SUN குழுமத்திலிருந்து வெளிவரும் காலை நாளிதழ்

ஒழுங்குமுறை விற்பனை கூடத்தில் தலைமை செயலர் திடீர் ஆய்வு

11/8/2019 7:09:26 AM

புதுச்சேரி, நவ. 8: புதுச்சேரி  தட்டாஞ்சாவடியில் உள்ள ஒழுங்குமுறை விற்பனை கூடத்தில் தலைமை செயலர் அஸ்வனி  குமார் திடீர் ஆய்வு நடத்தியதால் பரபரப்பு ஏற்பட்டது. புதுச்சேரி  தட்டாஞ்சாவடியில் ஒழுங்கு முறை விற்பனை கூடம் செயல்பட்டு வருகிறது. இங்கு  புதுச்சேரி, திண்டிவனம், வானூர், மரக்காணம் உள்ளிட்ட சுற்றுவட்டார  பகுதிகளில் இருந்து விவசாயிகள் நெல், உளுந்து, எள், மணிலா உள்ளிட்ட வேளாண்  விளைபொருட்களை கொண்டு வந்து விற்பனை செய்
கின்றனர். தற்போது, மத்திய  அரசின் ஈ-நாம் திட்டத்தின்படி ஒழுங்குமுறை விற்பனை கூடங்கள் செயல்பட்டு  வருகின்றன. விவசாயிகள் விளைபொருட்களுக்கு எடை, விலை, பணப் பட்டுவாடா  அனைத்தும் ஆன்லைன் முறையில் மேற்கொள்ளப்பட்டு வருகிறது.  இதனால் இடைத்தரகர்  முறை ஒழிக்கப்பட்டு நேரடியாக விவசாயிகள் வங்கிக் கணக்கில்  விளைபொருட்களுக்கு உண்டான தொகை உடனடியாக செலுத்துவதற்கான வாய்ப்பு உருவாகி
உள்ளது.

இந்நிலையில் ஒழுங்குமுறை விற்பனை கூடத்தின் செயல்பாடுகள்  குறித்து தலைமை செயலர் அஸ்வனி குமார் நேற்று  திடீர் ஆய்வு  மேற்கொண்டார். அப்போது, ஒழுங்குமுறை விற்பனை கூடத்தில் விளைபொருட்கள்  இருப்பு, கொள்முதல் விலை, பணப்பட்டுவாடா, விவசாயிகளின் எண்ணிக்கை உள்ளிட்ட  விவரங்கள் அனைத்தையும் கணினியில் பார்வையிட்டார். பின்னர் பல்வேறு  பகுதிகளில் இருந்து வந்திருந்த விவசாயிகளிடம் குறைகளை கேட்டறிந்தார்.  அப்போது, குடிநீர், கழிவறை, இரவுநேர தங்குமிடம், விளைபொருட்களை மழை,  வெயிலில் இருந்து பாதுகாக்க கூடுதல் கிடங்குகள் அமைத்து தர வேண்டும் என  விவசாயிகள் கோரிக்கை விடுத்தனர். அதனை பரிசீலிப்பதாக தலைமை செயலர் அஸ்வனி  குமார்
தெரிவித்தார்.

மேலும் செய்திகள்

Like Us on Facebook Dinkaran Daily News
  • 26-01-2021

    26-01-2021 இன்றைய சிறப்பு படங்கள்

  • sun-dong25

    அற்புதங்களை கண்டு ரசிக்க 2 கண்கள் போதாது!: விஞ்ஞானிகளால் கூட நம்ப முடியாத சன் டூங் குகையின் ஆச்சரிய படங்கள்..!!

  • hongkomgggg_1111

    ஹாங்காங்கில் மனிதர்களை போல முக பாவனைகள், செயல்களை அப்படியே பிரதிபலிக்கும் ரோபோக்கள் உருவாக்கம்

  • china-gold25

    அதிர்ஷ்ட சாலிகள்!: சீன தங்க சுரங்க விபத்தில் 2000 அடி ஆழத்தில் சிக்கி தவித்த 11 பேர் 14 நாட்களுக்கு பிறகு மீட்பு..!

  • 25-01-2021

    25-01-2021 இன்றைய சிறப்பு படங்கள்

படங்கள் வீடியோ கல்வி சினிமா ஜோ‌திட‌ம்