்யப்பட்ட சீதாலட்சுமியின் உறவினர்கள் சிலர் வீடு புகுந்து சரமாரியாக வெட்டியுள்ளனர். இதில் ரத்தவெள்ளத்தில் முருகன் மயங்கினார். அக்கம்பக்கத்தினர் மீட்டு அவரை திருமங்கலம் அரசு மருத்துவமனையில் சிகிச்சைக்கு சேர்த்தனர். சம்பவம் குறித்து கள்ளிக்குடி போலீசார் விசாரணை நடத்தி முருகனை வெட்டிய மர்மநபர்களை தேடி வருகின்றனர்.

மேலும் செய்திகள்

Like Us on Facebook Dinkaran Daily News
  • madurai

    கொரோனா பரவலை தடுக்க நேற்று மக்கள் ஊரடங்கு: வெறிச்சோடிய மதுரை மாநகரம்

  • kurosiya

    கொரோனா தாக்குதலுக்கு மத்தியில் குரோஷியாவை உலுக்கிய கொடூர நிலநடுக்கம்...!இடிபாடுகளில் சிக்கி பலர் படுகாயம்!

  • medition2020

    சீனாவின் ஜாக் மா அறக்கட்டளை மூலம் நன்கொடையளித்த மில்லியன் கணக்கான மருத்துவ பொருட்கள், கிழக்கு ஆபிரிக்க நாடான எத்தியோப்பா விமான நிலையத்திற்கு வந்தடைந்தது!

  • in22222

    கொரோனா தாக்குதலை முன்னிட்டு இந்தியா முழுவதும் ஊரடங்கு உத்தரவு: மக்கள் நமாட்டம் இல்லாததால் வெறிச்சோடிய நகரங்கள்...! புகைப்படங்கள்

  • india2020

    கொரோனா வைரஸ் எதிரொலி: இந்தியாவில் ஊரடங்கு உத்தரவை தொடர்ந்து பணியில் ஈடுபட்டுள்ளவர்களுக்கு பொதுமக்கள் கைத்தட்டி நன்றி தெரிவித்தனர்

படங்கள் வீடியோ கல்வி சினிமா ஜோ‌திட‌ம்