SUN குழுமத்திலிருந்து வெளிவரும் காலை நாளிதழ்

பணம் வைத்து சூதாட்டம் பெண்கள் உட்பட 27 பேர் கைது

8/14/2019 12:17:11 AM

சென்னை: பணம் வைத்து சூதாட்டத்தில் ஈடுபட்ட பெண்கள் உட்பட 27 பேரை போலீசார் கைது செய்தனர். அவர்களிடம் இருந்து 76 ஆயிரம் பணம் பறிமுதல் செய்யப்பட்டது. சென்னையில் சட்டத்திற்கு புறம்பாக பணம் வைத்து சூதாட்டத்தில் ஈடுபடும் நபர்களை கைது செய்ய போலீஸ் கமிஷனர் ஏ.ேக.விஸ்வநாதன் போலீசாருக்கு உத்தரவிட்டுள்ளார். அந்த வகையில், டி.பி.சத்திரம் நான்கு அடுக்கு பகுதியில் பணம் வைத்து சிலர் சூதாட்டத்தில் ஈடுபடுவதாக டி.பி.சத்திரம் போலீசாருக்கு ரகசிய தகவல் கிடைத்தது. அதன்படி போலீசர்ா நான்கு அடுக்கு சி.பிளாக் பின்புறம் உள்ள ஒரு வீட்டின் அருகே சந்தேகத்திற்கு இடமான வகையில் ஆட்கள் நடமாட்டம் இருந்தது. போலீசார் அதிரடியாக வீட்டிற்குள் புகுந்து சோதனை நடத்தினர். அப்போது பணம் ைவத்து சூதாட்டத்தில் ஈடுபட்ட வீட்டின் உரிமையாளர் பிரசாத் (எ) புருஷோத்தமன் (42) மற்றும் 2  பெண்கள் உட்பட 9 பேரை கைது செய்தனர். அவர்களிடம் இருந்து 47,290 பணம் பறிமுதல் செய்யப்பட்டது.

அதேபோல், அண்ணாசாலை தனியார் தங்கும் விடுதியில் பணம் வைத்து சூதாட்டத்தில் ஈடுபட்ட ரமேஷ்பாபு (36), புகழ் (எ) சாமுவேல் (52) உட்பட 12 பேரை ஆயிரம் விளக்கு போலீசார் கைது செய்தனர். அவர்களிடம் இருந்து 27400 பணம் பறிமுதல் செய்யப்பட்டது. மேலும், வேப்பேரி பெரம்பூர் பேரக்ஸ் சாலையில் உள்ள தனியார் லாட்ஜில் சூதாட்டத்தில் ஈடுபட்ட அருண்குமார் (34) உட்பட 6 பேரை போலீசார் கைது செய்தனர். அவர்களிடம் இருந்து 2 ஆயிரம் பணம் பறிமுதல் செய்யப்பட்டது.  ஒரே நாளில் நடத்தப்பட்ட அதிரடி சோதனையில் பணம் வைத்து சூதாட்டத்தில் ஈடுபட்ட 2 பெண்கள் உட்பட 27 பேரை போலீசார் கைது செய்தனர்.

மேலும் செய்திகள்

Like Us on Facebook Dinkaran Daily News
  • jaipourelephant20

    ராஜஸ்தான் மாநிலம் ஜெய்ப்பூர் கோட்டையில் மீண்டும் யானை சவாரிக்கு அனுமதி!..

  • delhiformer20

    வேளாண் சட்டங்களுக்கு எதிர்ப்பு தெரிவித்து ஹரியானா, பஞ்சாப்பில் இருந்து டெல்லி நோக்கி விவசாயிகள் பேரணி - கண்ணீர்புகை, தண்ணீர் பீய்ச்சி விரட்டியடிப்பு

  • nivarpondyvilupuram20

    நிவர் புயல் கரையை கடந்த நிலையில் புதுச்சேரி, விழுப்புரம் மற்றும் கடலூர் மாவட்டத்தில் சேதமடைந்த இடங்கள் ! புகைப்படங்கள்

  • nivarkadaloorcmvisit20

    நிவர் புயலால் பாதிக்கப்பட்ட கடலூர் மாவட்ட மக்களை பார்வையிட்டு நிவாரண பொருட்களை வழங்கினார் மாண்புமிகு தமிழ்நாடு முதலமைச்சர் திரு.எடப்பாடி கே.பழனிசாமி!..

  • nivarthirvannamali20

    திருவண்ணாமலை மற்றும் திருப்பத்தூரில் நிவர் புயலின் தாக்கம் !... புகைப்படங்கள்

படங்கள் வீடியோ கல்வி சினிமா ஜோ‌திட‌ம்