SUN குழுமத்திலிருந்து வெளிவரும் காலை நாளிதழ்

பொன் விழாவை எட்டும் மாநகராட்சியில் முதன்முறையாக களத்தில் 50 பெண் கவுன்சிலர்கள்

12/3/2019 5:56:09 AM

மதுரை, டிச. 3: பொன்விழாவை எட்டும் மதுரை மாநகராட்சி 100 வார்டுகளில் 50 பெண் கவுன்சிலர்கள் தேர்ந்தெடுக்கப்பட உள்ளனர். இதில் மேயர் பதவி பெண்ணுக்கு ஒதுக்கீடா? என்பது இன்னும் அறிவிக்கப்படவில்லை. 1971ல் மாநகராட்சி அந்தஸ்துக்கு உயர்ந்தது முதல் பல்வேறு மாற்றங்களும் திருப்பங்களும் ஏற்பட்டுள்ளன. மீனாட்சி அம்மன் கோயிலை மையமாக கொண்டு 1866ம் ஆண்டு 2.6 சதுர கி,மீ. பரப்பில் மதுரை நகராட்சி அமைப்பு தோற்றுவிக்கப்பட்டது. தொடர்ந்து 41 பேர் நகராட்சி தலைவர்களாக இருந்துள்ளனர்.  1971 மே முதல் தேதியன்று மாநகராட்சி அந்தஸ்துக்கு உயர்த்தப்பட்டு, நகராட்சி தலைவராக இருந்த எஸ்.முத்து முதல் மேயரானார். கடந்த 1974ல் நகரை சுற்றிலும் இருந்த 13 கிராமங்கள் இணைக்கப்பட்டு மாநகராட்சி எல்கை 52 சதுர கி.மீ. ஆக விரிவடைந்தது. இதன் பிறகு 1978ல் மாநகராட்சி தேர்தல் நடந்தது. இதில் மாநகராட்சி பதவி காலம் 6 ஆண்டுகளாக்கி, மேயரை கவுன்சிலர்கள் தேர்வு செய்தனர். மேயர், துணை மேயர் பதவி காலம் 2 ஆண்டுகள் என நிர்ணயித்து, அதிமுகவை சேர்ந்த 3 பேர் தலா 2 ஆண்டுகள் மேயர், துணை மேயர்களாக  இருந்தனர். இதன் பிறகு 12 ஆண்டுகள் மாநகராட்சி தேர்தல் நடைபெறவில்லை. 1996ல்  மாநகராட்சி பதவி காலம் 5 ஆண்டுகளாக்கப்பட்டது. 72 கவுன்சிலர்களுடன் மேயரை மக்களே நேரடியாக தேர்தெடுக்கும் முறை முதன் முறையாக அமலானது. இதில் திமுக ஜெயித்து மேயர் தேர்வு செய்யப்பட்டார். இதன் பிறகு 2001ல் அதே முறைப்படி மாநகராட்சி தேர்தல் நடந்தது.

இதிலும் திமுக ஜெயித்து மேயர் தெர்ந்தெடுக்கப்பட்டார். 2006ல் நடைபெற்ற தேர்தலில் மேயர் தேர்தலில் மாற்றம் செய்யப்பட்டு, கவுன்சிலர்கள் தேர்ந்தெடுக்கும் முறை கொண்டு வரப்பட்டது. மேயர் பதவி பெண்ணுக்கு ஒதுக்கீடு செய்யப்பட்டு திமுகவை சேர்ந்தவரே மேயரானார். தொடர்ந்து 3 முறை திமுக மேயர் பதவி வகித்தனர். 2010ல் திருப்பரங்குன்றம், திருநகர், அவனியாபுரம். ஆனையூர் ஆகிய நகராட்சிகள் மற்றும் சுற்றிலுமுள்ள ஊராட்சிகள் மாநகராட்சியுடன் இணைக்கப்பட்டு, 148 சதுர கி.மீ. பரப்புக்கு விஸ்தரிக்கப்பட்டது. வார்டு எண்ணிக்கை 100 ஆக உயர்ந்தது. இதன்படி 2011ல் மாநகராட்சி தேர்தல் நடந்தது. இதில் மேயரை மக்களே நேரடியாக தேர்ந்தெடுக்கும் முறை மீண்டும் கொண்டு வரப்பட்டது. இதில் அதிமுக ஜெயித்து மேயர் தேர்ந்தெடுக்கப்பட்டார். இவர்களின் பதவி காலம் முடிந்து 2016ல் நடைபெற வேண்டிய தேர்தல் இதுவரை நடைபெறவில்லை.

