கங்கைகொண்டானில் மனைவியை கத்தியால் குத்திய கணவருக்கு 4 ஆண்டு சிறை
9/28/2022 5:42:23 AM
நெல்லை, செப்.28: நெல்லை மாவட்டம் கங்கைகொண்டான் வெங்கடாசலபுரம் அம்மன் கோவில் தெருவைச் சேர்ந்தவர் பெருமாத்தாள்(40). கயத்தாரை சேர்ந்த வீரபுத்திரன் என்ற ராஜ் கூலி தொழிலாளி ஆகியோருக்கு கடந்த 15 ஆண்டுகளுக்கு முன் திருமணம் நடந்தது. இவர்களுக்கு மகன், மகள் என இரு குழந்தைகள் உள்ளனர். ராஜ், பெருமாத்தாள் மீது சந்தேகப்பட்டு அடிக்கடி தகராறு செய்து வந்தார். இதனால் கணவன், மனைவிக்கு இடையே கருத்து வேறுபாடு ஏற்பட்டு மூன்று ஆண்டுகளாக பிரிந்து வாழ்கின்றனர். பெருமாத்தாள் பல பகுதிகளுக்கு சென்று கருப்பட்டி விற்பனை செய்து குழந்தைகளை காப்பாற்றி வருகிறார். இந்நிலையில் கடந்த 2016 மே 5ம்தேதி மாலை பெருமாத்தாள் வீட்டில் இருந்தபோது அங்கு வந்த ராஜ், மனைவியை கருப்பட்டி விற்க செல்லக்கூடாது எனக்கூறி தகராறு செய்தார். பின்னர் தான் மறைத்து வைத்திருந்த கத்தியால் மனைவியை கழுத்தில் குத்திவிட்டு தப்பி ஓடிவிட்டார். இதையடுத்து நெல்லை அரசு மருத்துவமனையில் சிகிச்சைக்கு அனுமதிக்கப்பட்ட அவர் அளித்த புகாரின் பேரில் கங்கைகொண்டான் போலீசார் வழக்கு பதிந்து விசாரணை நடத்தி வீரபுத்திரன் என்ற ராஜை கைது செய்தனர். இதுகுறித்த வழக்கு நெல்லை மகிளா நீதிமன்றத்தில் நடந்து வந்தது. வழக்கை விசாரித்த நீதிபதி விஜயகுமார், குற்றவாளி ராஜூக்கு 4 ஆண்டு சிறை தண்டனையும், ரூ.11 ஆயிரம் அபராதமும் விதித்து தீர்ப்பளித்தார். அபராத தொகையில் பாதிக்கப்பட்ட பெண்ணுக்கு ரூ.8 ஆயிரம் வழங்கவும் தீர்ப்பு கூறினார். இவ்வழக்கில் அரசு தரப்பில் வக்கீல் ஜெயபிரபா ஆஜரானார்.
மேலும் செய்திகள்
உரம் வாங்க செல்லும் போது சாதியை கேட்கும் அவலம் நெல் கொள்முதல் நிலையங்களில் பணம் தருவதில் காலதாமதம் குறைதீர்ப்பு கூட்டத்தில் விவசாயிகள் குமுறல்
பங்குனி உத்திர திருவிழாவை யொட்டி தென்காசி மாவட்டத்துக்கு ஏப்.5ல் உள்ளூர் விடுமுறை
ஆம்பூர் அருகே மரத்தில் பைக் மோதி கட்டிட தொழிலாளி பலி
கடன் தொகையை மோசடி செய்த வாலிபர் கைது
மேலப்பாளையத்தில் மது விற்றவர் கைது
5 ஆண்டுகளாக தொடர்ந்து நடக்கும் பணிகள் நெல்லை சந்திப்பு பஸ்நிலையம் எப்போது திறக்கப்படும்? பொதுமக்கள் எதிர்பார்ப்பு
ஸ்பெயினில் ராக்கெட் வேகத்தில் பரவி வரும் காட்டுத் தீ; சாம்பலாகும் அரிய பெரிய மரங்கள்..!!
ஏஐ தொழில்நுட்பத்தை பயன்படுத்தி உருவாக்கப்பட்டுள்ள செல்பிக்கள்
தைவானில் உள்ள தைபே ஃபேஷன் வீக் பாரம்பரிய உடைகளில் கவனம் செலுத்துகிறது..!!
தண்ணீரில் நகரம் .. கண்ணீரில் மக்கள்... கலிஃபோர்னியாவை புரட்டிப்போட்ட பேய் மழை, சூறைக்காற்று!!
பாகிஸ்தான்,ஆப்கானிஸ்தானில் நிலநடுக்கம்: 9 பேர் பலி