SUN குழுமத்திலிருந்து வெளிவரும் காலை நாளிதழ்

ஆவடி கமிஷனர் அலுவலகத்துக்கு வெடிகுண்டு மிரட்டல்; காய்கறி வியாபாரி அதிரடி கைது: பொன்னேரி போலீஸ் நடவடிக்கை

10/1/2022 5:40:37 AM


பொன்னேரி, அக். 1:  ஆவடி கமிஷனர் அலுவலகத்துக்கு வெடிகுண்டு மிரட்டல் விடுத்த  வாலிபர் மீஞ்சூர் போலீசாரால் கைது செய்யப்பட்டார். ஆவடி  கமிஷனர் அலுவலகத்திற்கு வெடிகுண்டு வைத்துள்ளதாக நேற்றுமுன்தினம் எண் 100க்கு தொடர்பு கொண்ட மர்ம நபர் தொடர்ந்து மிரட்டல் விடுத்து வந்துள்ளார். இதனை தொடர்ந்து சைபர் கிரைம் போலீசார் செல்போன் எண்ணை பதிவு செய்து  தீவிர விசாரணை நடத்தி வந்தனர். இந்நிலையில், மீஞ்சூர் காவல் நிலையத்திற்கு உட்பட்ட அனுப்பம்பட்டு பகுதியில் செல்போன் சிக்னல் கிடைத்தது. அதன் அடிப்படையில் அனுப்பம்பட்டு ராஜாபாளையம் கிராமத்தை சேர்ந்த ருக்குமாங்கதன் என்பவரின் மகன் லோகேஷ் (எ)விக்னேஷ் (36) என தெரிய வந்தது.

இவர், பி. ஏ பட்டதாரி, மொத்த காய்கறி வியாபாரம் செய்து வருபவர்.  இதனை அடுத்து மீஞ்சூர் போலீசார் வழக்கு பதிவு செய்து அவரை கைது செய்தனர். பின்னர், ரகசிய இடத்தில் வைத்து விசாரணை நடத்தி வருகின்றனர். இதேபோன்று,  கடந்த ஒரு வாரத்திற்கு முன்பு பொன்னேரி அடுத்த பஞ்செட்டியில் உள்ள தனியார் பள்ளிக்கு வெடி குண்டு வைத்திருப்பதாக  மிரட்டல் வந்தது. எனவே, இரண்டு நாட்களுக்கு பள்ளி விடுமுறை விடப்பட்டு போலீசார் தீவிர சோதனை நடத்தினர். இதில், அப்பள்ளியில் படிக்கும் மாணவனே வெடிகுண்டு மிரட்டல் விடுத்துள்ளார் என தெரியவந்தது. இதேபோல தொடர்ந்து வெடிகுண்டு மிரட்டல் விடுப்பவர்களை கைது செய்து தீவிர விசாரணை செய்து நடவடிக்கை எடுக்குமாறு காவல்துறை அதிகாரிகள் தெரிவித்துள்ள நிலையில் மேலும், இந்த சம்பவம் நடந்துள்ளது குறிப்பிடதக்கது.

மேலும் செய்திகள்

Like Us on Facebook Dinkaran Daily News
  • thaliand-monkey

    தாய்லாந்தில் சுற்றுலா பயணிகளை பெரிதும் ஈர்த்த குரங்கு படையல் திருவிழா கோலாகலமாக நடைபெற்றது..!

  • light-show-28

    பாரிசில் கண்கவர் ஒளி கண்காட்சி: மெய்சிலிர்க்க வைக்கும் வண்ணப் பூச்சிகள்..!!

  • china-corona-26

    தொடங்கிய இடத்தில் மீண்டும் ஆட்டம் காட்டும் கொரோனா!: சீனாவில் ஒரே நாளில் 31,000க்கும் அதிகமானோருக்கு பாதிப்பு..!!

  • ragul-priyanka-25

    நாம் ஒன்றாக நடக்கும்போது அடிகள் வலுவாக இருக்கும்; இந்திய ஒற்றுமை பயணத்தில் இணைந்த அண்ணன் - தங்கை..!!

  • ukrain-dark

    இருளில் தவிக்கும் உக்ரைன் மக்கள்: மின் உற்பத்தி நிலையங்களை குறி வைத்து ரஷ்யா தாக்குதல்..!

படங்கள் வீடியோ கல்வி சினிமா ஜோ‌திட‌ம்