SUN குழுமத்திலிருந்து வெளிவரும் காலை நாளிதழ்

விவசாயிகளுக்கு அடிப்படை பயிற்சி

11/7/2019 6:02:43 AM

சிவகங்கை, நவ.7: சிவகங்கை அருகே சாமியார்பட்டி கிராமத்தில் விவசாயிகளுக்கான கிராம அளவிலான அடிப்படை பயிற்சி நடந்தது. வேளாண்மை துணை இயக்குநர்(உபநி) சசிகலா தலைமை வகித்தார். விவசாயிகள் நடவு செய்துள்ள நெல் பயிருக்குத் தேவையான உரமிடுதல், பயிர் பாதுகாப்பு முறைகள், உயிர் உர பயன்பாடுகள் குறித்து தொழில்நுட்பச் செய்திகள் மற்றும் செயல்விளக்கங்கள் செய்து காண்பிக்கப்பட்டன. வயல்களில் பயிர் எண்ணிக்கை பராமரித்தல், உயிர் உரங்களான அசோஸ் பைரில்லம், பாஸ்போபேக்டீரியா பயன்படுத்தி விதை நேர்த்தி செய்வதால் ஏற்படும் பயன் குறித்த செயல்விளக்கம் செய்து காண்பிக்கப்பட்டது. உயிர் உரமான அசோஸ்பைரில்லம் பயன்படுத்தி வளிமண்டலத்தில் உள்ள தழைச்சத்தினை பயிர்களுக்கு எளிய முறையில் கிடைக்கப் பெற செய்வதால் ரசாயன உரங்கள் பயன்பாட்டினை குறைக்கலாம் எனவும், பாஸ்போபேக்டீரியாவை பயன்படுத்துவதால் மண்ணில் பயன்படாத நிலையில் உள்ள மணிச்சத்தை பயிருக்கு கிடைக்கக்கூடிய நிலைக்கு மாற்றி தாவர வேர் வளர்ச்சிக்கு உதவுவதன் பங்கு குறித்து கூறப்பட்டது. இப்பயிற்சியில் வேளாண்மை அலுவலர் பரமேஸ்வரன், உதவி வேளாண்மை அலுவலர் உதயகுமார், வட்டார தொழில்நுட்ப மேலாளர் அன்பழகன், உதவி தொழில்நுட்ப மேலாளர்கள் சதீஷ், நந்தினி மற்றும் விவசாயிகள் கலந்து கொண்டனர்.

மேலும் செய்திகள்

Like Us on Facebook Dinkaran Daily News
  • jaipourelephant20

    ராஜஸ்தான் மாநிலம் ஜெய்ப்பூர் கோட்டையில் மீண்டும் யானை சவாரிக்கு அனுமதி!..

  • delhiformer20

    வேளாண் சட்டங்களுக்கு எதிர்ப்பு தெரிவித்து ஹரியானா, பஞ்சாப்பில் இருந்து டெல்லி நோக்கி விவசாயிகள் பேரணி - கண்ணீர்புகை, தண்ணீர் பீய்ச்சி விரட்டியடிப்பு

  • nivarpondyvilupuram20

    நிவர் புயல் கரையை கடந்த நிலையில் புதுச்சேரி, விழுப்புரம் மற்றும் கடலூர் மாவட்டத்தில் சேதமடைந்த இடங்கள் ! புகைப்படங்கள்

  • nivarkadaloorcmvisit20

    நிவர் புயலால் பாதிக்கப்பட்ட கடலூர் மாவட்ட மக்களை பார்வையிட்டு நிவாரண பொருட்களை வழங்கினார் மாண்புமிகு தமிழ்நாடு முதலமைச்சர் திரு.எடப்பாடி கே.பழனிசாமி!..

  • nivarthirvannamali20

    திருவண்ணாமலை மற்றும் திருப்பத்தூரில் நிவர் புயலின் தாக்கம் !... புகைப்படங்கள்

படங்கள் வீடியோ கல்வி சினிமா ஜோ‌திட‌ம்