SUN குழுமத்திலிருந்து வெளிவரும் காலை நாளிதழ்

திருவாரூர் நகரில் தொடர் மழையால் சாலைகள் படுமோசம்

12/5/2019 5:13:11 AM

திருவாரூர், டிச.5: திருவாரூர் நகரில் தொடர்ந்து பெய்த மழையால் சாலைகள் அனைத்தும் சேதமடைந்து போக்குவரத்திற்கு பயனற்ற வகையில் இருந்து வருவதால், உடனே சீரமைக்க வேண்டும் என பொதுமக்கள் கோரிக்கை விடுத்துள்ளனர்.30 வார்டுகளை கொண்ட திருவாரூர் நகராட்சி பகுதியில் கடந்த 2011 மக்கள் தொகை கணக்கெடுப்பின்படி 55 ஆயிரம் மக்கள் வசித்து வருகின்றனர். அதன் பின்னர் தற்போது 8 ஆண்டு காலத்தில் இந்த மக்கள் தொகை என்பது அதிகரித்துள்ள நிலையில், மாவட்டத் தலைநகராக திருவாரூர் இருந்து வருவதால் இங்குள்ள கலெக்டர் அலுவலகம், எஸ்பி அலுவலகம் என அரசின் அனைத்து துறை அலுவலகங்கள் மற்றும் அரசு மருத்துவ கல்லூரி மருத்துவமனை மற்றும் மத்திய பல்கலைகழகம் போன்றவை இருந்து வருகிறது. இதன் காரணமாக நாள் ஒன்றுக்கு சுமார் ஒரு லட்சம் பேர்கள் வரையில் இந்த நகரத்தை பயன்படுத்தி வருகின்றனர்.இந்நிலையில் இந்த நகரத்தில் உள்ள முக்கிய சாலைகளில் ஒன்றான பனகல் சாலை, நேதாஜி சாலை உட்பட பல்வேறு சாலைகள் மட்டுமின்றி நகரில் இருந்து மயிலாடுதுறை செல்வதற்கு இணைப்பு சாலையாக இருந்து வரும் கொத்த தெரு சாலையும் மிகவும் குண்டும் குழியுமாக மாறி போக்குவரத்திற்கு பயனற்ற வகையில் இருந்து வருகிறது.

இந்நிலையில் சாலைகளை சீரமைக்க வேண்டும், தெரு விளக்குகள் சரியாக எரிய விட வேண்டும், நகரில் சுற்றித் திரியும் கால்நடைகளை அப்புறப்படுத்த வேண்டும் என்பது உட்பட பல்வேறு கோரிக்கைகளை முன்வைத்து நுகர்வோர் அமைப்பு மற்றும் வர்த்தக சங்கம் சார்பில் கடந்த மாதம் 8 ஆம் தேதி போராட்டம் நடத்திட திட்டமிடப்பட்டிருந்தது.இதுகுறித்து கமிஷனர் சங்கரன் நடத்திய பேச்சுவார்த்தையில் சாலைகள் உடனே செப்பனிடப்படும் என்ற உறுதிமொழியை ஏற்று போராட்டமானது ரத்து செய்யப்பட்டது. இருப்பினும் தற்போது வரையில் இந்த சாலைகள் செப்பனிடப்படாமல் இருந்து வருவதாலும், அவ்வப்போது கனமழை பெய்து வருவதாலும் சாலையில் குழிகள் எங்கே இருக்கிறது என்று தெரியாமல் வாகன ஓட்டிகள் பெரும் விபத்தில் சிக்கும் நிலை இருந்து வருகிறது.எனவே நகரில் சேதமடைந்த சாலைகளை உடனே செப்பனிடுவதற்கு நடவடிக்கை எடுக்க வேண்டும் என நகராட்சி நிர்வாகத்திற்கு பொதுமக்களும், வாகன ஓட்டிகளும்,சமூக ஆர்வலர்களும் கோரிக்கை விடுத்துள்ளனர்.

மேலும் செய்திகள்

Like Us on Facebook Dinkaran Daily News Advertisement
Like Us on Facebook Dinkaran Daily News
  • chennaiheavy29

    வரலாறு காணாத மழையால் வெள்ளக்காடாய் காட்சியளிக்கும் சென்னை: விடிய விடிய கொட்டிய மழைநீரில் ஊர்ந்து செல்லும் வாகன ஓட்டிகள்..!!

  • carbomb28

    ஆப்கானிஸ்தானில் இருவேறு இடங்களில் நடந்த கார் வெடிகுண்டு தாக்குதல்: போலீசார், அப்பாவி பொதுமக்கள் உட்பட 8 பேர் உயிரிழப்பு..!!

  • molave28

    வியட்நாமில் கோரத்தாண்டவம் ஆடிய molave புயல்!: 13 லட்சத்திற்கும் அதிகமான மக்கள் பாதுகாப்பான இடங்களில் தஞ்சம்..!!

  • haryana28

    மதம் மாற மறுத்த இளம்பெண்..பட்டப்பகலில் துப்பாக்கியால் சுட்டு கொலை!: குற்றவாளிகள் மீது கடும் நடவடிக்கை எடுக்க கோரி பல இடங்களில் ஆர்ப்பாட்டம்..!!

  • water28

    தென் அமெரிக்காவில் 2,000 ஆண்டுக்களுக்கு முந்தைய மக்களான மயன் நாகரிகத்தினர் பயன்படுத்திய நீர் சுத்திகரிப்பு மையம் கண்டுபிடிப்பு: ஆச்சர்யத்தில் ஆய்வாளர்கள்..!!

படங்கள் வீடியோ கல்வி சினிமா ஜோ‌திட‌ம்