SUN குழுமத்திலிருந்து வெளிவரும் காலை நாளிதழ்

மருத்துவ மாணவிகள் விழிப்புணர்வு பேரணி

9/29/2022 5:24:04 AM

தர்மபுரி, செப்.29: சர்வதேச காதுகேளாதோர் வாரத்தை முன்னிட்டு, தர்மபுரி அரசு மருத்துவக்கல்லூரி மாணவ, மாணவிகளின் விழிப்புணர்வு பேரணி நேற்று நடந்தது. நாடு முழுவதும் செப்டம்பர் 19ம் தேதி முதல் 25ம் தேதி வரை, சர்வதேச காது கேளாதோர் வாரமாக  கடைபிடிக்கப்படுகிறது. இதனையொட்டி, தர்மபுரி அரசு மருத்துவக் கல்லூரி மருத்துவமனையின் காது, மூக்கு, தொண்டை பிரிவு சார்பில் விழிப்புணர்வு பேரணி நேற்று நடந்தது. பேரணியை மருத்துவக்கல்லூரி முதல்வர் அமுதவல்லி துவக்கி வைத்தார். பேரணி மருத்துவமனை உள்ளே அனைத்து வார்டுகளின் வழியாக சென்றது. இதில் துணை முதல்வர் சாந்தி, காது மூக்கு தொண்டை பிரிவு துணைத் தலைவர் செந்தில்குமரன் மற்றும் மாணவ, மாணவிகள் பங்கேற்றனர். இதுபற்றி டாக்டர் செந்தில்குமரன் கூறுகையில், ‘ஆண்டுதோறும் சர்வதேச காதுகேளாதோர் வாரம், செப்டம்பர் 19ம் தேதி முதல் 25ம் தேதி வரை கடைபிடிக்கப்படுகிறது. இது குறித்து பொதுமக்களுக்கு விழிப்புணர்வு ஏற்படுத்தும் வகையில் பேரணி நடத்தப்பட்டது. தர்மபுரி அரசு மருத்துவக்கல்லூரி மருத்துவமனையில் முதலமைச்சர் காப்பீடு திட்டத்தின் மூலம் 1500 பேருக்கு காது கேட்கும் கருவி வழங்கப்பட்டுள்ளது. பிறவி காது கேளாததற்கு காக்ளியர் இம்பிளான்ட் அறுவை சிகிச்சை 26 குழந்தைகளுக்கு செய்யப்பட்டுள்ளது,’ என்றார்.

மேலும் செய்திகள்

Like Us on Facebook Dinkaran Daily News
  • om-mathan-kark

    சாதனை படைக்க வயசு தடை இல்லை: எவரெஸ்ட் அடிவாரத்துக்கு நடந்தே சென்று சாதித்த 6 வயது சிறுவனின் சாகச பயணம்..!

  • landslide-colombia

    கொலம்பியாவில் ஏற்பட்ட நிலச்சரிவில் சிக்கி உயிரிழந்தவர்களின் எண்ணிக்கை 33 அதிகரிப்பு..!

  • tirupati-murmu-5

    திருப்பதி ஏழுமலையான் கோவிலில் குடியரசு தலைவர் திரௌபதி முர்மு சுவாமி தரிசனம்..!!

  • brazil-rain-landslide-2

    தொடர் மழையால் அதிரும் பிரேசில்!: நீரில் அடித்து செல்லப்பட்ட வாகனங்கள்.. நிலச்சரிவில் சிக்கி 2 பேர் பலி..!!

  • kujarat-election

    குஜராத் மாநிலம் சட்டசபை தேர்தலில் வாக்களிக்க ஆப்பிரிக்க மக்களுக்கென பிரத்யேக பூத்: உணவு, ஆட்டம் பாட்டத்துடன் கொண்டாடிய மக்கள்..!

படங்கள் வீடியோ கல்வி சினிமா ஜோ‌திட‌ம்