SUN குழுமத்திலிருந்து வெளிவரும் காலை நாளிதழ்

விளை நிலங்களில் ஏரி நீர் புகுந்த விவகாரம் விவசாயிகள் மோதல் முடிவுக்கு வந்தது

12/13/2019 7:01:40 AM

கெங்கவல்லி, டிச.13:  வீரகனூரில் தடுப்பணை கட்டியதால், விளை நிலங்களில் தண்ணீர் புகுந்த விவகாரத்தில், அதிகாரிகளின் பேச்சுவார்த்தையில் உடன்பாடு ஏற்பட்டதால் இரு தரப்பு விவசாயிகளுக்கு இடையே நிலவி வந்த பிரச்னை முடிவுக்கு வந்தது. சேலம் மாவட்டம், கெங்கவல்லி அடுத்த வீரகனூர் ஏரி முறையாக தூர்வாராததால், மதகுகள் வழியாக தண்ணீர் வீணாக வெளியேறி சுவேத நதிக்கு சென்றது. இதனால், விவசாயிகள் ஒன்றிணைந்து மணல் மூட்டைகள் கொண்டு தடுப்பணை அமைத்து நீரைத் தேக்கினர். இதனால், அருகில் உள்ள விளை நிலங்களுக்குள் தண்ணீர் புகுந்தது. இதனால், பாதிக்கப்பட்ட வெள்ளையூர் பகுதியைச் சேர்ந்த விவசாயிகள் தடுப்பணையை உடைக்க வேண்டும் என ராயர்பாளையம் விவசாயிகளிடம் கூறினர். அவர்கள் மறுப்பு தெரிவித்ததால், மோதல் அபாயம் ஏற்பட்டது. இதையடுத்து, வீரகனூர் போலீசார் சம்பவ இடத்திற்கு சென்று இரு தரப்பு விவசாயிகளையும் சமாதானப்படுத்தி பேச்சுவார்த்தை மூலம் தீர்வு காணப்படும் எனக்கூறி அவர்களை அனுப்பி வைத்தார். இந்நிலையில், நேற்று ஆத்தூர் பொதுப்பணித்துறை உதவி பொறியாளர் சாந்தகுமார் மற்றும் வீரகனூர் காவலர் ஆய்வாளர் ராமாண்டவர், வருவாய் ஆய்வாளர் சங்கரி முன்னிலையில், வெள்ளையூர் மற்றும் ராயர்பாளையம் விவசாயிகளிடையே பேச்சுவார்த்தை நடத்தப்பட்டது. இதில், ராயர்பாளையத்தில் கட்டப்பட்ட ஒரு அடி உயர தடுப்பணையை அகற்றுவது, வீரகனூர் பேரூராட்சி அலுவலகம் முன்புள்ள கடைக்கோடி பகுதியில் உடைப்பு ஏற்படுத்தி வெள்ளையூர் பகுதிக்கு தண்ணீர் விடுவது என முடிவு செய்யப்பட்டது. இதனை இருதரப்பினரும் ஏற்றுக்கொண்டனர். இதனால், விவசாயிகளுக்கிடையே நிலவி வந்த பிரச்னை முடிவுக்கு வந்து, வீரகனூர் பகுதியில் நிலவி வந்த பரபரப்பு அடங்கியது.


மேலும் செய்திகள்

Like Us on Facebook Dinkaran Daily News
  • jaipourelephant20

    ராஜஸ்தான் மாநிலம் ஜெய்ப்பூர் கோட்டையில் மீண்டும் யானை சவாரிக்கு அனுமதி!..

  • delhiformer20

    வேளாண் சட்டங்களுக்கு எதிர்ப்பு தெரிவித்து ஹரியானா, பஞ்சாப்பில் இருந்து டெல்லி நோக்கி விவசாயிகள் பேரணி - கண்ணீர்புகை, தண்ணீர் பீய்ச்சி விரட்டியடிப்பு

  • nivarpondyvilupuram20

    நிவர் புயல் கரையை கடந்த நிலையில் புதுச்சேரி, விழுப்புரம் மற்றும் கடலூர் மாவட்டத்தில் சேதமடைந்த இடங்கள் ! புகைப்படங்கள்

  • nivarkadaloorcmvisit20

    நிவர் புயலால் பாதிக்கப்பட்ட கடலூர் மாவட்ட மக்களை பார்வையிட்டு நிவாரண பொருட்களை வழங்கினார் மாண்புமிகு தமிழ்நாடு முதலமைச்சர் திரு.எடப்பாடி கே.பழனிசாமி!..

  • nivarthirvannamali20

    திருவண்ணாமலை மற்றும் திருப்பத்தூரில் நிவர் புயலின் தாக்கம் !... புகைப்படங்கள்

படங்கள் வீடியோ கல்வி சினிமா ஜோ‌திட‌ம்