SUN குழுமத்திலிருந்து வெளிவரும் காலை நாளிதழ்

திண்டுக்கல், பழநி கல்லூரிகளில் சமத்துவ பொங்கல் விழா கொண்டாட்டம்

1/14/2020 5:11:44 AM

திண்டுக்கல்/ பழநி, ஜன. 14: திண்டுக்கல் எம்விஎம் அரசு மகளிர் கலை கல்லூரியில் சமத்துவ பொங்கல் விழா நடைபெற்றது. இதையொட்டி கல்லூரி மைதானத்தில் அழகான வண்ண கோலங்கள் போட்டப்பட்டன. தொடர்ந்து கரும்புகள் கட்டி 300க்கும் மேற்பட்ட பொங்கல் பானையில் சுமார் 2500 மாணவிகள் ஒரே நேரத்தில் பொங்கல் வைத்தனர். பின்னர் மாணவிகள் கும்மியடித்தும், ஆடிப்பாடியும் தமிழர் திருநாளான பொங்கலை வரவேற்று மகிழ்ந்தனர். இதில் கல்லூரி முதல்வர், பேராசிரியர்கள், மாணவிகள் பலர் கலந்து கொண்டனர். பழநி அருள்மிகு பழநியாண்டவர் கலை மற்றும் பண்பாட்டு கல்லூரியில் தமிழ்த்துறையின் சார்பில் சமத்துவ பொங்கல் விழா நடந்தது. முதல்வர் பிரபாகர் தலைமை வகித்தார். துறைத்தலைவர் (பொ) கிருஷ்ணமூர்த்தி முன்னிலை வகித்தார். விழாவில் முதுகலை மற்றும் இளங்கலையை சேர்ந்த மாணவ- மாணவிகள் பராம்பரிய உடைகளான வேட்டி- சட்டை மற்றும் சேலை அணிந்து பங்கேற்றனர். தொடர்ந்து கல்லூரி வளாகத்தில் உள்ள விநாயகர் கோயில் முன்பு பொங்கல் வைத்தனர். பின்னர் மாணவ- மாணவிகளுக்கு பொங்கல், கரும்புகள் வழங்கப்பட்டன. மாணவர்களுக்கான பல்வேறு போட்டிகள் நடத்தப்பட்டு பரிசுகள் வழங்கப்பட்டன.

மேலும் செய்திகள்

Like Us on Facebook Dinkaran Daily News
  • pune1

    புனேவில் பயங்கர வெடிச் சத்தத்துடன் ரசாயன தொழிற்சாலையில் தீ விபத்து!: பல லட்சம் ரூபாய் மதிப்பிலான பொருட்கள் தீக்கிரை..!!

  • hathraas1

    நாட்டையே உலுக்கிய ஹாத்ராஸ் இளம்பெண் கொடூர கொலை!: குற்றவாளிகளுக்கு தண்டனை அளிக்க வெடிக்கும் போராட்டங்கள்...உரிய நீதி கிடைக்குமா?

  • chinamartyrs1

    நாட்டுக்காக உயிர் நீத்தவர்களை நினைவு கூறும் வகையில் சீன தலைநகர் பீஜிங்கில் தியாகிகள் தினம் அனுசரிப்பு!: அதிபர் ஜி ஜின்பிங், தலைவர்கள் பங்கேற்பு..!!

  • arch1

    அர்மீனியா - அசர்பைஜான் இடையேயான மோதல் முழுமையான போராக மாறியது: சண்டையில் உயிரிழந்தோர் எண்ணிக்கை 100ஐ கடந்தது..!!

  • 01-10-2020

    01-10-2020 இன்றைய சிறப்பு படங்கள்

படங்கள் வீடியோ கல்வி சினிமா ஜோ‌திட‌ம்