தமிழகத்தில் உள்ளாட்சி தேர்தல் டிச.27 மற்றும் டிச.30 ஆகிய தேதிகளில் இருகட்டமாக நடக்கும் என்று நேற்று அறிவிப்பு வெளியிடப்பட்டது. மாநகராட்சி, நகராட்சி, பேரூராட்சி பகுதிகளுக்கு தேர்தல் தேதி பிறகு அறிவிப்பதாகவும் தெரிவிக்கப்பட்டுள்ளது. எனினும், தற்போது மேயரை கவுன்சிலர்கள் தேர்ந்தெடுக்க அவசர சட்டம் நிறைவேற்றப்பட்டுள்ளது. மதுரை மாநகராட்சியாகி 48 ஆண்டுகள் நிறைவடைந்து 50 ஆண்டு பொன்விழாவை எட்டி உள்ளது. மாநகராட்சிக்கான தேர்தல் அறிவிக்கப்பட்டு, இந்த முறை தேர்ந்தெடுக்கப்படுவோர் மாநகராட்சி பொன்விழா ஆண்டில் இடம் பெறும் பெருமைக்குரியவர்கள் ஆவார்கள். இந்த நிலையில் 100 வார்டுகளில் 50 வார்டுகள் முதன்முறையாக பெண்களுக்கு ஒதுக்கப்பட்டுள்ளது. பொது வார்டிலும் பெண்கள் போட்டியிடலாம். எனவே பெண் கவுன்சிலர்களே அதிகம் இடம் பெறுவார்கள். மேயர் பதவி ஒதுக்கீட்டு முறை இன்னும் அறிவிக்கப்படவில்லை. பெண்ணுக்கு ஒதுக்கீடு செய்யப்படலாம் என்ற எதிர்பார்ப்பும் நிலவுகிறது.

மேலும் செய்திகள்

Like Us on Facebook Dinkaran Daily News
  • twins22

    தலை ஒட்டிப் பிறந்த இரட்டை சகோதரிகள் இனி தனித்தனியே!: அறுவை சிகிச்சைக்கு பின் சந்தோஷமாக நாடு திரும்பினர்..!!

  • mumbaitrain22

    7 மாதத்திற்கு பிறகு மும்பை மின்சார ரயிலில் பெண்கள் உற்சாக பயணம்!: 4 மகளிர் சிறப்பு ரயில்களும் இயக்கம்..!!

  • dinosauregg22

    பெரம்பலூரில் தோண்ட தோண்ட கிடைத்த ‘டைனோசர்’ முட்டைகள்!: ஒன்னு இல்ல ரெண்டு இல்ல.. ‘மிரள’ வைத்த எண்ணிக்கை..வியப்பில் பொதுமக்கள்..!!

  • locusts22

    எத்தியோப்பியாவில் வெட்டுக்கிளிகள் அட்டகாசம்!: 25 ஆண்டுகளில் இல்லாத அளவிற்கு உணவு பயிர்கள் நாசம்..விவசாயிகள் வேதனை..!!

  • rainbowtree22

    உலக பொறியாளர்களின் கவனத்தை ஈர்த்த பிலிப்பைன்ஸ் ரெயின்போ ட்ரீ டவர்!: கண்கவரும் புகைப்படங்கள்

படங்கள் வீடியோ கல்வி சினிமா ஜோ‌திட‌ம்