SUN குழுமத்திலிருந்து வெளிவரும் காலை நாளிதழ்

இந்திய கம்யூனிஸ்ட் சார்பில் தியாகிகள் நினைவுதின பேரணி

11/19/2019 7:24:57 AM

வேதாரண்யம், நவ.19: வேதாரண்யம் தாலுகா தகட்டூரில் இந்திய கம்யூனிஸ்ட் கட்சி சார்பில் தியாகிகள் நினைவு தினப்பேரணி மற்றும் பொதுக்கூட்டம் நேற்று முன்தினம் நடைபெற்றது. தகட்டூரில் தலித் பெண்ணுக்கு ஆதரவான போராட்டத்தில் படுகொலை செய்யப்பட்ட இந்திய கம்யூனிஸ்ட் கட்சியின் நிர்வாகி பஞ்சநதிக்குளம் சிவகுருநாதனின் 47ம் ஆண்டு நினைவு தினம், கூலி உயர்வுக்கான போராட்டத்தில் உயிரிழந்த வடிவேலின் 27ம் ஆண்டு நினைவு தினம் ஆகியவற்றையொட்டி பேரணி மற்றும் பொதுக்கூட்டம் நடைபெற்றது.முன்னதாக, பஞ்சநதிக்குளம் மேற்கு பிள்ளையாரடி பகுதியில் இருந்து பேரணியாக வாய்மேட்டுக்கு வந்தனர். பின்னர் அங்குள்ள வடிவேல் நினைவிடத்தில் மலர் வளையம் வைத்து அஞ்சலி செலுத்தினர். தொடர்ந்து, தகட்டூர் பகுதியில் உள்ள சிவகுருநாதன் நினைவிடத்தில் அஞ்சலி செலுத்தும் நிகழ்ச்சி நடைபெற்றது. இந்த இரண்டு இடங்களிலும் நாகை தொகுதி எம்பி செல்வராஜ் மலர் வளையம் வைத்து அஞ்சலி செலுத்தினார்.

இதையடுத்து, பொதுக்கூட்டம் நடைபெற்றது. கட்சியின் கிளை தலைவர் இளவரசன் தலைமை வகித்தார். கூட்டத்தில், கட்சியின் மாவட்ட செயலாளர் சீனிவாசன், தமிழ்நாடு விவசாயிகள் சங்க நாகை மாவட்ட செயலாளர் சம்பந்தம், விவசாய தொழிலாளர் சங்க மாவட்ட செயலாளர் இடும்பையன், மாவட்ட துணை செயலாளர் நாராயணன், ஒன்றியச் செயலாளர் சிவகுரு பாண்டியன், மாதர் சம்மேளன மாவட்ட செயலாளர் மேகலா, இளைஞர் மன்ற மாவட்ட செயலாளர் கார்த்திகேயன் உள்ளிட்டோர் கலந்து கொண்டனர்

மேலும் செய்திகள்

Like Us on Facebook Dinkaran Daily News
  • twins22

    தலை ஒட்டிப் பிறந்த இரட்டை சகோதரிகள் இனி தனித்தனியே!: அறுவை சிகிச்சைக்கு பின் சந்தோஷமாக நாடு திரும்பினர்..!!

  • mumbaitrain22

    7 மாதத்திற்கு பிறகு மும்பை மின்சார ரயிலில் பெண்கள் உற்சாக பயணம்!: 4 மகளிர் சிறப்பு ரயில்களும் இயக்கம்..!!

  • dinosauregg22

    பெரம்பலூரில் தோண்ட தோண்ட கிடைத்த ‘டைனோசர்’ முட்டைகள்!: ஒன்னு இல்ல ரெண்டு இல்ல.. ‘மிரள’ வைத்த எண்ணிக்கை..வியப்பில் பொதுமக்கள்..!!

  • locusts22

    எத்தியோப்பியாவில் வெட்டுக்கிளிகள் அட்டகாசம்!: 25 ஆண்டுகளில் இல்லாத அளவிற்கு உணவு பயிர்கள் நாசம்..விவசாயிகள் வேதனை..!!

  • rainbowtree22

    உலக பொறியாளர்களின் கவனத்தை ஈர்த்த பிலிப்பைன்ஸ் ரெயின்போ ட்ரீ டவர்!: கண்கவரும் புகைப்படங்கள்

படங்கள் வீடியோ கல்வி சினிமா ஜோ‌திட‌ம்