SUN குழுமத்திலிருந்து வெளிவரும் காலை நாளிதழ்

மதுரையில் வைகை வெள்ளத்தில் இழுத்து சென்ற சிறுவன் உடல் மீட்பு தம்பியை காப்பாற்ற முயன்று பலியான பரிதாபம்

11/19/2019 6:27:35 AM

மதுரை, நவ. 19: மதுரை வைகையாற்று வெள்ளத்தில் இழுத்து செல்லப்பட்ட சிறுவனின்  உடல் மீட்கப்பட்டது. தம்பியை காப்பாற்ற சென்று அண்ணன் பலியான பரிதாப தகவல் வெளிவந்துள்ளது. மதுரை பெத்தானியபுரத்தை சேர்ந்த குமார் மகன் பாலமுருகன் (11). இவர், தனது தம்பி, நண்பர்களுடன் பெத்தானியபுரம் பகுதியில் உள்ள வைகை ஆற்றில் நேற்று முன்தினம் குளிக்க சென்றார். சிறிதுநேரத்தில் வைகையாற்று  வெள்ளம் பாலமுருகனின் தம்பியை இழுத்து சென்றது. இதைக்கண்டு அதிர்ச்சியடைந்து நீருக்குள் பாய்ந்து, தனது தம்பியை காப்பாற்றி இழுத்து வெளியில் விட்டார். ஆனால், வெள்ளம் சிறுவன் பாலமுருகனை இழுத்து சென்றது. இதைக் கண்ட அப்பகுதியினர் போலீசார் மற்றும் தீயணைப்பு துறையினருக்கு தகவல் தெரிவித்தனர். சம்பவ இடத்திற்கு விரைந்து வந்த மதுரை திடீர் நகர், தல்லாகுளம் தீயணைப்புத்துறை வீரர்கள் விடிய, விடிய தேடி வந்தனர். ஆனால் பாலமுருகன் கிடைக்கவில்லை.

இந்நிலையில் நேற்று காலை ஆரப்பாளையம் வைகையற்று பாலத்துக்கு அடியில் ஒரு சிறுவன் உடல் சிக்கி கிடப்பதை அப்பகுதியினர் பார்த்து போலீசுக்கு தகவல் கொடுத்தனர். அதன்பேரில் கரிமேடு போலீசார் வந்து விசாரித்ததில் வெள்ளத்தில் இழுத்து செல்லப்பட்ட பாலமுருகன் என்பது தெரிந்தது. இதையடுத்து போலீசார் உடலை கைப்பற்றி பிரேத பரிசோதனைக்காக மதுரை அரசு மருத்துவமனைக்கு அனுப்பி வைத்தனர், மேலும் இதுகுறித்து வழக்குப்பதிந்து விசாரணை நடத்தி வருகின்றனர்.

மேலும் செய்திகள்

Like Us on Facebook Dinkaran Daily News
  • 26-09-2020

    26-09-2020 இன்றைய சிறப்பு படங்கள்

  • 25-09-2020

    25-09-2020 இன்றைய சிறப்பு படங்கள்

  • 24-09-2020

    24-09-2020 இன்றைய சிறப்பு படங்கள்

  • mumbairain23

    விடாத கனமழையால் தண்ணீரில் மிதக்கும் மும்பை மாநகரம்!: சாலையில் தேங்கிய மழைநீரால் போக்குவரத்து பாதிப்பு..!!

  • ele23

    தென் ஆப்பிரிக்காவின் போட்ஸ்வானாவில் நஞ்சு உருவான நீரைப் பருகிய 300க்கு மேற்பட்ட யானைகள் திடீர் பலி!: ஆய்வாளர்கள் அதிர்ச்சி..!!

படங்கள் வீடியோ கல்வி சினிமா ஜோ‌திட‌ம்