SUN குழுமத்திலிருந்து வெளிவரும் காலை நாளிதழ்

திண்டுக்கல்லில் மத்திய அரசை கண்டித்து இடதுசாரிகள் ஆர்ப்பாட்டம்

10/17/2019 3:32:32 AM

திண்டுக்கல், அக். 17: மத்திய அரசை கண்டித்து திண்டுக்கல்லில் இடதுசாரி கட்சிகள் மாபெரும் கண்டன ஆர்ப்பாட்டம் நடத்தினர். பணமதிப்பிழப்பு, ஜிஎஸ்டி விதிப்பு, பொருட்களின் விலை உயர்வு உள்ளிட்ட பல்வேறு பிரச்னைகளை மக்கள் மீது திணித்து வரும் மத்திய அரசை கண்டித்து தமிழகம் முழுவதும் இடதுசாரி கட்சிகள் சார்பில் நேற்று மாபெரும் கண்டன ஆர்ப்பாட்டம் நடந்தது. திண்டுக்கல் மாநகராட்சி அலுவலகம் அருகில் இடதுசாரி கட்சிகள் சார்பில் நடந்த ஆர்ப்பாட்டத்தில் சிறப்பு அழைப்பாளராக மதுரை எம்பி வெங்கடேசன் கலந்து கொண்டார். ஆர்ப்பாட்டத்தில், ரிசர்வ் வங்கியில் இருந்து எடுக்கப்பட்ட 1 லட்சத்து 76 ஆயிரம் கோடி ரூபாயை பொது முதலீட்டு திட்டங்களுக்கு பயன்படுத்த வேண்டும். வேலைவாய்ப்பை அதிகரிக்க பொது முதலீட்டை அதிகரிக்க வேண்டும். தொழிலாளர்களுக்கு குறைந்தபட்ச மாத சம்பளம் ரூ.18,000 ஆக உயர்த்திட உத்தரவாதம் அளிக்க வேண்டும். பொதுத்துறை நிறுவனங்களை தனியாருக்குத் தாரை வார்ப்பது நிறுத்தி கொள்ள வேண்டும். மகாத்மா காந்தி தேசிய ஊரக வேலைவாய்ப்பு உத்தரவாத சட்டத்தை 200 நாட்கள் ஆக அதிகரிக்க வேண்டும். விவசாயிகளின் நெருக்கடிகளை களைந்து அவர்கள் பெற்றிருக்கின்ற கடன்களை தள்ளுபடி செய்ய வேண்டும். விதவை, முதியோர் ஓய்வூதியத்தை ரூ.3 ஆயிரமாக அதிகரிக்க செய்ய வேண்டும் உள்ளிட்ட கோரிக்கைளை வலியுறுத்தி கோஷமிட்டனர். இதில் சிபிஎம் மாவட்ட செயலாளர் சச்சிதானந்தம், சிபிஐ மாவட்ட செயலாளர் மணிகண்டன், சிபிஎம்எல் மாவட்ட நிர்வாகி மணிவேல் உள்பட பலர் கலந்து கொண்டனர்.

மேலும் செய்திகள்

Like Us on Facebook Dinkaran Daily News
  • twins22

    தலை ஒட்டிப் பிறந்த இரட்டை சகோதரிகள் இனி தனித்தனியே!: அறுவை சிகிச்சைக்கு பின் சந்தோஷமாக நாடு திரும்பினர்..!!

  • mumbaitrain22

    7 மாதத்திற்கு பிறகு மும்பை மின்சார ரயிலில் பெண்கள் உற்சாக பயணம்!: 4 மகளிர் சிறப்பு ரயில்களும் இயக்கம்..!!

  • dinosauregg22

    பெரம்பலூரில் தோண்ட தோண்ட கிடைத்த ‘டைனோசர்’ முட்டைகள்!: ஒன்னு இல்ல ரெண்டு இல்ல.. ‘மிரள’ வைத்த எண்ணிக்கை..வியப்பில் பொதுமக்கள்..!!

  • locusts22

    எத்தியோப்பியாவில் வெட்டுக்கிளிகள் அட்டகாசம்!: 25 ஆண்டுகளில் இல்லாத அளவிற்கு உணவு பயிர்கள் நாசம்..விவசாயிகள் வேதனை..!!

  • rainbowtree22

    உலக பொறியாளர்களின் கவனத்தை ஈர்த்த பிலிப்பைன்ஸ் ரெயின்போ ட்ரீ டவர்!: கண்கவரும் புகைப்படங்கள்

படங்கள் வீடியோ கல்வி சினிமா ஜோ‌திட‌ம்