SUN குழுமத்திலிருந்து வெளிவரும் காலை நாளிதழ்

நன்னடத்தை உறுதிமொழியை மீறிய வாலிபருக்கு 313 நாட்கள் சிறை

1/14/2020 6:46:24 AM

பட்டாபிராம், ஜன. 14; நன்னடத்தை உறுதிமொழியை மீறியதற்காக பட்டாபிராமை  சேர்ந்த வாலிபருக்கு 313 நாட்கள் சிறை தண்டனை விதித்து அம்பத்தூர் போலீஸ் துணை கமிஷனர் ஈஸ்வரன் உத்தரவிட்டார். ஆவடியை அடுத்த பட்டாபிராம், அணைக்கட்டுசேரி, ஈஸ்வரன் கோவில் தெருவை சேர்ந்தவர் அறிவழகன் (25). வெல்டர். இவர், மீது வழிப்பறி, அடிதடி உள்ளிட்ட சில வழக்குகள் பட்டாபிராம் போலீஸ் நிலையத்தில் நிலுவையில் உள்ளன.

இதற்கிடையில், கடந்த நவம்பர் மாதம் 23ம் தேதி பட்டாபிராம் போலீசார், குற்ற வழக்குகளில் ஈடுபடாமல் இருக்க அறிவழகனை அம்பத்தூர் துணை கமிஷனர் ஈஸ்வரன் முன் ஆஜர்படுத்தினர். அப்போது அவர், அறிவழகனிடம் ஒரு ஆண்டிற்கு எந்த குற்றச் செயலிலும் ஈடுபடாமல் இருக்க நன்னடத்தை உறுதிமொழி பிரமாண பத்திரம் எழுதி வாங்கியிருந்தார். இந்நிலையில், கடந்த மாதம் 25ம் தேதி நள்ளிரவு அணைக்கட்டுசேரியை சேர்ந்த 50 வயது மதிக்கத்தக்க விதவையின் வீட்டுக்குள் அறிவழகன் நுழைந்துள்ளார். பின்னர், அவரை, அறிவழகன் மானபங்கம் செய்துள்ளார். அவரது அலறல் சத்தம் கேட்டு அப்பகுதி பொதுமக்கள் ஓடி வந்தனர். அதற்குள் அறிவழகன் அங்கிருந்து தப்பி சென்றுவிட்டார்.

இதுகுறித்து புகாரின் அடிப்படையில் பட்டாபிராம் போலீசார் வழக்கு பதிவு செய்து அறிவழகனை கைது செய்து புழல் சிறையில் அடைத்தனர். இதனையடுத்து, நன்னடத்தை உறுதிமொழியை மீறியதற்காக அறிவழகனை பட்டாபிராம் போலீஸ் இன்ஸ்பெக்டர் ஜெயகிருஷ்ணன் நேற்று புழல் சிறையில் இருந்து காவலில் எடுத்து வந்தார். பின்னர், அவரை போலீசார் துணை கமிஷனர் ஈஸ்வரனிடம் ஆஜர்படுத்தினர். இதன் பிறகு, அவர் நன்னடத்தை விதியை மீறியதாக அறிவழகனுக்கு ஒரு ஆண்டில் தவறு செய்யாத நாட்களை கழித்து மீதி உள்ள 313 நாட்களுக்கு சிறை தண்டனை விதித்து தீர்ப்பு கூறினார். இதன் பிறகு,  போலீசார் அவரை புழல் சிறையில் மீண்டும் நேற்று மாலை  அடைத்தனர்.

மேலும் செய்திகள்

Like Us on Facebook Dinkaran Daily News Advertisement
Like Us on Facebook Dinkaran Daily News
  • haryana28

    மதம் மாற மறுத்த இளம்பெண்..பட்டப்பகலில் துப்பாக்கியால் சுட்டு கொலை!: குற்றவாளிகள் மீது கடும் நடவடிக்கை எடுக்க கோரி பல இடங்களில் ஆர்ப்பாட்டம்..!!

  • water28

    தென் அமெரிக்காவில் 2,000 ஆண்டுக்களுக்கு முந்தைய மக்களான மயன் நாகரிகத்தினர் பயன்படுத்திய நீர் சுத்திகரிப்பு மையம் கண்டுபிடிப்பு: ஆச்சர்யத்தில் ஆய்வாளர்கள்..!!

  • biharele28

    கொரோனா பாதிப்புகளுக்கு இடையே பீகார் சட்டசபை தேர்தல் 2020: முதல் கட்டமாக 71 தொகுதிகளில் வாக்கு பதிவு தொடக்கம்..!!

  • pakistanbomb27

    பாகிஸ்தானில் மத பாடசாலையில் பயங்கர குண்டு வெடிப்பு!: சிறுவர்கள் உள்பட 7 பேர் பலி...70க்கும் மேற்பட்டோர் படுகாயம்..!!

  • bee27

    6 லட்சத்துக்கும் அதிகமான தேனீக்களை உடலில் சுமந்து சீன இளைஞர் கின்னஸ் சாதனை!: பேஸ்புக்கில் கலக்கும் வித்தியாசமான சாதனை முயற்சி..!!

படங்கள் வீடியோ கல்வி சினிமா ஜோ‌திட‌ம்