SUN குழுமத்திலிருந்து வெளிவரும் காலை நாளிதழ்

வாரச்சந்தைக்கு அனுமதி மறுப்பால் விவசாயிகள் மறியல் போராட்டம்

11/8/2019 6:21:13 AM

தர்மபுரி, நவ.8: தர்மபுரி மாவட்டம் ஏரியூரில் புதிய பஸ் நிலையம் அமைக்கும் பணி நடப்பதால், வாரச்சந்தை கடை வைக்க அனுமதி வழங்காததை கண்டித்து வியாபாரிகள், விவசாயிகள் நேற்று சாலை மறியலில் ஈடுபட்டனர்.
தர்மபுரி மாவட்டம், ஏரியூர் பகுதியில் சுமார் 40க்கும் மேற்பட்ட குக்கிராமங்கள் உள்ளன. இப்பகுதி மக்கள் கல்வி, வேலை மற்றும் வெளியூர் செல்ல ஏரியூர் பஸ் நிறுத்தத்திற்கு தினசரி ஆயிரக்கணக்கானோர் வந்து செல்கின்றனர். இந்த பஸ் நிறுத்தத்திற்கு தினசரி 20க்கும் மேற்பட்ட பஸ்கள் வந்து செல்வதால், சில நேரங்களில் போக்குவரத்து நெரிசலும் ஏற்பட்டு வந்தது. போக்குவரத்து நெரிசலை கட்டுப்படுத்த, அரசு சார்பில் ₹3.10 கோடி மதிப்பில், ஏரியூரில் புதிய பஸ் நிலையம் அமைக்க நடவடிக்கை மேற்கொள்ளப்பட்டது. இந்த பஸ் நிலையம் அமைய உள்ள பகுதியில், சாலையை ஆக்கிரமித்து கடைகள் வைத்திருந்தனர். அந்த கடைகளை அகற்ற வேண்டும் என்று நேற்று முன்தினம் ஒப்பந்ததாரர்கள் கூறினர். இதை கண்டித்து வியாபாரிகள் வாக்கு வாதத்தில் ஈடுபட்டனர். போலீசார் மற்றும் வருவாய்துறை அதிகாரிகள் பேச்சுவார்த்தை நடத்திய பின்னர், வியாபாரிகள் தாங்களாகவே கடைகளை அகற்றினர்.

இந்த பஸ் நிறுத்தம் அருகே வியாழக்கிழமை தோறும் வாரச்சந்தை நடக்கும். வழக்கம்போல் நேற்று வாரச்சந்தை கூடும் என நினைத்து விவசாயிகள், வியாபாரிகள் திரண்டனர். விற்பனைக்காக காய்கறிகள், மளிகை சாமான்கள், பழ வகைகள் கொண்டு வந்திருந்தனர். வாரச்சந்தையில் கடை போட அனுமதி கிடையாது என்று அதிகாரிகள் தெரிவித்தனர். இதனால் ஆத்திரமடைந்த வியாபாரிகள் மற்றும் விவசாயிகள் திடீரென சாலைமறியல் போராட்டத்தில் ஈடுபட்டனர். இதுகுறித்து தகவல் அறிந்து வந்த வருவாய்த்துறை அதிகாரிகள் மற்றும் போலீசார், மறியல் போராட்டத்தில் ஈடுபட்டவர்களிடம் பேச்சுவார்த்தை நடத்தினர். தற்போது ஏரியூர் பஸ்நிலையம் அமைக்கும்பணி நடக்கிறது. அதனால் வாரச்சந்தை கடைகள் அமைக்க இடம் வழங்கப்படாது. அடுத்தவாரம் வாரசந்தைக்கான கடைகள் அமைக்க இடம் ஒதுக்கீடு செய்து தரப்படும். வெளியூரில் இருந்து வந்த விவசாயிகள், வியாபாரிகள் அங்கு காலியாக இருந்த இடத்தில் கடைகள் போட்டுக்கொள்ள அனுமதி அளித்தனர். அதன்பின் கலைந்து ெசன்றனர். பொருட்கள் கொண்டு வந்திருந்த சிறு வியாபாரிகள், விவசாயிகள் கடைகள் அமைத்து வியாபாரம் செய்தனர். இந்த மறியல் போராட்டத்தால் அங்கு சிறிது நேரம் போக்குவரத்து பாதிக்கப்பட்டது.

மேலும் செய்திகள்

Like Us on Facebook Dinkaran Daily News
  • twins22

    தலை ஒட்டிப் பிறந்த இரட்டை சகோதரிகள் இனி தனித்தனியே!: அறுவை சிகிச்சைக்கு பின் சந்தோஷமாக நாடு திரும்பினர்..!!

  • mumbaitrain22

    7 மாதத்திற்கு பிறகு மும்பை மின்சார ரயிலில் பெண்கள் உற்சாக பயணம்!: 4 மகளிர் சிறப்பு ரயில்களும் இயக்கம்..!!

  • dinosauregg22

    பெரம்பலூரில் தோண்ட தோண்ட கிடைத்த ‘டைனோசர்’ முட்டைகள்!: ஒன்னு இல்ல ரெண்டு இல்ல.. ‘மிரள’ வைத்த எண்ணிக்கை..வியப்பில் பொதுமக்கள்..!!

  • locusts22

    எத்தியோப்பியாவில் வெட்டுக்கிளிகள் அட்டகாசம்!: 25 ஆண்டுகளில் இல்லாத அளவிற்கு உணவு பயிர்கள் நாசம்..விவசாயிகள் வேதனை..!!

  • rainbowtree22

    உலக பொறியாளர்களின் கவனத்தை ஈர்த்த பிலிப்பைன்ஸ் ரெயின்போ ட்ரீ டவர்!: கண்கவரும் புகைப்படங்கள்

படங்கள் வீடியோ கல்வி சினிமா ஜோ‌திட‌ம்