SUN குழுமத்திலிருந்து வெளிவரும் காலை நாளிதழ்

சேலம் அருகே பரிதாபம் ஆட்டோ மீது டேங்கர் லாரி மோதி தந்தை, மகள் சாவு டிரைவர்அதிரடி கைது

12/3/2019 5:50:17 AM

சேலம், டிச.3: சேலம் அருகே நேற்று காலை ஆட்டோ மீது டேங்கர் லாரி மோதியதில் தந்தை, மகள் உயிரிழந்தனர். சேலம் பெரியபுதூர் பகுதியை சேர்ந்தவர் பழனிசாமி. ஆட்டோ டிரைவர். இவர் நேற்று காலை தனது மனைவி சுசீலா மற்றும் மகள் கனகா (36) ஆகியோரை தனது ஆட்டோவில் அழைத்துக் கொண்டு ஓமலூரில் நடக்கும் அண்ணன் மகன் திருமணத்திற்கு சென்றுகொண்டிருந்தார். அப்போது, அரபி கல்லூரி அருகே சென்றபோது கரூரில் இருந்து மேட்டூர் நோக்கி சென்ற டேங்கர் லாரி இவர்களது ஆட்டோவின் பின்னால் பயங்கரமாக மோதியது. மோதிய வேகத்தில், கனகா தவறி ரோட்டில் விழுந்தார். அப்போது பின்னால் வந்த டேங்கர் லாரியின் சக்கரம் கனகா மீது ஏறியது. இதில் ரத்த வெள்ளத்தில் சம்பவ இடத்திலேயே கனகா உயிரிழந்தார்.

மேலும் ஆட்டோவில் இருந்த பழனிசாமி, சுசீலாவுக்கு பலத்த காயம் ஏற்பட்டது. இதனை பார்த்த அங்கிருந்தவர்கள் உடனடியாக படுகாயமடைந்த பழனிசாமி, சுசீலாவை மீட்டு அருகில் உள்ள தனியார் மருத்துவமனையில் அனுமதித்தனர். அங்கு சிகிச்சை பலனின்றி பழனிசாமியும் உயிரிழந்தார். தாய் சுசீலாவுக்கு  தீவிர சிகிச்சை அளிக்கப்பட்டு வருகிறது.இதுகுறித்து தகவல் அறிந்து சம்பவ இடம் வந்த கருப்பூர் போலீசார் கனகாவின் சடலத்தை கைப்பற்றி அரசு மருத்துவமனைக்கு பிரேத பரிசோதனைக்காக அனுப்பி வைத்தனர். தொடர்ந்து வழக்கு பதிவு செய்த போலீசார் டேங்கர் லாரி டிரைவரான திருமாவளவனை(40) கைது செய்தனர். இறந்த கனகாவிற்கு செந்தில்குமார் என்ற கணவரும், 13, 8 வயதுகளில் இரண்டு பெண் குழந்தைகளும் உள்ளனர்.



மேலும் செய்திகள்

Like Us on Facebook Dinkaran Daily News Advertisement
Like Us on Facebook Dinkaran Daily News
  • chennaiheavy29

    வரலாறு காணாத மழையால் வெள்ளக்காடாய் காட்சியளிக்கும் சென்னை: விடிய விடிய கொட்டிய மழைநீரில் ஊர்ந்து செல்லும் வாகன ஓட்டிகள்..!!

  • carbomb28

    ஆப்கானிஸ்தானில் இருவேறு இடங்களில் நடந்த கார் வெடிகுண்டு தாக்குதல்: போலீசார், அப்பாவி பொதுமக்கள் உட்பட 8 பேர் உயிரிழப்பு..!!

  • molave28

    வியட்நாமில் கோரத்தாண்டவம் ஆடிய molave புயல்!: 13 லட்சத்திற்கும் அதிகமான மக்கள் பாதுகாப்பான இடங்களில் தஞ்சம்..!!

  • haryana28

    மதம் மாற மறுத்த இளம்பெண்..பட்டப்பகலில் துப்பாக்கியால் சுட்டு கொலை!: குற்றவாளிகள் மீது கடும் நடவடிக்கை எடுக்க கோரி பல இடங்களில் ஆர்ப்பாட்டம்..!!

  • water28

    தென் அமெரிக்காவில் 2,000 ஆண்டுக்களுக்கு முந்தைய மக்களான மயன் நாகரிகத்தினர் பயன்படுத்திய நீர் சுத்திகரிப்பு மையம் கண்டுபிடிப்பு: ஆச்சர்யத்தில் ஆய்வாளர்கள்..!!

படங்கள் வீடியோ கல்வி சினிமா ஜோ‌திட‌ம்