புதிய மாவட்டங்களுக்கான வார்டு வரையறை செய்த பிறகு உள்ளாட்சி அமைப்புகளுக்கான தேர்தலை மாநில தேர்தல் ஆணையம் நடத்த வேண்டும்
12/5/2019 5:01:29 AM
திருப்பத்தூர், டிச.5: புதிய மாவட்டங்களுக்கான வார்டு வரையறை செய்த பிறகு உள்ளாட்சி அமைப்புகளுக்கான தேர்தலை மாநில தேர்தல் ஆணையம் நடத்த வேண்டும் என இந்திய கம்யூனிஸ்ட் கட்சியின் மாவட்ட குழுக்கூட்டத்தில் தீர்மானம் நிறைவேற்றப்பட்டது. இந்திய கம்யூனிஸ்ட் கட்சியின் மாவட்ட குழுக்கூட்டம் திருப்பத்தூரில் உள்ள கட்சி அலுவலகத்தில் நேற்று நடைபெற்றது. கூட்டத்துக்கு திருப்பத்தூர் நகர செயலாளர் சுந்தரேசன் தலைமை வகித்தார். மாவட்ட துணை செயலாளர் நந்தி முன்னிலை வகித்தார். குடியாத்தம் சட்டப்பேரவை முன்னாள் உறுப்பினர் லதா, மாவட்ட துணைச் செயலாளர் தேவதாஸ் உட்பட பலர் கலந்து கொண்டனர். இதில் மாவட்ட செயலாளர் சாமிக்கண்ணு கலந்து கொண்டு பேசினார். இக்கூட்டத்தில் நிறைவேற்றப்பட்ட தீர்மானங்கள்: தமிழகத்தில் ஊரக உள்ளாட்சி அமைப்புகளுக்கு மட்டும் தேர்தல் தேதி அறிவித்திருப்பது வரலாற்றில் இதுவரை இல்லாத வினோதமான அறிவிப்பாகும்.
பேரூராட்சி, நகராட்சி, மாநகராட்சி அமைப்புகளுக்கு பிறகு தேர்தல் நடத்தப்படும் என மாநில தேர்தல் ஆணையம் அறிவித்திருப்பது பெரிய மோசடி செயலாகும். இதன் மூலம் ஆளும் கட்சியின் கைப்பாவையாக தேர்தல் ஆணையம் செயல்படுவது வெளிப்படையாகவே தெரிகிறது. தமிழகத்தில் உள்ளாட்சி அமைப்புகளுக்கு தேர்தல் நடத்த ஆளும் கட்சி விரும்பவில்லை என்பது இதன் மூலம் தெளிவாகிறது. ஆகவே, மாநில தேர்தல் ஆணையம் ஊரகப்பகுதிகள் பேரூராட்சி, நகராட்சி, மாநகராட்சி அமைப்புகளுக்கு ஒரே நேரத்தில் தேர்தலை நடத்த வேண்டும் என இந்திய கம்யூனிஸ்ட் கட்சி சார்பில் கேட்டுக்கொள்கிறோம். அதேபோல, தமிழகத்தில் 5 மாவட்டங்கள் புதியதாக உருவாகியுள்ள சூழ்நிலையில், புதிய மாவட்டங்களுக்கு வார்டு வரையறை செய்யப்பட்ட பிறகே உள்ளாட்சித் தேர்தலை முறையாக நடத்த வேண்டும். மேலும், உள்ளாட்சி அமைப்புக்கான தேர்தலில் திமுக உடன் கூட்டணி அமைத்து அதிக இடங்களை கைப்பற்றுவது என்பன உள்ளிட்ட தீர்மானங்கள் நிறைவேற்றப்பட்டன. இதில் திருப்பத்தூர், கந்திலி, ஜோலார்பேட்டை, நாட்றாம்பள்ளி, வாணியம்பாடி மற்றும் ஆம்பூர் பகுதிகளில் இருந்து கட்சி நிர்வாகிகள் பலர் கலந்து கொண்டனர்.
மேலும் செய்திகள்
வேலூர் மாவட்டத்தில் சுற்றுலா தலங்களுக்கு தடையால் பொதுமக்கள் ஏமாற்றம்
வேலூர், திருப்பத்தூர் மாவட்டத்தில் தடையை மீறி மது விற்பனை 47 பேர் கைது
காணும் பொங்கலையொட்டி சோழவரம் கிராமத்தில் மாடுவிடும் விழாவில் சீறிப்பாய்ந்த காளைகள்
அரசு பஸ்களுக்கு டீசல் நிரப்புவதில் மாதம்தோறும் ₹20 லட்சம் முறைகேடு தொழிற்சங்கத்தினர் பகீர் குற்றச்சாட்டு வேலூர் போக்குவரத்து மண்டலத்தில்
பாமக முன்னாள் நிர்வாகி குண்டாசில் கைது கல்லூரியில் சீட் வாங்கி தருவதாக மோசடி
போலி டாக்டர் 10 ஆண்டுகளாக நடத்திய கிளினிக்கிற்கு ‘சீல்' நோயாளிகளுக்கு அறுவை சிகிச்சை செய்தது அம்பலம் ஒடுகத்தூரில் அதிகாரிகள் அதிரடி
அலங்காநல்லூர் ஜல்லிக்கட்டு போட்டியை முதல்வர் பழனிசாமி, துணை முதல்வர் ஓ பன்னீர் செல்வம் கொடியசைத்து தொடங்கி வைத்தனர்
மாட்டு வண்டியை ஒட்டிய மு.க.ஸ்டாலின்... மக்களுடன் அமர்ந்து உணவு சாப்பிட்ட முதல்வர் பழனிசாமி, ராகுல் காந்தி!!
16-01-2021 இன்றைய சிறப்பு படங்கள்
14-01-2021 இன்றைய சிறப்பு படங்கள்
9 மாதங்களுக்கு பிறகு தியேட்டரில் ‘மாஸ்டர்’ ரிலீஸ்!: விஜய் ரசிகர்கள் கொண்டாட்டம்..புகைப்படங்கள்