SUN குழுமத்திலிருந்து வெளிவரும் காலை நாளிதழ்

லாரி மோதி தம்பதி படுகாயம் ஆம்புலன்ஸ் வர தாமதம் பொதுமக்கள் சாலை மறியல்

11/8/2019 12:02:37 AM


புழல்: பைக்கில் சென்ற தம்பதி மீது லாரி மோதியதில் படுகாயமடைந்தனர். அவர்களை மருத்துவமனைக்கு கொண்டு செல்ல ஆம்புலன்ஸ் வர தாமதமானதால், ஆத்திரமடைந்த பொதுமக்கள் சாலை மறியலில் ஈடுபட்டனர். செங்குன்றம் அடுத்த ஆட்டந்தாங்கல் பகுதியை சேர்ந்த புண்ணியமூர்த்தி (40), அவரது மனைவி அம்பிகா (36) ஆகியோர் நேற்று காரணோடை அடுத்த ஜனப்பசத்திரம் கூட்டு சாலை அருகே பைக்கில் சென்றபோது, அவ்வழியே வந்த லாரி,  இவர்களின் பைக் மீது வேகமாக மோதியது.

இதில், பைக்கில் வந்த தம்பதி தூக்கி வீசப்பட்டு படுகாயமடைந்தனர். அக்கம் பக்கத்தினர் அவர்களை மீட்டு, 108 ஆம்புலன்சுக்கு தகவல் தெரிவித்தனர். ஆனால், ஆம்புலன்ஸ் வர தாமதமானதால், ஆத்திரமடைந்த அப்பகுதி மக்கள் திடீர் சாலை  மறியலில் ஈடுபட்டனர்.தகவலறிந்து வந்த சோழவரம் போலீசார், மறியலில் ஈடுபட்ட மக்களை சமாதானப்படுத்தினர். பின்னர், தாமதமாக வந்த ஆம்புலன்சில் படுகாயமடைந்த கணவன், மனைவியை ஏற்றி பொன்னேரி அரசு மருத்துவமனைக்கு அனுப்பி வைத்தனர்.
அங்கு அவர்களுக்கு தீவிர சிகிச்சை அளிக்கப்பட்டது. பின்னர், மேல் சிகிச்சைக்காக சென்னை அரசு பொது மருத்துவமனைக்கு அவர்களை அனுப்பி வைத்தனர். இச்சம்பவத்தால், அப்பகுதியில் பரபரப்பு ஏற்பட்டது.


மேலும் செய்திகள்

Like Us on Facebook Dinkaran Daily News
  • andra_tirup1thu

    ஆந்திராவில் நிவர் புயல்... திருப்பதியில் கனமழையால் வெள்ளப்பெருக்கு!!

  • stalinnivaranmmmm

    சென்னையில் மழை, புயலால் பாதிக்கப்பட்ட மக்களுக்கு நலத்திட்ட உதவிகளை வழங்கினார் மு.க.ஸ்டாலின்

  • tamil_rainnnn111

    தமிழகம், புதுச்சேரியில் நிவர் புயல் ருத்ரதாண்டவம்... வெள்ளக்காடானது சென்னை புறநகர் பகுதிகள்!!

  • humanbodies23

    2,000 ஆண்டுகளுக்கு முன் எரிமலை வெடிப்பிலிருந்து தப்பிக்க முயன்ற 2 மனித உடல்கள் இத்தாலியில் கண்டுபிடிப்பு!: புகைப்படங்கள்

  • jammu23

    ஜம்மு காஷ்மீரில் நிலவும் கடுங்குளிர்!: தரை, வீடுகளின் கூரைகள், வாகனங்களின் மேற்பகுதி ஆகியவை பனி உறைந்து வெண்ணிறமாக காட்சி..!!

படங்கள் வீடியோ கல்வி சினிமா ஜோ‌திட‌ம்