SUN குழுமத்திலிருந்து வெளிவரும் காலை நாளிதழ்

வீட்டு நாய்களுக்கு தடுப்பூசி அவசியம்

11/20/2019 6:16:19 AM

திருப்புத்தூர், நவ.20: வீட்டில் நாய் வளர்ப்பவர்கள் முறையான தடுப்பூசிகள் போட்டு தங்கள் வீட்டிற்குள்ளேயே வளர்க்க வேண்டும் என்று செயல் அலுவலர் ராதாகிருஷ்ணன் தெரிவித்தார். திருப்புத்தூர் பேரூராட்சிக்குட்பட்ட பகுதிகளில் நாய்களின் தொல்லை அதிகரித்துள்ளதாக பொதுமக்கள் அளித்த புகாரின் பேரில், மானாமதுரையிலிருந்து நாய்பிடிக்கும் வாகனமும் சிறப்பு பணியாளர்களும் வரவழைக்கப்பட்டனர். புதுப்பட்டி, தம்பிபட்டி, தென்மாபட்டி, பெரியகடை வீதி, மதுரைரோடு, பெரியார் நகர், புதுத்தெரு, சிவகங்கை ரோடு, ரதவீதிகள் உள்ளிட்ட நகரின் பல பகுதிகளில் சுற்றித்திரிந்த 70க்கும் மேற்பட்ட தெருநாய்கள் பிடிக்கப்பட்டது. பின்னர் அதற்காக வடிவமைக்கப்பட்ட வேனில் ஏற்றப்பட்டது. இந்த நாய்கள் நகரைத் தாண்டியுள்ள வனப்பகுதியில் விடப்பட்டன. இந்த ஏற்பாட்டினை திருப்புத்தூர் பேரூராட்சித் துப்புரவு ஆய்வாளர் அபுபக்கர், மேற்பார்வையாளர் மோகன் மற்றும் பணியாளர்கள் செய்திருனர்.

இதுகுறித்து செயல் அலுவலர் ராதாகிருஷ்ணன் கூறுகையில், திருப்புத்தூர் நகரில் தெருநாய்கள் குறித்து பொதுமக்கள் மற்றும் வர்த்தக சங்கத்தினர் அளித்த புகாரின் பேரில் நடவடிக்கை எடுக்கப்பட்டுள்ளது. அடுத்த கட்டமாக பிடிக்கப்படும் நாய்கள் கால்நடை மருத்துவமனையில் ஒப்படைக்கப்பட்டு மருத்துவர்கள் மூலம் கருத்தடை செய்யப்பட்டு நாய்களுக்கு உணவளித்து ஓய்வளித்து விடப்படும் என்றார். மேலும் வீட்டில் நாய் வளர்ப்பவர்கள் முறையான தடுப்பூசிகள் போட்டு தங்கள் வீட்டிற்குள்ளேயே வளர்க்க வேண்டும் என்று கேட்டுக்கொண்டார்.

மேலும் செய்திகள்

Like Us on Facebook Dinkaran Daily News
  • twins22

    தலை ஒட்டிப் பிறந்த இரட்டை சகோதரிகள் இனி தனித்தனியே!: அறுவை சிகிச்சைக்கு பின் சந்தோஷமாக நாடு திரும்பினர்..!!

  • mumbaitrain22

    7 மாதத்திற்கு பிறகு மும்பை மின்சார ரயிலில் பெண்கள் உற்சாக பயணம்!: 4 மகளிர் சிறப்பு ரயில்களும் இயக்கம்..!!

  • dinosauregg22

    பெரம்பலூரில் தோண்ட தோண்ட கிடைத்த ‘டைனோசர்’ முட்டைகள்!: ஒன்னு இல்ல ரெண்டு இல்ல.. ‘மிரள’ வைத்த எண்ணிக்கை..வியப்பில் பொதுமக்கள்..!!

  • locusts22

    எத்தியோப்பியாவில் வெட்டுக்கிளிகள் அட்டகாசம்!: 25 ஆண்டுகளில் இல்லாத அளவிற்கு உணவு பயிர்கள் நாசம்..விவசாயிகள் வேதனை..!!

  • rainbowtree22

    உலக பொறியாளர்களின் கவனத்தை ஈர்த்த பிலிப்பைன்ஸ் ரெயின்போ ட்ரீ டவர்!: கண்கவரும் புகைப்படங்கள்

படங்கள் வீடியோ கல்வி சினிமா ஜோ‌திட‌ம்