SUN குழுமத்திலிருந்து வெளிவரும் காலை நாளிதழ்

புதிய கல்வி கொள்கையை எதிர்த்து காரைக்காலில் 2 நாள் பிரசாரம் அனைத்து கட்சி கூட்டத்தில் அறிவிப்பு

9/10/2019 12:28:25 AM

காரைக்கால், செப்.10: மத்திய அரசின் புதிய கல்விக் கொள்கையை எதிர்த்து, காரைக்காலில் 2 நாள் பிரசாரம் செய்யப்படும் என, அனைத்து கட்சி கூட்டத்தில் அறிவிக்கப்பட்டுள்ளது. காரைக்கால் மாவட்டத்தில் உள்ள காங்கிரஸ், திமுக, மதிமுக, இந்திய கம்யூனிஸ்ட், மார்க்சிஸ்ட் கம்யூனிஸ்ட், விடுதலை சிறுத்தைகள், மனிதநேய மக்கள் கட்சி, திராவிட கழகம் உள்ளிட்ட அனைத்து கட்சிகளின் பிரதிநிதிகள் பங்கேற்ற ஆலோசனை கூட்டம், இந்திய கம்யூனிஸ்ட் கட்சி அலுவலகத்தில் நடைபெற்றது.

கூட்ட முடிவில் எடுக்கப்பட்ட முடிவு குறித்து மார்க்சிஸ்ட் கம்யூனிஸ்ட் கட்சியின் வட்ட செயலர் தமீம் நிருபர்களுக்கு அளித்த பேட்டி: மத்திய அரசு கொண்டுவரும் புதிய கல்விக் கொள்கை என்பது மாணவர்கள் கல்வி மேம்பாடு என்ற நோக்கில் உருவாக்குவதாக கூறுவது ஏற்புடையதாக இல்லை. மத்தியில் ஆளும் பாஜக அரசு, தமது கொள்கைகளை கல்வியில் புகுத்தும் வகையிலும், மாணவர்கள் சிந்தனையை பிற்போக்குத்தனமான நிலைக்கு கொண்டு செல்லும் வகையிலுமே அதன் சரத்துகள் அமைந்திருக்கின்றன. இந்த புதிய கல்வி கொள்கை குறித்து பல்வேறு கட்சியினரும் விரிவான கருத்துகளை முன்வைத்து பேசி வருக்கின்றனர். இதனை நாட்டில் அமல்படுத்தக் கூடாது. இந்த புதிய கல்விக் கொள்கையின் சாராம்சங்களை மக்களுக்கு விளக்கும் வகையில் வரும் 13 மற்றும் 14ம் தேதியில் காரைக்கால் மாவட்டம் முழுவதும் தெருமுனை பிரசாரம் செய்ய முடிவு செய்யப்பட்டுள்ளது என்றார்.

மேலும் செய்திகள்

Like Us on Facebook Dinkaran Daily News
  • 30-09-2020

    30-09-2020 இன்றைய சிறப்பு படங்கள்

  • formars29

    வேளாண் சட்டத்திற்கு எதிராக நாடு முழுவதும் வெடித்தது போராட்டம்!: இந்தியா கேட் அருகே டிராக்டரை தீயிட்டு எதிர்ப்பு..!!

  • coronadeath29

    கொரோனாவின் பிடியில் சிக்கி தவிக்கும் உலக நாடுகள்!: கொடிய தொற்றுக்கு பலியானோரின் எண்ணிக்கை 10 லட்சத்தை தாண்டியது..!!

  • thee29

    பற்றி எரியும் காட்டுத்தீயால் கண்ணீரில் தத்தளிக்கும் கலிபோர்னியா மாகாணம்!: பலி எண்ணிக்கை 27 ஆக அதிகரிப்பு..!!

  • vadothara29

    குஜராத் மாநிலம் வதோதராவில் 3 மாடி கட்டிடம் இடிந்து விழுந்து 3 தொழிலாளர்கள் பலி!: 10 பேர் இடிபாடுகளில் சிக்கினர்!!

படங்கள் வீடியோ கல்வி சினிமா ஜோ‌திட‌ம்