SUN குழுமத்திலிருந்து வெளிவரும் காலை நாளிதழ்

சாலையோர மரங்களில் ஆணி அடிப்பதை தடுக்க வேண்டும் சமூக ஆர்வலர்கள் கோரிக்கை

1/24/2020 1:32:00 AM

திருவாடானை, ஜன.24:  சாலையோர மரங்களில் விளம்பர பலகை வைப்பதற்காக ஆணி அடிப்பவர்கள் மீது நடவடிக்கை எடுக்க வேண்டும் என சமூக ஆர்வலர்கள் கோரிக்கை விடுத்துள்ளனர். திருவாடானையில் இருந்து தொண்டி-மதுரை தேசிய நெடுஞ்சாலை, திருச்சி-ராமேஸ்வரம் தேசிய நெடுஞ்சாலை மற்றும் ஓரியூர் திருவெற்றியூர் உட்பட பல ஊர்களுக்கு மாநில நெடுஞ்சாலை செல்கிறது. இந்த சாலை ஓரங்களில் ஏராளமான மரங்கள் உள்ளன. இந்த மரங்களில் கடைகள் விளம்பரம் முதல் கல்லூரி விளம்பரங்கள் கம்பெனி விளம்பரங்கள் என பலதரப்பட்ட விளம்பரங்கள் செய்ய இந்த சாலையோர மரங்களில் ஆணி அடித்து விளம்பர போர்டுகளை வைக்கின்றனர். இதனால் சாலையோர மரங்கள் ஒரு சில ஆண்டுகளில் பட்டுப் போய் விடுகிறது. இதுகுறித்து சமூக ஆர்வலர்கள் கூறுகையில், மரம் இருந்தால்தான் மழை வளம் கிடைக்கும் என அரசு கூறுகிறது.

ஒரு பக்கம் மரங்களை நடுவதற்கு உள்ளாட்சி அமைப்புகளுக்கு பல கோடி ரூபாயை செலவிடுகிறது. மறுபக்கம் சமூக விரோதிகளால் மரங்கள் வெட்டி கடத்தப்படுகிறது. அதோடு தனியார் விளம்பர கம்பெனிகள் சாலையோர மரங்களில் ஆணி அடித்து தங்களது விளம்பர போர்டுகளை மாற்றி விடுகிறது. ஒரு மரத்தில் பத்துக்கும் மேற்பட்ட விளம்பர போர்டுகள் மாட்டியுள்ளனர். ஒரு குறிப்பிட்ட கம்பெனி வைத்த போர்டை கழற்றி எடுத்து விட்டு மற்றொரு கம்பெனி விளம்பர போர்டு மாட்டி வைக்கின்றனர். ஒரு மரத்தில் வருடத்திற்கு 20க்கும் மேற்பட்ட தடவை அணிகளை மாற்றி மாற்றி அடிக்கின்றனர். இதனால் குறிப்பிட்ட சில வருடத்தில் மரங்கள் பட்டுப் போய் விடுகிறது. எனவே சாலையோர மரங்களில் விளம்பர போர்டுகள் வைப்பவர்களை தடுக்க நடவடிக்கை எடுக்க வேண்டும் என்றனர். தொண்டி-மதுரை தேசிய நெடுஞ்சாலையில் திருவாடானை அருகே சாலையோர மரத்தில் ஆணி அடித்து விளம்பர போர்டு வைக்கப்பட்டுள்ளது.

மேலும் செய்திகள்

Like Us on Facebook Dinkaran Daily News Advertisement
Like Us on Facebook Dinkaran Daily News
  • molave28

    வியட்நாமில் கோரத்தாண்டவம் ஆடிய molave புயல்!: 13 லட்சத்திற்கும் அதிகமான மக்கள் பாதுகாப்பான இடங்களில் தஞ்சம்..!!

  • haryana28

    மதம் மாற மறுத்த இளம்பெண்..பட்டப்பகலில் துப்பாக்கியால் சுட்டு கொலை!: குற்றவாளிகள் மீது கடும் நடவடிக்கை எடுக்க கோரி பல இடங்களில் ஆர்ப்பாட்டம்..!!

  • water28

    தென் அமெரிக்காவில் 2,000 ஆண்டுக்களுக்கு முந்தைய மக்களான மயன் நாகரிகத்தினர் பயன்படுத்திய நீர் சுத்திகரிப்பு மையம் கண்டுபிடிப்பு: ஆச்சர்யத்தில் ஆய்வாளர்கள்..!!

  • biharele28

    கொரோனா பாதிப்புகளுக்கு இடையே பீகார் சட்டசபை தேர்தல் 2020: முதல் கட்டமாக 71 தொகுதிகளில் வாக்கு பதிவு தொடக்கம்..!!

  • pakistanbomb27

    பாகிஸ்தானில் மத பாடசாலையில் பயங்கர குண்டு வெடிப்பு!: சிறுவர்கள் உள்பட 7 பேர் பலி...70க்கும் மேற்பட்டோர் படுகாயம்..!!

படங்கள் வீடியோ கல்வி சினிமா ஜோ‌திட‌ம்