SUN குழுமத்திலிருந்து வெளிவரும் காலை நாளிதழ்

தேவேந்திர குல வேளாளர் அரசாணை

2/18/2020 12:50:18 AM

ஈரோடு, பிப். 18: ஈரோடு  மாவட்ட கலெக்டர் அலுவலகத்தில் நடந்த குறைதீர்க்கும் நாள் கூட்டத்தில்  தமிழக மக்கள் முன்னேற்ற கட்சியின் சார்பில் மாவட்ட தலைவர் செல்வராஜ்  தலைமையில் கோரிக்கைகள் தொடர்பாக மனு அளிக்கப்பட்டது. அந்த மனுவில்  தெரிவித்துள்ளதாவது, குடும்பன், காலாடி, பண்ணாடி, கடையன், பள்ளன்,  தேவேந்திர குலத்தான், வாதிரியார் என்ற 7 உட்பிரிவுகளை ஒன்றிணைத்து  தேவேந்திர குலவேளாளர் என்று அரசாணை வெளியிட வேண்டும். இதை வலியுறுத்தி பல  ஆண்டுகளாக போராடி வருகிறோம். தமிழக அரசு இந்த கோரிக்கையை நிறைவேற்ற  வேண்டும் என்று பல்வேறு விதமான போராட்டங்களை நடத்தி அரசுக்கு  தெரியப்படுத்தி வருகிறோம். ஆனால் அரசு ஆய்வுக்குழு மட்டும் அமைத்து விட்டு  எந்தவிதமான நடவடிக்கையும் எடுக்காமல் அமைதியாகி விட்டது.

இதனால் எங்கள்  கோரிக்கையை தீவிரப்படுத்தும் வகையில் கருப்புச்சட்டை அணிவது என  முடிவெடுத்து கடந்த 100 நாட்களாக தமிழகம் முழுவதும் கருப்புச் சட்டை  அணிந்து கோரிக்கைகளை வலியுறுத்தி வருகிறோம். தமிழக அரசு கால தாமதம்  இல்லாமல் நடவடிக்கை எடுத்து தேவேந்திர குல வேளாளர் என அரசாணை வெளியிட  வேண்டும் எனத் தெரிவித்துள்ளனர். இந்நிகழ்ச்சியில் மாவட்ட செயலாளர்  மயில்துரையன், மாவட்ட பொருளாளர் ராமு, மாவட்ட இணைச் செயலாளர்  குணா(எ)குணசேகரன் மற்றும் நிர்வாகிகள் பலரும் கலந்து கொண்டனர்.

மேலும் செய்திகள்

Like Us on Facebook Dinkaran Daily News
  • spain-school-beach

    ஸ்பெயினில் வகுப்பறையாக மாறிய கடற்கரை!: தனிமனித இடைவெளியுடன் ஆர்வமுடன் கல்வி கற்கும் மாணவர்கள்..!!

  • 19-04-2021

    19-04-2021 இன்றைய சிறப்பு படங்கள்

  • 18-04-2021

    18-04-2021 இன்றைய சிறப்பு படங்கள்

  • niger-scl-15

    நைஜரில் பள்ளியில் ஏற்பட்ட தீயின் கோரப்பிடியில் சிக்கி 20 மாணவர்கள் உடல் கருகி பரிதாப பலி..!!

  • maharastra-15

    தீவிரமடையும் கொரோனா பரவலால் மஹாராஷ்டிராவில் முழு ஊரடங்கு!: மூட்டை முடிச்சுகளுடன் வெளியேறிய புலம்பெயர் தொழிலாளர்களின் புகைப்படங்கள்..!!

படங்கள் வீடியோ கல்வி சினிமா ஜோ‌திட‌ம்