SUN குழுமத்திலிருந்து வெளிவரும் காலை நாளிதழ்

திருவல்லிக்கேணி காவல் நிலையத்தில் இருந்து தப்பியோடிய பிரபல வங்கி கொள்ளையன் ஜார்கண்டில் சுற்றிவளைப்பு: 9 மாதங்களுக்கு பின் சிக்கினார்

12/3/2019 12:08:12 AM

சென்னை: திருவல்லிக்கேணி காவல் நிலையத்தில் இருந்து தப்பி ஓடிய பிரபல வங்கி மோசடி கொள்ளையனை, 9 மாதங்களுக்கு பிறகு ஜார்கண்ட் மாநிலத்தில் தனிப்படை போலீசார் கைது செய்தனர்.வங்கி வாடிக்கையாளர்களை செல்போனில் தொடர்புகொண்டு, வங்கி அதிகாரி எனக்கூறி, ‘‘உங்கள் வங்கி கணக்கில் ஆதார் எண்ணை சேர்க்க வேண்டும். எனவே, உங்கள் ஏடிஎம் கார்டின் ரகசிய எண் மற்றும் 16 இலக்கம் கொண்ட எண்ணை கூறுங்கள்,’’ என நூதன முறையில் பேசி, வடமாநில கொள்ளையர்கள் நாடு முழுவதும் கைவரிசை காட்டி வருகின்றனர். இதேபோல், மேற்கு வங்க மாநிலம் கொல்கத்தாவில் ஆயிரக்கணக்கான வங்கி வாடிக்கையாளர்களிடம் பல லட்சம் ரூபாய் மோசடி செய்த, ஜார்கண்ட் மாநிலத்தை சேர்ந்த விஜயகுமார் மண்டல் (22), ஜூகேந்தர் குமார் மண்டல் (23), பாஸ்கர் குமார் (25) ஆகியோர் மீது கொல்கத்தா சைபர் க்ரைம் போலீசார் வழக்கு பதிவு ெசய்து தேடி வந்தனர்.அப்போது, இந்த 3 பேரும் சென்னையில் தங்கி இருப்பதாக கொல்கத்தா போலீசாருக்கு ரகசிய தகவல் கிடைத்தது. அதைதொடர்ந்து கொல்கத்தா சைபர் க்ரைம் போலீசார் கடந்த பிப்ரவரி 9ம் தேதி சென்னை வந்தனர். பின்னர், சென்னை மாநகர போலீசார் உதவியுடன் வங்கி கொள்ளையர்களின் செல்போன் சிக்னல் உதவியுடன், சேப்பாக்கத்தில் உள்ள பிரபல ஓட்டலில் அறை எடுத்து தங்கி இருந்ததை கண்டுபிடித்தனர்.

பின்னர், கொல்கத்தா சைபர் க்ரைம் போலீசார் திருவல்லிக்கேணி போலீசார் உதவியுடன் அதிரடியாக ஓட்டலுக்குள் புகுந்து ஜார்கண்ட் மாநிலத்தை சேர்ந்த விஜயகுமார் மண்டல் (22), ஜூகேந்தர் குமார் மண்டல் (23), பாஸ்கர் குமார் (25) ஆகிய 3 கொள்ளையர்களையும் கைது செய்தனர். அவர்களிடம் இருந்து ₹25 லட்சம் மற்றும் 30க்கும் மேற்பட்ட போலி ஏடிஎம் கார்டுகளும் பறிமுதல் செய்யப்பட்டன.கைது செய்யப்பட்ட 3 பேரையும் திருவல்லிக்கேணி காவல் நிலையத்தில் வைத்து விசாரணை நடத்தப்பட்டது. அப்போது, ஜார்கண்ட் மாநிலத்தை சேர்ந்த முக்கிய குற்றவாளியான பாஸ்கர் குமார் (25) என்பவர் காவல் நிலையத்தில் இருந்து தப்பி ஓடிவிட்டார். இதனால் அதிர்ச்சியடைந்த திருவல்லிக்கேணி போலீசார் தப்பி ஓடிய பாஸ்கர் குமாரை தீவிரமாக தேடி வந்தனர்.
ஆனால், 9 மாதங்களாகியும் அவரை பிடிக்க முடியவில்லை. இந்நிலையில், ஜார்கண்ட் மாநிலம் தேவி மாவட்டம் பிஎஸ்.மோகன்பூர் பகுதியில் பாஸ்கர் குமார் பதுங்கி இருப்பது தெரியவந்தது. இதையடுத்து, திருவல்லிக்கேணி போலீசார் அங்கு சென்று, அவரை சுற்றிவளைத்து கைது ெசய்தனர். பின்னர் அவரை சென்னை அழைத்து வந்த போலீசார், அவரிடம் தொடர்ந்து விசாரணை நடத்தி வருகின்றனர்.






மேலும் செய்திகள்

Like Us on Facebook Dinkaran Daily News Advertisement
Like Us on Facebook Dinkaran Daily News
  • chennaiheavy29

    வரலாறு காணாத மழையால் வெள்ளக்காடாய் காட்சியளிக்கும் சென்னை: விடிய விடிய கொட்டிய மழைநீரில் ஊர்ந்து செல்லும் வாகன ஓட்டிகள்..!!

  • carbomb28

    ஆப்கானிஸ்தானில் இருவேறு இடங்களில் நடந்த கார் வெடிகுண்டு தாக்குதல்: போலீசார், அப்பாவி பொதுமக்கள் உட்பட 8 பேர் உயிரிழப்பு..!!

  • molave28

    வியட்நாமில் கோரத்தாண்டவம் ஆடிய molave புயல்!: 13 லட்சத்திற்கும் அதிகமான மக்கள் பாதுகாப்பான இடங்களில் தஞ்சம்..!!

  • haryana28

    மதம் மாற மறுத்த இளம்பெண்..பட்டப்பகலில் துப்பாக்கியால் சுட்டு கொலை!: குற்றவாளிகள் மீது கடும் நடவடிக்கை எடுக்க கோரி பல இடங்களில் ஆர்ப்பாட்டம்..!!

  • water28

    தென் அமெரிக்காவில் 2,000 ஆண்டுக்களுக்கு முந்தைய மக்களான மயன் நாகரிகத்தினர் பயன்படுத்திய நீர் சுத்திகரிப்பு மையம் கண்டுபிடிப்பு: ஆச்சர்யத்தில் ஆய்வாளர்கள்..!!

படங்கள் வீடியோ கல்வி சினிமா ஜோ‌திட‌ம்