SUN குழுமத்திலிருந்து வெளிவரும் காலை நாளிதழ்

குண்டும், குழியுமான மண் சாலையால் பொதுமக்கள் கடும் அவதி

1/14/2020 5:00:48 AM

உடுமலை, ஜன. 14: உடுமலை அருகே கரட்டூர் கிராமம் அமைந்துள்ளது.  எரிசனம்பட்டி-தேவனூர்புதூர் சாலையில் இருந்து பிரிந்து, மண் சாலை வழியாக 3 கி.மீ. தூரம் நடந்து இந்த கிராமத்துக்கு செல்ல வேண்டும். இங்கு 400-க்கும் மேற்பட்ட குடும்பத்தினர் வசிக்கின்றனர். ஏராளமான தோட்டத்து சாளைகளும் உள்ளன. தி.மு.க.வை சேர்ந்த மறைந்த முன்னாள் அமைச்சர் சாதிக்பாட்சாவின் சொந்த ஊர் இதுவாகும். குண்டும், குழியுமான மண் சாலையில் வாகனத்தில் செல்வோரும், நடந்து செல்வோரும் பாதிக்கப்படுகின்றனர். மழைக்காலங்களில் சேறும் சகதியுமாகி விடுவதால் மிகவும் அவதிப்படுகின்றனர். குக்கிராமங்களுக்கு கூட தார்சாலை அமைத்து, மினி பஸ் சென்று வரும் நிலையில், 400 குடும்பங்கள் வசிக்கின்ற கரட்டூருக்கு இன்னும் மண் சாலையை பயன்படுத்தும் அவலநிலை உள்ளது. எனவே, உடனடியாக தார்சாலை அமைக்க நடவடிக்கை எடுக்க வேண்டும் என இக்கிராம மக்கள் கோரிக்கை விடுத்துள்ளனர்.

திருப்பூர்: திருப்பூர் மாநகராட்சி 14-வது வார்டுக்குட்பட்ட சோளிபாளையத்தை அடுத்த பாட்டையப்பாநகர் பகுதியில் நூற்றுக்கணக்கான குடியிருப்புகள் உள்ளன. கடந்த 1 ஆண்டுகளுக்கும் மேலாக பாட்டையப்பாநகர் பிரதான வீதியில் சாலை வசதி இல்லை. இதனால் அங்கு சாலை குண்டும், குழியுமாக காணப்படுவதுடன் பள்ளங்களில் மழைநீர், கழிவுநீர் தேங்கி சேறும் சகதியுமாக காணப்படுகிறது.இதனால் வாகன ஓட்டிகள் கடும் அவதிக்குள்ளாகி வருகின்றனர். மேலும் அடிக்கடி விபத்துக்கள் ஏற்பட்டு உயிரிழப்புகளும் ஏற்படுகிறது. இதேபோல் அந்த பகுதிக்கு செல்லும் பிரதான வீதியில் இதுபோன்று சாலை இருப்பதால் பள்ளி வாகனங்கள் அந்த பகுதிக்கு செல்வதற்கு தயக்கம் காட்டுகின்றனர்.  இதனால் மாணவர்களும் பாதிக்கப்பட்டு வருகின்றனர். எனவே மாநகராட்சி நிர்வாகம் உடனடியாக அந்த பகுதியில் தார்சாலை அமைத்து கொடுக்க நடவடிக்கை எடுக்க வேண்டும் என்று அப்பகுதி மக்கள் கோரிக்கை விடுத்துள்ளனர்.

மேலும் செய்திகள்

Like Us on Facebook Dinkaran Daily News Advertisement
Like Us on Facebook Dinkaran Daily News
  • molave28

    வியட்நாமில் கோரத்தாண்டவம் ஆடிய molave புயல்!: 13 லட்சத்திற்கும் அதிகமான மக்கள் பாதுகாப்பான இடங்களில் தஞ்சம்..!!

  • haryana28

    மதம் மாற மறுத்த இளம்பெண்..பட்டப்பகலில் துப்பாக்கியால் சுட்டு கொலை!: குற்றவாளிகள் மீது கடும் நடவடிக்கை எடுக்க கோரி பல இடங்களில் ஆர்ப்பாட்டம்..!!

  • water28

    தென் அமெரிக்காவில் 2,000 ஆண்டுக்களுக்கு முந்தைய மக்களான மயன் நாகரிகத்தினர் பயன்படுத்திய நீர் சுத்திகரிப்பு மையம் கண்டுபிடிப்பு: ஆச்சர்யத்தில் ஆய்வாளர்கள்..!!

  • biharele28

    கொரோனா பாதிப்புகளுக்கு இடையே பீகார் சட்டசபை தேர்தல் 2020: முதல் கட்டமாக 71 தொகுதிகளில் வாக்கு பதிவு தொடக்கம்..!!

  • pakistanbomb27

    பாகிஸ்தானில் மத பாடசாலையில் பயங்கர குண்டு வெடிப்பு!: சிறுவர்கள் உள்பட 7 பேர் பலி...70க்கும் மேற்பட்டோர் படுகாயம்..!!

படங்கள் வீடியோ கல்வி சினிமா ஜோ‌திட‌ம்