SUN குழுமத்திலிருந்து வெளிவரும் காலை நாளிதழ்

பள்ளி மாணவர்களுக்கான தடகள போட்டி

8/22/2019 1:51:56 AM

கோவை, ஆக.22:கோவை மாவட்ட பள்ளிக்கல்வித்துறை சார்பில் பள்ளி மாணவர்களுக்கான  குறுமைய, குடியரசு தின விளையாட்டு போட்டிகள் நேற்று கோவை நேரு விளையாட்டு அரங்கில் துவங்கியது. இதனை மாநகராட்சி கமிஷனர் ஷரவன்குமார் ஜடாவத் துவக்கிவைத்தார். இதில், 100மீ, 1,500மீ ஓட்டம், தொடர் ஓட்டம், மும்முறை தாண்டுதல், குண்டு எறிதல், தட்டு எறிதல் நீளம் தாண்டுதல், உயரம் தாண்டுதல் உள்ளிட்ட பல்வேறு போட்டிகள் நடந்தது. இரண்டு நாட்களுக்கும் நடக்கும் போட்டியில், கோவை மாவட்டத்தை சேர்ந்த அரசு, அரசு உதவி பெறும், தனியார் பள்ளிகள் என 41 பள்ளிகளை சேர்ந்த 1,091 வீரர், வீராங்கனைகள் பங்கேற்றுள்ளனர். இதில், முதல் நாளான நேற்று நடந்த 17 வயதிற்குட்பட்ட பெண்களுக்கான 1,500 ஓட்டத்தில் ரத்தினபுரி மாநகராட்சி பள்ளி கிருத்திகா முதலிடம் பிடித்தார். சிஎஸ்ஐ பள்ளி மாணவி சந்தியா 2ம் இடமும், ஸ்டேன்ஸ் பள்ளி மாணவி சிருஷ்டி 3ம் இடமும் பிடித்தனர்.

மாணவர்களுக்கான 1,500மீ ஓட்டத்தில் ஸ்ரீராமகிருஷ்ணா பள்ளி மாணவன் சஞ்சய் முதலிடமும், ரங்கம்மாள் பள்ளி மாணவன் சித்தேஷ் 2ம் இடமும், ரத்தினபுரி மாநகராட்சி பள்ளி மாணவன் விஷ்ணுபிரியன் 3ம் இடமும் பிடித்தனர். 19 வயது பிரிவு போட்டியில், ரத்தினபுரி மாநகராட்சி பள்ளி மாணவன் வெங்கடேஷ் முதலிடமும், மணி பள்ளியை சேர்ந்த ராகுல், ஆனந்த் ஆகியோர் இரண்டு மற்றும் மூன்றாம் இடம் பிடித்தனர். மும்முறை தாண்டுதல் போட்டியில் டி.கே.எஸ் பள்ளியின் மானோன்மணி முதலிடமும், ராமகிருஷ்ணா பள்ளி மாணவி மிருதுளா 2ம் இடமும் பிடித்தனர். தொடர்ந்து இன்று இறுதி போட்டிகள் நடக்கிறது.

மேலும் செய்திகள்

Like Us on Facebook Dinkaran Daily News
  • DelhiBackToNormal282

    வன்முறை ஓய்ந்த நிலையில் படிப்படியாக இயல்பு நிலைக்கு திரும்பும் வடகிழக்கு டெல்லி: புகைப்படங்கள்

  • president20

    எகிப்தில் முன்னாள் ஜனாதிபதி ஹொஸ்னி முபாரக் காலமானார்: இராணுவ இறுதி சடங்கு செலுத்தி ஆதரவாளர்கள் அஞ்சலி

  • saudipudhuvellai11

    ‘புது வெள்ளை மழை இங்கு பொழிகின்றது’.. சவூதி அரேபியா பாலைவனங்களில் அரிதான பனிப்பொழிவு

  • vaanvali20

    சிரியா வான்வெளி தாக்குதலில் துருக்கி ராணுவ வீரர்கள் 33 பேர் பரிதாப உயிரிழப்பு!

  • moon27

    பெரிய நிலவுக்கு போட்டியாக 3 ஆண்டுகளாக பூமியை வலம் வரும் குட்டி நிலா!: அதிசய புகைப்படங்கள்

படங்கள் வீடியோ கல்வி சினிமா ஜோ‌திட‌ம்