SUN குழுமத்திலிருந்து வெளிவரும் காலை நாளிதழ்

வலங்கைமான் அடுத்த ஆலங்குடியில் காட்சி பொருளான புதிய நீர்தேக்க தொட்டி

11/7/2019 12:28:04 AM

வலங்கைமான், நவ.7: வலங்கைமான் அடுத்த ஆலங்குடியில் புதிதாக கட்டப்பட்டு காட்சிப் பொருளாக உள்ள மேல்நிலை நீர்தேக்க தொட்டியை பயன்பாட்டிற்கு கொண்டுவர வேண்டும் என பொதுமக்கள் கோரிக்கை விடுத்துள்ளனர்.திருவாரூர் மாவட்டம் வலங்கைமான் அடுத்த ஆலங்குடி ஊராட்சியில் ஊராட்சி மன்ற அலுவலகம் அருகே 30 ஆயிரம் லிட்டர் கொள்ளளவு கொண்ட மேல்நிலை நீர்தேக்க தொட்டி சுமார் 10 ஆண்டுகளுக்கு முன் கட்டப்பட்டது. இந்த மேல்நிலை நீர் தேக்க தொட்டி பழுதடைந்து எப்போது இடிந்து விழுமே என்ற நிலை இருந்தது. இது தொடர்பாக பொதுமக்களின் கோரிக்கையை அடுத்து பழுதடைந்த மேல் நிலைநீர் தேக்க தொட்டிக்கு அருகிலேயே கடந்த மூன்று மாதங்களுக்கு முன் 30 ஆயிரம் லிட்டர் கொள்ளளவு கொண்ட புதிய மேல்நிலை நீர் தேக்க தொட்டி கட்டப்பட்டது. இருப்பினும் புதிதாக கட்டப்பட்ட மேல்நிலை நீர் தேக்க தொட்டி மக்கள் பயன்பாட்டிற்கு வராமல் தற்போது காட்சிப் பொருளாகவே உள்ளது.

மேலும் புதிய மேல்நிலை நீர்தேக்க தொட்டி மக்கள் பயன்பாட்டிற்கு வராததால் தற்போது ஆபத்தான நிலையில் பழுதடைந்துள்ள பழைய மேல்நிலை நீர்தேக்க தொட்டியிலிருந்தே பொதுமக்களுக்கு குடிதண்ணீர் விநியோகிக்கப்பட்டு வருகிறது. மேலும் பழுதடைந்த நிலையில் தற்போது மக்கள் பயன்பாட்டில் உள்ள மேல்நிலை நீர்தேக்க தொட்டி அருகே சிறிய அளவிளான தரைமட்ட தொட்டி உள்ளது. இத்தொட்டி பாதுகாப்பு அற்ற நிலையில் திறந்து உள்ளது.மேலும் அதில் தேங்கிஉள்ள தண்ணீரில் டெங்கு கொசு உருவாகும் நிலை உள்ளது. மேல்நிலை நீர்தேக்க தொட்டியினை சுற்றி அடர்ந்த செடிகள் காடுபோல் உள்ளது.எனவே அப்பகுதியில் பழுதடைந்த நிலையில் உள்ள மேல்நிலை நீர்தேக்க தொட்டியை முடிவுக்கு கொண்டு வரவும், புதிதாக கட்டப்பட்டு காட்சிப் பொருளாக உள்ள மேல்நிலை நீர்தேக்க தொட்டியை பயன்பாட்டிற்கு கொண்டுவரவும், மேல்நிலை நீர்தேக்க தொட்டி அருகே திறந்த நிலையில் உள்ள தொட்டியை மூடவும் பொதுமக்கள் கோரிக்கை விடுத்துள்ளனர்.



மேலும் செய்திகள்

Like Us on Facebook Dinkaran Daily News
  • twins22

    தலை ஒட்டிப் பிறந்த இரட்டை சகோதரிகள் இனி தனித்தனியே!: அறுவை சிகிச்சைக்கு பின் சந்தோஷமாக நாடு திரும்பினர்..!!

  • mumbaitrain22

    7 மாதத்திற்கு பிறகு மும்பை மின்சார ரயிலில் பெண்கள் உற்சாக பயணம்!: 4 மகளிர் சிறப்பு ரயில்களும் இயக்கம்..!!

  • dinosauregg22

    பெரம்பலூரில் தோண்ட தோண்ட கிடைத்த ‘டைனோசர்’ முட்டைகள்!: ஒன்னு இல்ல ரெண்டு இல்ல.. ‘மிரள’ வைத்த எண்ணிக்கை..வியப்பில் பொதுமக்கள்..!!

  • locusts22

    எத்தியோப்பியாவில் வெட்டுக்கிளிகள் அட்டகாசம்!: 25 ஆண்டுகளில் இல்லாத அளவிற்கு உணவு பயிர்கள் நாசம்..விவசாயிகள் வேதனை..!!

  • rainbowtree22

    உலக பொறியாளர்களின் கவனத்தை ஈர்த்த பிலிப்பைன்ஸ் ரெயின்போ ட்ரீ டவர்!: கண்கவரும் புகைப்படங்கள்

படங்கள் வீடியோ கல்வி சினிமா ஜோ‌திட‌ம்