இலக்கியம்பட்டி காதுகேளாதோர் பள்ளியில் நுழைந்த பாம்பு சிக்கியது
10/23/2019 6:03:35 AM
தர்மபுரி, அக்.23: தர்மபுரி இலக்கியம்பட்டி காதுகேளாதோர் அரசு பள்ளியில், நுழைந்த 7 அடி நீளம் கொண்ட நாக பாம்பு சிக்கியது. தர்மபுரி- சேலம் மெயின்ரோட்டில் இலக்கியம்பட்டி காதுகேளாதோர் பள்ளி செயல்பட்டு வருகிறது. இதில், 6ம் வகுப்பு முதல் பிளஸ் 2 வரையில் 70பேர் படித்து வருகின்றனர். பள்ளியின் தேவையற்ற மரச்சாமான்களை ஒரு அறையில் போட்டு வைப்பது வழக்கம். தற்போது மாவட்டம் முழுவதும் டெங்கு பரவி வருவதால், மரச்சாமான்கள் உள்ள அறையை சுத்தம் செய்யும் பணியில் நேற்று பள்ளி ஆசிரியைகள் ஈடுபட்டனர். அப்போது அறையின் உள்ளே பாம்பு இருப்பது தெரியவந்தது. இதனால் பள்ளியில் உள்ள ஆசிரிய, ஆசிரியைகள், மாணவ, மாணவிகள் இடையே பரபரப்பு ஏற்பட்டது. இதையடுத்து பள்ளி ஆசிரியைகள் உடனடியாக, தர்மபுரி தீயணைப்பு நிலையத்திற்கு தகவல் கொடுத்தனர். இதன் பேரில், தர்மபுரி தீயணைப்பு நிலைய அலுவலர் ராஜா தலைமையில், தீயணைப்பு படை குழுவினர் இலக்கியம்பட்டி காதுகேளாதோர் பள்ளிக்கு சென்று, சுமார் அரை மணி நேரத்திற்கும் மேல் போராடி 7 அடி நீளம் உள்ள ஒரு நாக பாம்பை உயிருடன் பிடித்தனர். பிடிக்கப்பட்ட பாம்பை ஒரு சாக்கில் போட்டு கட்டி, தர்மபுரி வனத்துறையினரிடம் தீயணைப்பு படையினரிடம் ஒப்படைத்தனர்.
மேலும் செய்திகள்
கிருஷ்ணகிரி அருகே எருது விடும் விழா கோலாகலம்
போச்சம்பள்ளி அருகே பாமக பேனர் கிழிப்பு
மாவட்டத்தில் 323 துப்பாக்கிகளை ஒப்படைக்க வேண்டும்
பெட்ரோல், டீசல் விலை உயர்வால் பொக்லைன் வாடகை அதிகரிப்பு
தளியில் சாலை பணிகள் துவக்கம்
தேன்கனிக்கோட்டையில் மு.க.ஸ்டாலின் பிறந்த நாளில் அன்னதானம் தேன்கனிக்கோட்டை,
02-03-2021 இன்றைய சிறப்பு படங்கள்
கொரோனா தடுப்பூசி செலுத்திக்கொண்ட பிரதமர் நரேந்திர மோடி!: புகைப்படங்கள்
மியான்மரில் ராணுவ ஆட்சிக்கு எதிராக மக்கள் கிளர்ச்சி!: போராட்டக்காரர்கள் மீதான துப்பாக்கி சூட்டில் 18 பேர் பலி...உச்சக்கட்ட பதற்றம்..!!
இத்தாலியில் 2,000 ஆண்டுகள் பழமையான தேர் எரிமலை சாம்பலில் கிடைத்தது
01-01-2021 இன்றைய சிறப்பு படங்கள்