SUN குழுமத்திலிருந்து வெளிவரும் காலை நாளிதழ்

ஸ்பிக்நகர் அருகே குடியிருப்பு பகுதியில் தடுப்புசுவர் இல்லாத கால்வாய் கிணறால் விபத்து அபாயம்

11/8/2019 6:51:59 AM

ஸ்பிக்ந்கர், நவ.8:ஸ்பிக்நகரை அடுத்த தவசிபெருமாள் சாலையில் குடியிருப்பு பகுதிக்கு அருகில் உள்ள பாசன கால்வாயில் தடுப்புசுவர் இல்லாததால் விபத்து அபாயம் உள்ளதால் உடனடியாக சுற்றுச்சுவர் அமைக்க வேண்டுமென பொதுமக்கள் கோரிக்கை விடுத்துள்ளனர்.கோரம்பள்ளம் குளத்திலிருந்து அத்திமரப்பட்டி விவசாய நிலங்களுக்கு கால்வாயின் வழியாக தண்ணீர் கொண்டு செல்லப்படுகிறது. விவசாய நிலங்களுக்கு சென்றது போக மீதமுள்ள தண்ணீர் பாரதிநகர், தவசிபெருமாள் சாலை, முள்ளக்காடு வழியாக கால்வாய் மூலம் கடலுக்கு கொண்டு செல்லப்படுகிறது. இதில் தவசிபெருமாள் சாலையில் குடியிருப்பு பகுதிகளுக்கு அருகில் எந்தவித தடுப்பு சுவரும் கட்டப்படாமல் ஆபத்தான நிலையில் கால்வாய் செல்கிறது. கடந்த வருடத்தில் விளையாட சென்ற சிறுவன் இந்த கால்வாயில் விழுந்து இறந்தான். அதன்பின்னரும் இந்த பகுதியில் எந்தவித தடுப்பு சுவரும் கட்டப்படவில்லை. அதேபகுதியில் சுமார் 22 அடி ஆழமுள்ள கிணறு, தண்ணீர் முழுவதும் நிரம்பிய நிலையில் சுற்றுச்சுவர் இல்லாமல் காணப்படுகிறது. திருச்சி சிறுவன் மரணத்திற்கு பிறகு தமிழகத்தில் பல்வேறு பகுதியில் உள்ள ஆபத்தான ஆழ்துளை கிணறுகள் மூடப்பட்டு வருகிறது. எனவே தவசிபெருமாள் சாலையில் ஆபத்தான நிலையில் உள்ள கிணறு மூடுவதற்கும் கால்வாயில் தடுப்புசுவர் கட்டவும் அதிகாரிகள் விரைந்து நடவடிக்கை எடுக்க வேண்டுமென பொதுமக்கள் கோரிக்கை விடுத்துள்ளனர்.

மேலும் செய்திகள்

Like Us on Facebook Dinkaran Daily News
  • twins22

    தலை ஒட்டிப் பிறந்த இரட்டை சகோதரிகள் இனி தனித்தனியே!: அறுவை சிகிச்சைக்கு பின் சந்தோஷமாக நாடு திரும்பினர்..!!

  • mumbaitrain22

    7 மாதத்திற்கு பிறகு மும்பை மின்சார ரயிலில் பெண்கள் உற்சாக பயணம்!: 4 மகளிர் சிறப்பு ரயில்களும் இயக்கம்..!!

  • dinosauregg22

    பெரம்பலூரில் தோண்ட தோண்ட கிடைத்த ‘டைனோசர்’ முட்டைகள்!: ஒன்னு இல்ல ரெண்டு இல்ல.. ‘மிரள’ வைத்த எண்ணிக்கை..வியப்பில் பொதுமக்கள்..!!

  • locusts22

    எத்தியோப்பியாவில் வெட்டுக்கிளிகள் அட்டகாசம்!: 25 ஆண்டுகளில் இல்லாத அளவிற்கு உணவு பயிர்கள் நாசம்..விவசாயிகள் வேதனை..!!

  • rainbowtree22

    உலக பொறியாளர்களின் கவனத்தை ஈர்த்த பிலிப்பைன்ஸ் ரெயின்போ ட்ரீ டவர்!: கண்கவரும் புகைப்படங்கள்

படங்கள் வீடியோ கல்வி சினிமா ஜோ‌திட‌ம்