SUN குழுமத்திலிருந்து வெளிவரும் காலை நாளிதழ்

கட்டுமான நிறுவன சூபர்வைசர் கொலை அசிங்கமாக பேசியதால் அடித்து கொன்றேன்

11/12/2019 1:44:38 AM

மாமல்லபுரம், நவ.12: மாமல்லபுரம் அருகே கட்டுமான சூபர்வைசர் கொலை வழக்கில் அவரது நண்பரை போலீசார் கைது செய்தனர். அசிங்கமாக பேசியதால் கொன்றதாக அவர் வாக்குமூலம் அளித்ததாக, போலீசார் தெரிவித்தனர்.
திருக்கழுக்குன்றம் அடுத்த கொத்திமங்கலம் கிராமத்தை சேர்ந்தவர் மஞ்சுநாதன் (53). தனியார் கட்டுமான  நிறுவன சூபர்வைசர். கடந்த 6 ந் தேதி இரவு மஞ்சுநாதன், மாமல்லபுரம் அருகே அருங்குன்றம் பகுதியில் கொலை செய்யப்பட்டு, சடலமாக கிடந்தார். இதுதொடர்பாக மாமல்லபுரம் போலீசார் வழக்குப்பதிவு செய்து, விசாரித்தனர். விசாரணையில், சம்பவத்தன்று, மஞ்சுநாதன், தனது நண்பர் கல்பாக்கம் அடுத்த புதுப்பட்டினத்தை சேர்ந்த அண்ணாமலை (47) என்பவருடன் மது அருந்தினார் என தெரிந்தது. இதையடுத்து போலீசார், அண்ணாமலையை பிடித்து விசாரித்தனர். அப்போது அவர், முன்னுக்குப் பின் முரணாக பதில் பேசினார். இதனால், போலீசாருக்கு அவர் மீது சந்தேகம் வலுத்தது. இதையடுத்து அவரிடம் தீவிரமாக விசாரித்தனர்.

அதில், அண்ணாமலை சாலைப்போடும் பணியில் செக்யூரிட்டியாக வேலை பார்க்கிறார். பல ஆண்டுகளுக்கு முன் மஞ்சுநாதன், புதுப்பட்டினத்தில் காயில் கட்டும் கடை வைத்திருந்தபோது அவர்களுக்குள் பழக்கம் ஏற்பட்டு, நட்பு தொடர்ந்தது.
இந்நிலையில் சம்பவத்தன்று, மாமல்லபுரம் அடுத்த அருங்குன்றம் பகுதியில் 2 பேரும் மது அருந்தினர். அப்போது, போதை ஏறவில்லை என கூறி, மீண்டும் திருக்கழுக்குன்றம் டாஸ்மாக் கடைக்கு சென்று மது பாட்டில் வாங்கினர்.இதையடுத்து, மதுபாட்டிலை எடுத்து கொண்டு புலியூர் பகுதிக்கு சென்று, அங்கு உட்கார்ந்து சாவகாசமாக குடித்தனர். பின்னர், எச்சூர் ஐயப்பன் கோயில் அருகே சென்று கஞ்சா அடித்து விட்டு பேசிக் கொண்டிருந்தனர். அப்போது அவர்களுக்கு இடையே வாக்குவாதம் ஏற்பட்டுள்ளது.அதில் மஞ்சுநாதன், அண்ணமலையை அசிங்கமாக பேசியுள்ளார்.

 இதனால் ஆத்திரமடைந்த அண்ணாமலை, மஞ்சுநாதனின் பைக்கில் இருந்த இரும்பு ராடை எடுத்து மஞ்சுநாதன் தலையில் அடித்தார். இதில், மஞ்சுநாதன் ரத்த வெள்ளத்தில் துடித்தார்.இதை பார்த்ததும், அவர் இரும்பு ராடை அருகில் இருந்த ஏரியில் வீசிவிட்டு தப்பிவிட்டார் என  வாக்குமூலத்தில் தெரியவந்ததாக போலீசார் கூறினர். இதையடுத்து போலீசார், அவரை கைது செய்து தொடர்ந்து விசாரிக்கின்றனர்.

மேலும் செய்திகள்

Like Us on Facebook Dinkaran Daily News
  • 01-10-2020

    01-10-2020 இன்றைய சிறப்பு படங்கள்

  • supersonic30

    இந்தியாவின் அதிநவீன பிரம்மோஸ் சூப்பர்சோனிக் ஏவுகணை சோதனை வெற்றி!: 400 கி.மீ., தூரத்தில் உள்ள இலக்கை தாக்கும் திறன் பெற்றது..புகைப்படங்கள்..!!

  • up30

    உ.பி.யில் வெட்டுப்பட்ட நாக்கு; செயலிழந்த கால்கள்; பாலியல் வன்கொடுமையால் உயிரிழந்த இளம்பெண்: குற்றவாளிகளை உடனடியாக தூக்கிலிட வலுக்கும் போராட்டம்..!!

  • elephant30

    போட்ஸ்வானாவைத் தொடர்ந்து ஜிம்பாப்வேயில் தொடரும் சோகம்!: பாக்டீரியா நோயால் 2 மாதங்களில் 34 யானைகள் உயிரிழப்பு..!!

  • newyark30

    கொரோனாவின் தாக்கம் குறைந்தது!: நியூயார்க் நகரில் பள்ளிகள் மீண்டும் திறப்பு..புகைப்படங்கள்..!!

படங்கள் வீடியோ கல்வி சினிமா ஜோ‌திட‌ம்