SUN குழுமத்திலிருந்து வெளிவரும் காலை நாளிதழ்

வராக நதியில் வெள்ளப்பெருக்கால் கரையோர மக்களுக்கு எச்சரிக்கை துர்நாற்றம் வீசிய ரேஷன் அரிசியை சாலையில் கொட்டி மறியல் போராட்டம்

10/18/2019 1:27:19 AM

போடி, அக். 18: போடியில், நேற்று தரமில்லாத ரேஷன் அரிசி விநியோகம் செய்யப்பட்டதால் ஆத்திரமடைந்த பொதுமக்கள், அரிசியை சாலையில் கொட்டி மறியலில் ஈடுபட்டதால் பரபரப்பு ஏற்பட்டது.போடி நகராட்சி 1வது வார்டு புதூரில் ஆயிரத்திற்கும் மேற்பட்ட குடும்பத்தினர் வசிக்கின்றனர். இவர்களுக்கு நியாய விலைக் கடை எண் 21 மூலம் ரேஷன் அரிசி உள்ளிட்ட பொருட்கள் விநியோகம் செய்யப்படுகிறது. நேற்று காலையில் இந்த கடையில் விலையில்லா அரிசி பொதுமக்களுக்கு சப்ளை செய்யப்பட்டது.அந்த அரிசி உபயோகப்படுத்த முடியாத அளவிற்கு மோசமான துர்நாற்றத்துடன் தரமில்லாமலும், புழுக்களுடனும் காணப்பட்டதால் பொதுமக்கள் அதிர்ச்சியடைந்தனர். இதனால் நியாய விலைக் கடை ஊழியர்களுடன் பொதுமக்கள் வாக்குவாதத்தில் ஈடுபட்டனர்.
எங்களுக்கு வழங்கும் அரிசியை தான் நாங்கள் விநியோகம் செய்கிறோம் என ஊழியர்கள் தெரிவித்தனர்.

இதனால் ஆத்திரமடைந்த பொதுமக்கள், தாங்கள் வாங்கிய விலையில்லா அரிசியை போடி -மூணாறு தேசிய நெடுஞ்சாலையில் தேவர் சிலை அருகே சாலையில் கொட்டி மறியலில் ஈடுபட்டனர். இதனால் அரைமணி நேரம் போக்குவரத்து பாதிக்கப்பட்டது. அங்கு வந்த காவல்துறையினர் பொதுமக்களை சமாதானப்படுத்தி அனுப்பி வைத்தனர். இந்த திடீர் பஸ்மறியலால் நியாயவிலைக் கடையில் அரிசி விநியோகம் செய்வது தற்காலிகமாக நிறுத்தி வைக்கப்பட்டது. அரிசியை சாலையில் கொட்டி மறியல் செய்த சம்பவத்தால் போடியில் பரபரப்பு நிலவியது.

மேலும் செய்திகள்

Like Us on Facebook Dinkaran Daily News
  • twins22

    தலை ஒட்டிப் பிறந்த இரட்டை சகோதரிகள் இனி தனித்தனியே!: அறுவை சிகிச்சைக்கு பின் சந்தோஷமாக நாடு திரும்பினர்..!!

  • mumbaitrain22

    7 மாதத்திற்கு பிறகு மும்பை மின்சார ரயிலில் பெண்கள் உற்சாக பயணம்!: 4 மகளிர் சிறப்பு ரயில்களும் இயக்கம்..!!

  • dinosauregg22

    பெரம்பலூரில் தோண்ட தோண்ட கிடைத்த ‘டைனோசர்’ முட்டைகள்!: ஒன்னு இல்ல ரெண்டு இல்ல.. ‘மிரள’ வைத்த எண்ணிக்கை..வியப்பில் பொதுமக்கள்..!!

  • locusts22

    எத்தியோப்பியாவில் வெட்டுக்கிளிகள் அட்டகாசம்!: 25 ஆண்டுகளில் இல்லாத அளவிற்கு உணவு பயிர்கள் நாசம்..விவசாயிகள் வேதனை..!!

  • rainbowtree22

    உலக பொறியாளர்களின் கவனத்தை ஈர்த்த பிலிப்பைன்ஸ் ரெயின்போ ட்ரீ டவர்!: கண்கவரும் புகைப்படங்கள்

படங்கள் வீடியோ கல்வி சினிமா ஜோ‌திட‌ம்