SUN குழுமத்திலிருந்து வெளிவரும் காலை நாளிதழ்

தூத்துக்குடி தசரா திருவிழா சப்பர பேரணி வழித்தடம் சீரமைக்க மேயரிடம் கோரிக்கை

10/1/2022 5:23:48 AM

தூத்துக்குடி,அக்.1: தூத்துக்குடி தசரா திருவிழா சப்பர பேரணிக்கான வழித்தடங்களை சீரமைத்து தந்திடவேண்டுமென வலியுறுத்தப்பட்டுள்ளது. இதுகுறித்து, தூத்துக்குடி மாநகராட்சி மேயர் ஜெகன்பெரியசாமியிடம் இந்து முன்னணி மாநகர் மாவட்ட தலைவர் இசக்கிமுத்து தலைமையில் நிர்வாகிகள் மனு கொடுத்தனர். அந்த மனுவில், நவராத்திரி தசரா திருவிழாவினை முன்னிட்டு தூத்துக்குடி மாநகரிலுள்ள திருக்கோவில் அம்பாள்களின் அருட்சப்பரபேரணி வரும் 5ம் தேதி முதல் 7ம் தேதி வரை 3 தினங்கள் நடைபெறுகிறது. கடந்த 40ஆண்டுகளாக பாரம்பரியமாக நடைபெற்றுவரும் இந்நிகழ்வில் வரும் 7ம்தேதி தூத்துக்குடி மத்தியபாகம் காவல்நிலையம் அருகிலுள்ள விநாயகர் கோவிலில் இருந்து அனைத்து திருக்கோவில்களிலும் சப்பரப்பேரணியானது பெண்கள் கலந்துகொள்ளும் மாவிளக்கு ஊர்வலமாக வந்து சிவன்கோவில் முன்பு ரிஷப வாகனத்தில் எதிர்சேவை நிகழ்ச்சியாக நடைபெறுகிறது. சப்பர வீதிஉலா தடையின்றி நடைபெறும் வகையில் அவ்வழித்தடங்களிலுள்ள மரங்களின் கிளைகளை அகற்றிடவேண்டும். மாநகராட்சி பணிக்காக தோண்டப்பட்ட குழிகள் மற்றும் சிவன்கோயில் பெருமாள் கோயில் இடையேயுள்ள கழிவுநீர் ஓடை பள்ளம் ஆகியவற்றை மாநகராட்சி நிர்வாகம் சீரமைத்து சப்பரபேரணி சிறப்பாக நடைபெற வழிவகை செய்திடவேண்டும் என்று அதில் கூறியுள்ளனர்.

மேலும் செய்திகள்

Like Us on Facebook Dinkaran Daily News
  • om-mathan-kark

    சாதனை படைக்க வயசு தடை இல்லை: எவரெஸ்ட் அடிவாரத்துக்கு நடந்தே சென்று சாதித்த 6 வயது சிறுவனின் சாகச பயணம்..!

  • landslide-colombia

    கொலம்பியாவில் ஏற்பட்ட நிலச்சரிவில் சிக்கி உயிரிழந்தவர்களின் எண்ணிக்கை 33 அதிகரிப்பு..!

  • tirupati-murmu-5

    திருப்பதி ஏழுமலையான் கோவிலில் குடியரசு தலைவர் திரௌபதி முர்மு சுவாமி தரிசனம்..!!

  • brazil-rain-landslide-2

    தொடர் மழையால் அதிரும் பிரேசில்!: நீரில் அடித்து செல்லப்பட்ட வாகனங்கள்.. நிலச்சரிவில் சிக்கி 2 பேர் பலி..!!

  • kujarat-election

    குஜராத் மாநிலம் சட்டசபை தேர்தலில் வாக்களிக்க ஆப்பிரிக்க மக்களுக்கென பிரத்யேக பூத்: உணவு, ஆட்டம் பாட்டத்துடன் கொண்டாடிய மக்கள்..!

படங்கள் வீடியோ கல்வி சினிமா ஜோ‌திட‌ம்