SUN குழுமத்திலிருந்து வெளிவரும் காலை நாளிதழ்

பால் விலை உயர்வால்ஓட்டல்களில் காபி, டீ விலை கூடியது பொதுமக்கள் அதிருப்தி

8/20/2019 6:29:28 AM

மதுரை, ஆக. 20: பால் விலை உயர்வால் கடைகள் மற்றும் ஓட்டல்களில் டீ, காபி விலையை ரூ.2 முதல் 5 வரை  உயர்த்தியுள்ளனர். இதனால், பொதுமக்கள் அதிருப்தியடைந்துள்ளனர்.
தமிழகத்தில் பால் விலையை லிட்டருக்கு ரூ.4 முதல் ரூ.6 வரை நேற்று முதல் அரசு உயர்த்தியுள்ளது. ஆவின் பால் பாக்கெட்டில் அச்சாகி இருந்த பழைய விலைக்கு பதில், புதிய விலையை அச்சடித்து விற்பனை செய்தனர். குழந்தைகள், முதியோர்களின் முக்கிய உணவுப் பொருளாக பால் உள்ளது. அத்தியாவசியப் பட்டியலில் முதலிடம் உள்ள பாலின் விலையை உயர்த்தியது, சாமானிய மக்களிடம் பெரும் பாதிப்பை ஏற்படுத்தியுள்ளது. குறிப்பாக கடைகள், ஓட்டல்களில் டீ, காபி விலை ரூ.2 முதல் ரூ.5 வரை விலை உயர்த்தப்பட்டுள்ளது. மேலும் ஏற்கனவே தயாரித்து வைத்திருந்த நெய், வெண்ணெய், ஸ்வீட் உள்ளிட்ட பால் பொருட்களையும் கூடுதல் விலைக்கு கடைக்காரர்கள் விற்றதாக குற்றச்சாட்டு எழுந்துள்ளது. மதுரை நகருக்குள் மட்டுமே 3 ஆயிரத்திற்கும் அதிக டீ, காபி கடைகள் இருக்கும் நிலையில் நகர், புறநகரின் அனைத்து கடைகளிலுமே நேற்று அதிகாலை முதல் டீ, காபி விலையை உயர்த்திவிட்டனர். இதனால், பொதுமக்கள் அதிருப்தி அடைந்துள்ளனர்.   இது குறித்து ஓட்டல்கள் சங்க தலைவர் டெம்பிள்சிட்டி குமார் கூறுகையில், ‘பொதுவாக அனைத்து ஓட்டல்களிலும் ஆவின் பால்தான் பயன்படுத்தி வருகிறோம். இந்த விலை உயர்வை சமாளிக்கும் வகையில், விலையேற்றம் தவிர்க்க முடியாததாக இருக்கிறது’ என்றார்.

மேலும் செய்திகள்

Like Us on Facebook Dinkaran Daily News
  • twins22

    தலை ஒட்டிப் பிறந்த இரட்டை சகோதரிகள் இனி தனித்தனியே!: அறுவை சிகிச்சைக்கு பின் சந்தோஷமாக நாடு திரும்பினர்..!!

  • mumbaitrain22

    7 மாதத்திற்கு பிறகு மும்பை மின்சார ரயிலில் பெண்கள் உற்சாக பயணம்!: 4 மகளிர் சிறப்பு ரயில்களும் இயக்கம்..!!

  • dinosauregg22

    பெரம்பலூரில் தோண்ட தோண்ட கிடைத்த ‘டைனோசர்’ முட்டைகள்!: ஒன்னு இல்ல ரெண்டு இல்ல.. ‘மிரள’ வைத்த எண்ணிக்கை..வியப்பில் பொதுமக்கள்..!!

  • locusts22

    எத்தியோப்பியாவில் வெட்டுக்கிளிகள் அட்டகாசம்!: 25 ஆண்டுகளில் இல்லாத அளவிற்கு உணவு பயிர்கள் நாசம்..விவசாயிகள் வேதனை..!!

  • rainbowtree22

    உலக பொறியாளர்களின் கவனத்தை ஈர்த்த பிலிப்பைன்ஸ் ரெயின்போ ட்ரீ டவர்!: கண்கவரும் புகைப்படங்கள்

படங்கள் வீடியோ கல்வி சினிமா ஜோ‌திட‌ம்