SUN குழுமத்திலிருந்து வெளிவரும் காலை நாளிதழ்

Dinakaran Daily news

புதுவை அரசு பேருந்து கண்ணாடி உடைப்பு

9/29/2022 5:20:18 AM

சிதம்பரம், செப். 29:   சிதம்பரம் அருகே புதுச்சேரி அரசு பேருந்து மீது மர்ம நபர்கள் கல்வீசி தாக்கியதில் பேருந்தின் முன்புற கண்ணாடி உடைந்து சேதமடைந்தது. இதையடுத்து மர்ம நபர்களை போலீசார் தேடி வருகின்றனர். திருவாரூர் மாவட்டம் நன்னிலம் அடுத்த சேதனபதி பூந்தோட்டம் மேலவீதியை சேர்ந்தவர் ராமகிருஷ்ணன் (54). இவர் புதுவை மாநில அரசு பேருந்து ஓட்டுனராக பணிபுரிந்து வருகிறார். இந்நிலையில் சம்பவத்தன்று இரவு சிதம்பரம் அருகே உள்ள கடவாச்சேரி பகுதி வழியாக சென்னை நோக்கி பேருந்து சென்று கொண்டிருந்த போது அடையாளம் தெரியாத 2 பேர் இருசக்கர வாகனத்தில் வந்து பேருந்தின் முன் பக்கம் கல் வீசி தாக்கியதில் முன்புற கண்ணாடி உடைந்து நொறுங்கியது. இதனால் பேருந்து நிறுத்தப்பட்டது. அதில் பயணம் செய்த பயணிகள் அலறியடித்தபடி இறங்கி ஓடினர். இதில் அதிர்ஷ்டவசமாக யாருக்கும் காயம் ஏற்படவில்லை. இதனையடுத்து பேருந்து ஓட்டுனர் அண்ணாமலை நகர் காவல் நிலையத்தில் அளித்த புகாரின் பேரில் போலீசார் வழக்குப்பதிவு செய்து விசாரணை மேற்கொண்டு வருகின்றனர். புதுவையில் நேற்று முன்தினம் இந்து முன்னணி சார்பில் முழு அடைப்பு போராட்டம் அறிவிக்கப்பட்டு நடத்தப்பட்டது. இதையொட்டி 6 அரசு, தனியார் பேருந்துகள் கல்வீச்சில் சேதமடைந்தன. இந்நிலையில் சிதம்பரம் அருகே மர்ம நபர்கள் அரசு பேருந்து மீது கல்வீசி தாக்கியது பரபரப்பை ஏற்படுத்தி உள்ளது.

மேலும் செய்திகள்

Dinakaran Daily news
Like Us on Facebook Dinkaran Daily News
  • tirupati-murmu-5

    திருப்பதி ஏழுமலையான் கோவிலில் குடியரசு தலைவர் திரௌபதி முர்மு சுவாமி தரிசனம்..!!

  • brazil-rain-landslide-2

    தொடர் மழையால் அதிரும் பிரேசில்!: நீரில் அடித்து செல்லப்பட்ட வாகனங்கள்.. நிலச்சரிவில் சிக்கி 2 பேர் பலி..!!

  • kujarat-election

    குஜராத் மாநிலம் சட்டசபை தேர்தலில் வாக்களிக்க ஆப்பிரிக்க மக்களுக்கென பிரத்யேக பூத்: உணவு, ஆட்டம் பாட்டத்துடன் கொண்டாடிய மக்கள்..!

  • vinayagar-puduchery-30

    புதுச்சேரியை அதிரவைக்கும் மக்களின் அழுகுரல்.. மணக்குள விநாயகர் கோயில் யானை உயிரிழப்புக்காக கதறும் பக்தர்கள்..!!

  • sirpi-30

    சிற்பி திட்டத்தின் கீழ் மாணவ, மாணவியர்களுக்கான தேசப்பற்று குறித்த விழிப்புணர்வு நிகழ்ச்சி: அமைச்சர் அன்பில் மகேஷ் பங்கேற்பு

படங்கள் வீடியோ கல்வி சினிமா ஜோ‌திட‌ம்